ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ

ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ - 05 - ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ
ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ - Untitled design - ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ

       ແຂວງຊຽງຂວາງຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ 3 ງານໃຫຍ່ລະດັບຊາດຄື: ງານມະຫາກໍາກິລາແຫ່ງຊາດ ຄັ້ງທີ XI, ການສະເຫລີມສະຫລອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 65 ປີ ແລະ ສະເຫລີມສະຫລອງທົ່ງໄຫຫີນຊຽງຂວາງເຂົ້າເປັນມໍລະດົກໂລກ ໃນລະຫວ່າງວັນທີ 22 ມີນາ ຫາ 1 ເມສາປີນີ້ ​ໂດຍ​ແຂວງ​ຊຽງ​ຂວາງ​ເປັນ​ເຈົ້າພາບ, ສ່ວນ​ອາຫານ​ອື່ນໆ​ແມ່ນ​ແຂວງ​ມີ​ພຽງພໍ​ແລ້ວ.

        ທ່ານ ວຽງຄໍາ ຈັນທະລາ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງຊຽງຂວາງ, ທັງເປັນຄະນະອະນຸກໍາມະການອຸປະໂພກ-ບໍລິໂພກງານດັ່ງກ່າວ​ ໃຫ້​ຮູ້ວ່າ: ຜ່ານການເກັບຂໍ້ມູນການຜະລິດສະບຽງອາຫານຢູ່ບັນດາເມືອງຕ່າງໆ ແລະ ຈາກການຄິດໄລ່ຢ່າງລະອຽດກ່ຽວກັບການບໍລິໂພກຂອງແຂກທີ່ຈະເດີນທາງມາຮ່ວມ 3 ງານໃຫຍ່ລະດັບຊາດດັ່ງກ່າວ ເຫັນວ່າປະເພດຊີ້ນ, ປາ ແລະ ພືດຜັກຊະນິດຕ່າງໆທີ່ມີຢູ່ພາຍໃນແຂວງນັ້ນແມ່ນສາມາດຕອບ​ສະໜອງຄວາມຕ້ອງການຂອງ​ແຂກ​ໄດ້​ຢ່າງ​ພຽງພໍ​ແລ້ວ, ຍົກເວັ້ນໝາກໄມ້ ເພາະໃນໄລຍະຈັດງານຄັ້ງນີ້ ຢູ່ແຂວງຊຽງຂວາງຈະມີແຕ່ໝາກໄມ້ຕາມລະດູການເທົ່ານັ້ນຄື: ໝາກກ້ວຍ ແລະ ໝາກຫຸ່ງ, ສ່ວນໝາກໄມ້ຊະນິດອື່ນໆຕ້ອງໄດ້ນໍາເຂົ້າຈາກບ່ອນອື່ນ ເພື່ອໃຫ້ພຽງພໍກັບຄວາມຕ້ອງການ ​ໂດຍອະນຸກໍາມະການອຸປະໂພກ-ບໍລິໂພກຈະສົມທົບກັບພາກສ່ວນກ່ຽວຂ້ອງລົງຕິດຕາມກວດກາຢູ່ພື້ນທີ່ການຜະລິດ ແລະ ແຫລ່ງຈໍາໜ່າຍສິນຄ້າ ກໍຄືບັນດາຕະຫລາດພາຍໃນເທສະບານແຂວງ ເປັນຕົ້ນຕະຫລາດສວນພູຄໍາ, ຕະຫລາດນໍ້າຫງໍາ, ຕະຫລາດກະສິກໍາສີບຸນເຮືອງ ແລະ ຕະຫລາດອື່ນໆ ເພື່ອຮອງຮັບເປັນກະສິກໍາສະອາດ. ສ່ວນໝາກໄມ້ທີ່ຈະນໍາມາຈາກບ່ອນອື່ນຈະໄດ້ຕິດຕາມກວດກາຢ່າງເຂັ້ມງວດເຊັ່ນດຽວກັນ ເພື່ອຮັບປະກັນຄວາມປອດໄພຂອງຜູ້ບໍລິໂພກ.

ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ - Wave100S AD to Website 2020 0 - ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ
ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ - WhatsApp Image 2020 05 27 at 5 - ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ
ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ - WhatsApp Image 2020 05 27 at 5 - ຊຽງຂວາງ ຈະນໍາເຂົ້າແຕ່ໝາກໄມ້ເທົ່ານັ້ນ ເພື່ອຮັບໃຊ້ງານກິລາ​ແຫ່ງ​ຊາດ
error: Alert: ເນື້ອຫາຂ່າວມີລິຂະສິດ !!