ນາຍົກຫວຽດນາມຢ້ຽມຢາມອາເມລິກາ ເຈລະຈາການຮ່ວມມືດ້ານການຄ້າ

- Untitled design - ນາຍົກຫວຽດນາມຢ້ຽມຢາມອາເມລິກາ ເຈລະຈາການຮ່ວມມືດ້ານການຄ້າ

- p16zkjpo - ນາຍົກຫວຽດນາມຢ້ຽມຢາມອາເມລິກາ ເຈລະຈາການຮ່ວມມືດ້ານການຄ້າ

 

ວໍ​ຊິງ​ຕັນ 1 ມິຖຸນາ: ປະທານາທິບໍດີ ​ໂດນ​ັນ ທຣຳ ຂອງ​ອາ​ເມ​ລິ​ກາ ​​ໃຫ້ການ​ຕ້ອນຮັບ​ນາຍົກລັດຖະມົນຕີ ຫງວຽນ ຊວນ ຟຸກ ຂອງ​ຫວຽດນາມ, ພາຍຫລັງ​ເດີນທາງ​ເຖິງ​ທຳນຽບຂາວ​ໃນ​ວັນ​ທີ 31 ພຶດສະພາ​ແລ້ວ​ນີ້ ​ໂດຍ​ທັງ​ສອງ​ມີ​ການ​ຫາລື​ໃນ​ບັນຫາ​ສຳຄັນ​ເລື່ອງ​ອາ​ເມ​ລິ​ກາ​ມີ​ດຸນ​ການ​ຄ້າ​ຂາດ​ດຸນ​ກັບ​ຫວຽດນາມ.

​ໃນ​ໄລຍະ​ການ​ຫາລື, ປະທານາທິບໍດີ ທຣຳ ​ເປັນ​ຝ່າຍ​ຍົກ​ເອົາ​ບັນຫາ​ເລື່ອງ​ຄວາມ​ບໍ່​ສົມ​ດູ​ນທາງ​ການ​ຄ້າ​ລະຫວ່າງ 2 ປະ​ເທດ​ຂຶ້ນມາ​ເຈລະຈາ​ທັນທີ ​ໂດຍ​ລະບຸ​ວ່າ: ອາ​ເມ​ລິ​ກາ​ຂາດ​ດຸນ​ທາງ​ການ​ຄ້າ​ກັບ​ຫວຽດນາມ​ເປັນ​ຈຳນວນ​ຫລາຍ, ທ່ານ​ຈຶ່ງ​ຫວັງ​ຈະ​ເຫັນ​ການ​ຄ້າ​ລະຫວ່າງ 2 ປະ​ເທດ​ມີ​ຄວາມ​ສົມ​ດຸນ​ຫລາຍ​ຂຶ້ນ​ໃນ​ອະນາຄົດ. ​ເຖິງ​ຢ່າງ​ໃດ​ກໍ​ດີ, ການ​ສັ່ງ​ຊື້ສິນຄ້າ ​ແລະ ບໍລິການ​ຂອງ​ຫວຽດນາມ​ເປັນ​ມູນ​ຄ່າ​ຫລາຍ​ພັນ​ລ້ານ​ໂດ​ລາ ຈະ​ຊ່ວຍ​ສ້າງ​ວຽກ​ໃຫ້​ຊາວ​ອາ​ເມ​ລິ​ກາ​ໄດ້. ຜູ້ນຳ​ທັງ​ສອງ​ລະບຸ​ວ່າ: ​ໄດ້​ມີ​ການ​ລົງ​ນາມ​ໃນ​ຂໍ້​ຕົກລົງ​ດ້ານ​ທຸລະ​ກິດ​ລະຫວ່າງ​ກັນ​ມູນ​ຄ່າ​ຫລາຍ​ພັນ​ລ້ານ​ໂດ​ລາ​ສະຫະລັດ, ​ແຕ່​ບໍ່​ມີ​ການ​ເປີດ​ເຜີຍ​ລາຍ​ລະອຽດ​ກ່ຽວ​ກັບ​ຂໍ້​ຕົກລົງ​ດັ່ງກ່າວ.

 

- Wave100S AD to Website 2020 0 - ນາຍົກຫວຽດນາມຢ້ຽມຢາມອາເມລິກາ ເຈລະຈາການຮ່ວມມືດ້ານການຄ້າ

- preview - ນາຍົກຫວຽດນາມຢ້ຽມຢາມອາເມລິກາ ເຈລະຈາການຮ່ວມມືດ້ານການຄ້າ

ນາຍົກລັດຖະມົນຕີ ຫງວຽນ ຊວນ ຟຸກ ກ່າວ​ວ່າ: ການ​ພົວພັນ​ລະຫວ່າງ​ຫວຽດນາມ ​ແລະ ອາ​ເມ​ລິ​ກາ​ຕ້ອງ​ຜະ​ເຊີນ​ກັບ​ອຸປະສັກ​ຢ່າງ​ໜັກ​ມາ​ກ່ອນ, ​ແຕ່​ປັດຈຸບັນ​ນີ້​ທັງ 2 ປະ​ເທດ​ພັດ​ກາຍ​ເປັນ​ຄູ່​ເຈລະ​ຈາ​ທີ່​ດີ​ຕໍ່​ກັນ​ແລ້ວ, ທ່ານ​ຮູ້ສຶກ​ປະ​ທັບ​ໃຈ​ໃນ​ຄວາມ​ມີ​ອັດທະຍາ​​ໄສ​ທີ່​ດີ ​ແລະ ການ​ເປັນ​ຄົນ​ເປີດ​​ເຜີຍ​ຂອງ​ປະທານາທິບໍດີ ທຣຳ ​ແລະ ໝັ້ນ​ໃຈ​ວ່າ: ການ​ຮ່ວມ​ມື​ໃນ​ລະດັບ​ທະວີ​ພາຄີ​ຈະ​ເດີນ​ໜ້າ​ພັດທະນາ​ຍິ່ງ​ຂຶ້ນ.

ຖະ​ແຫລ​ງການ​ຮ່ວມ​ຂອງ​ຜູ້ນຳ​ທັງ 2 ປະ​ເທດ​ລະບຸ​ວ່າ: ນາຍົກລັດຖະມົນຕີ ຫງວຽນ ຊວນ ຟຸກ ​ໃຫ້​ຄວາມ​ສົນ​ໃຈ​ຈະ​ສັ່ງ​ຊື້ອາວຸດ ລວມທັງ​ເລື່ອງ​ກວດກາ​ແຄມ​ຝັ່ງ​ຈາກ​ອາ​ເມ​ລິ​ກາ. ນອກຈາກ​ນີ້ ທັງ​ສອງ​ທ່ານ​ຍັງ​ວາງ​ແຜນ​ຈະ​ຂະຫຍາຍ​ການ​ຮ່ວມ​ມື​ລະຫວ່າງ​ກອງທັບ​ເຮືອ ​ແລະ ສົ່ງ​ກຳ​ປັ່ນ​ບັນທຸກ​ເຮືອບິນ​ອາ​ເມ​ລິ​ກາ​ໄປ​ຈອດ​ແວ່​ທຽບ​ທ່າ​ກຳ​ປັ່ນ​ຫວຽດນາມ​ນຳ​ອີກ.

- WhatsApp Image 2020 05 27 at 5 - ນາຍົກຫວຽດນາມຢ້ຽມຢາມອາເມລິກາ ເຈລະຈາການຮ່ວມມືດ້ານການຄ້າ
- WhatsApp Image 2020 05 27 at 5 - ນາຍົກຫວຽດນາມຢ້ຽມຢາມອາເມລິກາ ເຈລະຈາການຮ່ວມມືດ້ານການຄ້າ
error: Alert: ເນື້ອຫາຂ່າວມີລິຂະສິດ !!