ອິນໂດເນເຊຍເພີ່ມການປ້ອງກັນຊາຍແດນຢ້ານ IS ແຊກຊຶມ

- advert banner 728 90 728x90 - ອິນໂດເນເຊຍເພີ່ມການປ້ອງກັນຊາຍແດນຢ້ານ IS ແຊກຊຶມ

- philippines muslim militants 70206 jpg - ອິນໂດເນເຊຍເພີ່ມການປ້ອງກັນຊາຍແດນຢ້ານ IS ແຊກຊຶມ

- new3 - ອິນໂດເນເຊຍເພີ່ມການປ້ອງກັນຊາຍແດນຢ້ານ IS ແຊກຊຶມ

 

ຈາ​ກາ​ຕາ 1 ມິຖຸນາ: ທະຫານ ​ແລະ ຕຳຫລວດ​ອິນ​ໂດ​ເນ​ເຊຍ​ເພີ່ມ​ມາດ​ຕະການ​ປ້ອງ​ກັນຊາ​ຍ​ແດນ​ບໍ່​ໃຫ້​ກຸ່ມ​ລັດ​ອິສລາມ (IS) ຈາກ​ຊີຣີ ​ແລະ ອີຣັກ​ແຊກ​ຊຶມ​ເຂົ້າປະ​ເທດ, ພາຍຫລັງ​ມີ​ຂ່າວ​ວ່າ IS ພະຍາຍາມ​ຍຶດ​ເມືອງ​ທາງ​ຕອນ​ໃຕ້​ຂອງ​ຟີ​ລິບ​ປິນ.

 

+ ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

- lattana 1 - ອິນໂດເນເຊຍເພີ່ມການປ້ອງກັນຊາຍແດນຢ້ານ IS ແຊກຊຶມ

+ ກຸ່ມກໍ່ການຮ້າຍຂ້າຕັດຫົວຫົວໜ້າຕຳຫລວດ ຢູ່ເມືອງທາງພາກໃຕ້ຂອງຟີລິບປິນ

 

ສື່​ອິນ​ໂດ​ເນ​ເຊຍ​ລາຍ​ງານ​ວ່າ: ​ໂຄສົກ​ກອງທັບ​ບົກ​ກ່າວ​ຢູ່​ສູນ​ສື່​ມວນ​ຊົນ​ໃນ​ວັນ​ທີ 31 ພຶດສະພາ​ແລ້ວ​ນີ້​ວ່າ: ກອງທັບ​ເຝົ້າລະວັງ​ການ​ເຄື່ອນ​ໄຫວ​ຕ່າງໆ​ທີ່​ຈະ​ເອື້ອອຳນວຍ​ໃຫ້​ກຸ່ມ​ກໍ່​ການຮ້າຍ​ເຂົ້າມາ​ໃນ​ປະ​ເທດ​ຢູ່​ສະ​ເໝີ ​ແລະ ​ໄດ້​ເພີ່ມ​ມາດ​ຕະການ​ປ້ອງ​ກັນຊາ​ຍ​ແດນ​ໃນ​ເມືອງ​ອຳ​ບົນ, ບັນດາ​ເກາະ​ຕ່າງໆ, ​ເມືອງ​ໂມ​ລຸກ​ກະ ​ແລະ ​ແຂວງ​ສຸລາ​ເວ​ສີ​ເໜືອ ຕາມ​ຜູ້​ບັງຄັບ​ການ​ກອງ​ກຳລັງ​ໃນ​ເມືອງ​ອຳ​ບົນ​ແຈ້ງ​ເຕືອນ​ທັນທີ​ທີ່​ເກີດ​ເຫດ​ກຸ່ມ​ຕິດ​ອາວຸດບຸກຍຶດ​ເມືອງ​ມາຣາວີ ຢູ່​ເກາະ​ມິນ​ດາ​ເນົາ​ທາງ​ຕອນ​ໃຕ້​ຂອງ​ຟີ​ລິບ​ປິນ​ໃນ​ອາທິດ​ກ່ອນ. ອີກ​ທັງ​ຍັງ​ເຕືອນ​ວ່າ​ກຸ່ມ IS ອາດ​ແຊກ​ຊຶມ​ເຂົ້າອິນ​ໂດ​ເນ​ເຊຍ​ຜ່ານ​ເກາະ​ເມືອງ​ໂມ​ລຸກ​ກະ ​ແລະ ​ແຂວງ​ສຸລາ​ເວ​ສີ​ເໜືອ.

ຕຳຫລວດ​ແຂວງ​ສຸລາ​ເວ​ສີ​ເໜືອ​ເປີດ​ເຜີຍ​ວ່າ: ​ໄດ້​ເລີ່​ມປະຕິບັດ​ການ​ພິ​ເສດ​ນັບ​ແຕ່​ວັນ​ທີ 29 ພຶດສະພາ​ແລ້ວ​ນີ້, ລາດຕະ​ເວນ​ຄວາມ​ປອດ​ໄພ​ນ່ານນ້ຳລະຫວ່າງ​ອິນ​ໂດ​ເນ​ເຊຍ ​ແລະ ຟີ​ລິບ​ປິນ, ກວດກາ​ເຮືອນ​ຊານ ​ແລະ ​ເຂດ​ປະມົງ, ຫາ​ຂ່າວ ​ແລະ ​ເຝົ້າຕິດຕາມ​ການ​ເຄື່ອນ​ໄຫວ​ຂອງ​ກຸ່ມ​ຕ່າງໆ ກຳນົດ​ດຳ​ເນີນ​ງານ 90 ວັນ. ຖ້າ​ສະຖານະ​ການ​ກັບ​ເປັນ​ປົກກະຕິ​ຈະ​ສົ່ງ​ກຳລັງ​ກັບ, ​ແຕ່​ຖ້າ​ສະຖານະ​ການ​ຮ້າຍ​ແຮງ​ຈະ​ເພີ່ມ​ກຳລັງ​ພົນ​ອີກ.

error: Content is protected !!