ສີ​ລັງກາ​ກຳລັງ​ໃຊ້​ເຕັກ​ໂນ​ໂລ​ຊີ​ໂດຣນເພື່ອ​ຄວບ​ຄຸມ​ໄວຣັສ​ໄຂ້​ເລືອດ​ອອກ

- advert banner 728 90 728x90 - ສີ​ລັງກາ​ກຳລັງ​ໃຊ້​ເຕັກ​ໂນ​ໂລ​ຊີ​ໂດຣນເພື່ອ​ຄວບ​ຄຸມ​ໄວຣັສ​ໄຂ້​ເລືອດ​ອອກ

      ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ​ຂອງ​ສີ​ລັງກາ ອອກ​ຖະ​ແຫລ​ງການ​ລະບຸ​ວ່າ: ກຳລັງ​ສຳ​ຫລວດ​ຄວາມ​ເປັນ​ໄປ​ໄດ້​ໃນ​ການ​ໃຊ້​ເຕັກ​ໂນ​ໂລ​ຊີ​ໂດຣນ​ໃນ​ການ​ຄວບ​ຄຸມ​ໄວຣັສ​ໄຂ້​ເລືອດ​ອອກ.

- new3 - ສີ​ລັງກາ​ກຳລັງ​ໃຊ້​ເຕັກ​ໂນ​ໂລ​ຊີ​ໂດຣນເພື່ອ​ຄວບ​ຄຸມ​ໄວຣັສ​ໄຂ້​ເລືອດ​ອອກ

      ສື່​ເຊິ່ງອ້າງ​ຄຳ​ຖະ​ແຫລ​ງຂອງ​ຮອງລັດຖະມົນຕີກະຊວງ​ເຕັກ​ໂນ​ໂລ​ຊີ ​ແລະ ນະ​ວັດຕະ​ກຳ​ສີ​ລັງກາ ລາຍ​ງານ​ວ່າ: ​ເມື່ອ​ມໍ່​ໆ​ນີ້ ​ໄດ້​ມີ​ການ​ຫາລື​ກັບ​ຜູ້​ຊ່ຽວຊານ​ວ່າ: ຈະ​ສາມາດ​ນຳ​ເຕັກ​ໂນ​ໂລ​ຊີ​ໂດຣນມາ​ໃຊ້ ​ເພື່ອ​ປ້ອງ​ກັນ​ໄວຣັສ​ໄຂ້​ເລືອດ​ອອກ ​ເຊິ່ງສົ່ງ​ຜົນ​ກະທົບ​ຕໍ່​ສຸຂະພາບ​ຢ່າງ​ຮຸນ​ແຮງ ​ແລະ ການ​ພັດທະນາຂອງ​ສີ​ລັງກາ​ໃນ​ປີຜ່ານມາ​ໄດ້​ແນວ​ໃດ.

      ກະຊວງ​ວິທະຍາສາດ​ສີ​ລັງກາ ​ເປີດ​ເຜີຍ​ວ່າ: ຈາກ​ການ​ສຶກສາ​ເມື່ອມໍ່​ໆ​ນີ້ ​ໂດຍ​ນັກວິ​ໄຈ​ຊາວ​ສີ​ລັງກາ​ພົບ​ວ່າ: ​ເຕັກ​ໂນ​ໂລ​ຊີ​ໂດຣນ ສາມາດ​ຊ່ວຍ​ກວດ​ສອບ​ແຫ​ລ່ງ​ເພາະ​ພັນ​ຍຸງ​ຈາກ​ທາງ​ອາກາດ ​ແລະ ສົ່ງ​ຂໍ້​ມູນ​ໄປ​ຫາ​ຜູ້​ກວດ​ສອບ​ສາທາລະນະ​ສຸກ​ໄດ້​ຢ່າງ​ມີ​ປະສິດທິພາບ.

     ຕົ້ນ​ເດືອນ​ຜ່ານ​ມາ, ກະຊວງ​ສາທາລະນະ​ສຸກ​ຂອງ​ສີ​ລັງກາ​ເປີດ​ເຜີຍ​ວ່າ: ສີ​ລັງກາ​ມີ​ຜູ້​ປ່ວຍ​ໄຂ້​ເລືອດ​ອອກ​ໃນ​ປະ​ເທດ​ເພີ່ມ​ຂຶ້ນ​ເປັນ​ສອງ​ເທົ່າ​ໃນ​ປີ 2019 ​ເມື່ອ​ທຽບ​ໃສ່​ປີ​ກ່ອນ​ໜ້າ ​ໂດຍ​ມີ​ຜູ້​ເສຍ​ຊີວິດ 90 ຄົນ ​ແລະ ຜູ້​ປ່ວຍ​ຫລາຍ​ກວ່າ 99.000 ຄົນ​ທົ່ວ​ປະ​ເທດ, ຂະນະ​ທີ່​ໃນ​ປີ 2018 ມີ​ຜູ້​ປ່ວຍ 51.659 ຄົນ ​ແລະ ມີ​ຜູ້​ເສຍ​ຊີວິດ 58 ຄົນ.

error: Content is protected !!