ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ?

ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ? - 85 1 - ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ?
ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ? - Untitled design - ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ?

ພາຍຫລັງທີ່ກ່ອນໜ້ານີ້, ໜັງສືພິມລາວພັດທະນາ ໄດ້ສະເຫນີກ່ຽວກັບສະພາບບັນຫາຄົນຂໍທານທີ່ສ້າງຄວາມໜັກໃຈໃຫ້ສັງຄົມ, ຊື່ງພົບເຫັນແຜ່ຫລາຍ ຢູ່ ນະຄອນຫລວງວຽງຈັນ, ບາງຄົນກໍເປັນບຸກຄົນທີ່ມີສະພາບຮ່າງກາຍປົກກະຕິ ແລ້ວມາຍ່າງເລາະຂໍທານຕາມຖະໜົນ ແລະ ສະຖານທີ່ຕ່າງໆ ໂດຍສະເພາະແມ່ນ ຢູ່ເຂດ ແຄມຂອງ ຊຶ່ງເປັນເຂດໃຈກາງສະຖານທີ່ທ່ອງທ່ຽວ, ຊຶ່ງປະຊາຊົນ ທີ່ເຮັດຮ້ານອາຫານ ແລະ ບໍລິການຕ່າງໆ ກໍເວົ້າວ່າ: ມັກພົບເຫັນກຸ່ມຄົນດັ່ງກ່າວເປັນຈຳນວນຫລາຍ, ຊຶ່ງພວກເຂົາຈະພາຍຖົງ, ອຸ້ມເດັກນ້ອຍ ແລະ ມີກັນຫລາຍຄົນ ມາຮ່ວມເລາະຂໍເງີນ.

ຕໍ່ກັບສະພາບບັນຫາດັ່ງກ່າວ ໃນວັນທີ 20 ມັງກອນ ນີ້, ໃນກອງປະຊຸມສະໄໝສາມັນເທື່ອທີ 8 ສະພາປະຊາຊົນ ນະຄອນຫລວງວຽງຈັນ, ນັກຂ່າວໜັງສືພິມໄດ້ສຳພາດ ທ່ານ ນາງ ລຳພອຍ ສີອັກຄະຈັນ ຫົວໜ້າພະແນກແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ບັນຫາຄົນຂໍທານ ນີ້ ເປັນສະພາບປະກົດການຫຍໍ້ທໍ້ໜຶ່ງເກີດຂຶ້ນໃນສັງຄົມ, ຜ່ານມາພວກເຮົາກໍໄດ້ເອົາໃຈໃສ່ແກ້ໄຂ, ແຕ່ກໍປາກົດວ່າຍັງແກ້ໄຂບໍ່ທັນໄດ້ ເນື່ອງຈາກສະພາບເສດຖະກິດ ແລະ ບັນຫາການຂາດວຽກເຮັດງານທຳ ໂດຍສະເພາະໃນກຸ່ມຊາວໜຸ່ມ ທີ່ຢູ່ເຂດຫ່າງໄກ, ຕ່າງແຂວງ ເຮັດໃຫ້ພວກເຂົາຈຳເປັນຕ້ອງມາຂໍທານໃນຕົວເມືອງ.

ຫົວໜ້າພະແນກແຮງງານ ແລະ ສະຫວັດດີການສັງຄົມ ນະຄອນຫລວງວຽງຈັນ ໃຫ້ຮູ້ວ່າ: ປັດຈຸບັນ, ສະພາບຄົນຂໍທານໃນຕົວເມືອງແມ່ນພົບເຫັນຫລາຍຂຶ້ນ, ໂດຍ ສະເພາະໃນຍ່ານທີ່ມີຮ້ານອາຫານຍິ່ງພົບເຫັນຄົນຂໍທານຫລາຍ, ຊຶ່ງມີທັງປະເທດໃບ້ບ້າເສຍຈິດ, ພິການ ແລະ ບາງຄົນແມ່ນແຂງແຮງຮ່າງກາຍຄົບ 32 ປະການ, ຊຶ່ງນອກຈາກຈະເປັນພາບລັກອັນບໍ່ຈົບງາມຕໍ່ສາຍຕານັກທ່ອງທ່ຽວທັງພາຍໃນ ແລະ ຕ່າງປະເທດແລ້ວ, ມັນຍັງສ້າງຄວາມລໍາຄານໃຫ້ປະຊາຊົນກໍຄືຜູ້ປະ ກອບການຂາຍອາຫານຕ່າງໆ, ເນື່ອງຈາກວ່າຄົນຂໍທານສ່ວນຫລາຍແມ່ນຈະເຂົ້າໄປໃນຮ້ານເພື່ອຂໍເງິນນໍາແຂກ ຫລື ລູກຄ້າທີ່ມາໃຊ້ບໍລິການໂດຍກົງ, ຈາກບັນຫາທີ່ບໍ່ຈົບງາມດັ່ງກ່າວ, ມີຮ້ານອາຫານບາງແຫ່ງກໍບໍ່ໃຫ້ຄົນຂໍທານເຂົ້າໄປໃນຮ້ານເດັດຂາດເພື່ອບໍ່ໃຫ້ເປັນການລົບກວນລູກຄ້າ, ບາງຮ້ານກໍເຖິງຂັ້ນຂຽນປ້າຍເຕືອນລູກຄ້າບໍ່ໃຫ້ເອົາເງິນໃຫ້ຄົນຂໍທານ ແລະ ອີກຫລາຍກໍລະນີ.

ແນວໃດກໍຕາມ, ໄລຍະຜ່ານມາ, ເຖິງວ່າເຈົ້າໜ້າທີ່ກ່ຽວຂ້ອງໄດ້ມີການແກ້ໄຂບັນຫາດັ່ງກ່າວດ້ວຍຫລາຍຮູບການ ເປັນຕົ້ນ: ປະເພດໃບ້ບ້າເສຍຈິດ ຫລື ພິການຖ້າຫາກມີຄອບຄົວ ຫລື ຜູ້ປົກຄອງກໍສົ່ງກັບຄືນສູ່ຄອບຄົວເບິ່ງແຍງ, ຖ້າບໍ່ມີກໍແມ່ນຈັດສັນເຂົ້າໄປຢູ່ສູນບໍາບັດ, ສ່ວນຜູ້ທີ່ມີຮ່າງກາຍແຂງ ແຮງມາຈາກຕ່າງແຂວງກໍແມ່ນໄດ້ສົ່ງກັບຄືນເມືອທ້ອງຖິ່ນ, ພ້ອມທັງມອບໃຫ້ອໍານາດການປົກຄອງທ້ອງຖິ່ນສຶກສາອົບຮົມບໍ່ໃຫ້ເຂົາເຈົ້າກັບຄືນມາຂໍທານອີກ. ແຕ່ປາກົດວ່າຄົນຂໍທານປະເພດທີ່ຮ່າງກາຍແຂງແຮງນີ້ແມ່ນຍັງສືບຕໍ່ກັບຄືນມາເລາະຂໍທານໃນຕົວເມືອງອີກ, ໂດຍສະເພາະຢູ່ນະຄອນຫຼວງຈັນ, ເຊິ່ງບັນຫາດັ່ງກ່າວເຫັນວ່າຍັງບໍ່ສາມາດແກ້ໄຂໄດ້ຢ່າງຂາດຕົວ, ເນື່ອງຈາກພວກກ່ຽວມີຄວາມກຽດຄ້ານ ແລະ ບໍ່ມັກອອກແຮງງານ ເພື່ອເຮັດການຜະລິດພັດທະນາຄອບຄົວ, ຄົນຂໍທານ ປະເພດນີສ່ວນໃຫ່ຍແມ່ນມາເປັນຄອບຄົວ ແລະ ບາງຄົນພາລູກເລັກເດັກແດງຫອບເຈ່ຍມານຳ, ເຊິ່ງມີທັງຜູ້ສູງອາຍຸ, ແມ່ຍິງ ແລະ ເດັກນ້ອຍ ພາກັນຍ່າງເລາະຂໍທານຕາມສາຍທາງຕ່າງໆໃນຕົວເມືອງ, ຕົກແລງມາກໍໄປພົບເຕົ້າໂຮມກັນຢູ່ຕາມສວນສາທາລະນະ, ວັດ ແລະ ສະຖານທີ່ຕ່າງໆ, ບາງຄັ້ງມີການຊື້ເຫຼົ້າເບຍມາດຶ່ມຢ່າງເມົາມັນໂດຍບໍ່ສົນໃຈຕໍ່ສາຍຕາປະຊາຊົນທີ່ຜ່ານໄປມາ.

ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ? - Wave100S AD to Website 2020 0 - ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ?

ຕໍ່ສະພາບການດັ່ງກ່າວ, ສະມາຊິກສະພາປະຊາຊົນ ນະຄອນຫລວງວຽງຈັນ ໄດ້ສະເຫນີວ່າ: ເຈົ້າໜ້າທີ່ ຫລື ໜ່ວຍງານກ່ຽວຂ້ອງຄວນນຳໃຊ້ມາດຕະການຢ່າງເດັດຂາດຕໍ່ພວກກ່ຽວເພື່ອໃຫ້ກັບຄືນສູ່ທ້ອງຖິ່ນ, ພ້ອມທັງມອບໃຫ້ອຳນາດການປົກຄອງທ້ອງຖິ່ນຂອງພວກເຂົາຢູ່ນັ້ນ ເພີ່ມທະວິຄວາມເອົາໃຈໃສ່ໃນການສຶກສາອົບຮົມກ່ຽວກັບພາບພົດອັນບໍ່ຈົບງາມຈາກການຂໍທານ, ເຮັດໃຫ້ເສື່ອມເສຍກຽດສັກສີຕ່າງໆ, ພ້ອມທັງປຸກລະດົມໃຫ້ພວກເຂົາຮູ້ໄດ້ເຖິງຄວາມສໍາຄັນຂອງການອອກແຮງງານເພີ່ມພູນຜະລິດຜົນ, ເຮັດການຜະລິດເພື່ອເປັນອາຫານ ແລະ ສີນຄ້າຂາຍສ້າງລາຍຮັບເພື່ອພັດທະນາຄອບຄົວໃຫ້ມີຢູ່ມີກິນຫລາຍຂຶ້ນເທື່ອລະກ້າວ. ອີກເບື້ອງໜຶ່ງ, ປະຊາຊົນທົ່ວໄປທັງຢູ່ຕົວເມືອງ ຫລື ທ້ອງຖິ່ນກໍບໍ່ຄວນໃຫ້ເງິນຄົນຂໍທານທີ່ມີຮ່າງກາຍແຂງແຮງສົມບູນ, ເພາະຈະເປັນການສົ່ງເສີມໃຫ້ສະພາບຄົນຂໍທານເພີ່ມຫລາຍຂຶ້ນ.

ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ? - WhatsApp Image 2020 05 27 at 5 - ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ?
ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ? - WhatsApp Image 2020 05 27 at 5 - ແກ້ໄຂບັນຄົນຂໍທານ ຢູ່ ນະຄອນຫລວງວຽງຈັນ ຄວນເຮັດແບບໃດ ຈຶ່ງໄດ້ຜົນ?
error: Alert: ເນື້ອຫາຂ່າວມີລິຂະສິດ !!