ປີຜ່ານມາເສດຖະກິດນະຄອນຫລວງຂະຫຍາຍຕົວ 9,58%

ປີຜ່ານມາເສດຖະກິດນະຄອນຫລວງຂະຫຍາຍຕົວ 9,58% - advert banner 728 90 728x90 - ປີຜ່ານມາເສດຖະກິດນະຄອນຫລວງຂະຫຍາຍຕົວ 9,58%

ເຈົ້າຄອງນະຄອນຫລວງວຽງຈັນ, ໄດ້ລາຍງານຕໍ່ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນນະຄອນຫລວງວຽງຈັນໃນວັນທີ 20 ມັງກອນນີ້ວ່າ: ປີ 2019 ຜ່ານມາ, ລວມຍອດຜະລິດຕະພັນພາຍໃນ (GDP) ຂອງນະຄອນຫລວງວຽງຈັນຂະຫຍາຍຕົວລະດັບ 9,58%, ເຊິ່ງເປັນຕົວເລກການຂະຫຍາຍຕົວສູງເມື່ອທຽບໃສ່ຫລາຍປີຜ່ານມາສະເລ່ຍລາຍຮັບບັນລຸໄດ້ 5.699 ໂດລາສະຫະລັດຕໍ່ຄົນຕໍ່ປີ. ໃນນີ້ ຂົງເຂດກະສິກໍາ-ປ່າໄມ້ ກວມເອົາ 13,87%, ອຸດສາຫະກໍາ 50,28% ແລະບໍລິການກວມເອົາ 34,43%. ຂະນະດຽວກັນການຜະລິດເຂົ້າບັນລຸໄດ້ 283 ພັນກວ່າໂຕນ, ພືດຜັກ 116 ພັນກວ່າໂຕນ, ສາລີ 4 ພັນກວ່າໂຕນ, ສັດປີກມີຫລາຍກວ່າ 2 ລ້ານໂຕ. ນອກນີ້, ກໍໄດ້ມີນັກທ່ອງທ່ຽວເຂົ້າມານະຄອນຫລວງວຽງຈັນຫລາຍກວ່າ 2 ລ້ານເທື່ອຄົນ.

ປີຜ່ານມາເສດຖະກິດນະຄອນຫລວງຂະຫຍາຍຕົວ 9,58% - Wave100S AD to Website 2020 0 - ປີຜ່ານມາເສດຖະກິດນະຄອນຫລວງຂະຫຍາຍຕົວ 9,58%
ປີຜ່ານມາເສດຖະກິດນະຄອນຫລວງຂະຫຍາຍຕົວ 9,58% - lattana 1 - ປີຜ່ານມາເສດຖະກິດນະຄອນຫລວງຂະຫຍາຍຕົວ 9,58%

ທ່ານເຈົ້າຄອງໃຫ້ຮູ້ວ່າ: ນອກຈາກປະຕິບັດບັນດາຄາດໝາຍທີ່ສະພາແຫ່ງຊາດຮັບຮອງແລ້ວ, ຍັງໄດ້ສຸມໃສ່ແຜນງານຈຸດສຸມຈໍານວນໜຶ່ງເປັນຕົ້ນ: ເອົາໃຈໃສ່ແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ, ແກ້ໄຂໜີ້ສິນໃຫ້ຫລຸດຜ່ອນລົງ, ປຸກລະດົມພາກສ່ວນທຸລະກິດຫັນລົງໄປພັດທະນາເຂດຊົນນະບົດແລະຂະຫຍາຍການຜະລິດຕາມທ່າແຮງຂອງແຕ່ລະທ້ອງຖິ່ນ, ພ້ອມທັງເອົາໃຈໃສ່ກວດກາ 81 ໂຄງການເຊົ່າ-ສໍາປະທານທີ່ດິນລັດ, ຈັດສັນຄວາມເປັນລະບຽບຂອງບັນດາຮ້ານອາຫານ-ຮ້ານບັນເທິງ, ແກ້ໄຂບັນຫາແຮງງານຕ່າງປະເທດຜິດລະບຽບກົດໝາຍ, ຈັດສັນວຽກເຮັດງານທໍາໃຫ້ປະຊາຊົນ, ປັບປຸງພື້ນຖານໂຄງລ່າງ, ຈັດສັນຄວາມເປັນລະບຽບຕາມເສັ້ນທາງໃນຕົວເມືອງແລະແກ້ໄຂບັນຫາມົນລະພິດຕ່າງໆ ທີ່ສົ່ງຜົນກະທົບຕໍ່ສັງຄົມແລະສິ່ງແວດລ້ອມ.

error: Alert: Content is protected !!