ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ

ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ - Vir - ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ
ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ - AGL banner - ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ

     ຈີນ​ຢືນຢັນ​ວ່າ: ​ເຊື້ອ​​ໂຄ​ໂຣນາ​ໄວຣັສສາຍ​ພັນ​ໃໝ່​ມີ​ການ​ຕິດ​ຕໍ່​ຈາກ​ຄົນ​ສູ່​ຄົນ, ຂະນະ​ທີ່​ຈຳນວນ​ຜູ້​ເສຍ​ຊີວິດ​ເພີ່ມ​ເປັນ 4 ຄົນ​ແລ້ວ, ສ່ວນ​ອົງການ​ອະນາ​ໄມ​ໂລກ​ກຽມ​ປະຊຸມ​ດ່ວນ​ມື້ນີ້.

     ຜູ້​ຊ່ຽວຊານ​ທາງ​ການ​ແພດ​ຂອງ​ຈີນ​ຢືນຢັນ​ວ່າ: ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່​ທີ່​ເຮັດ​ໃຫ້​ເກີດ​ພະຍາດ​ປອດ​ອັກ​ເສບ​ສາມາດ​ຕິດ​ຕໍ່​ຈາກ​ຄົນ​ສູ່​ຄົນ​ໄດ້, ​ແຕ່​ລະບຸ​ວ່າ: ຈະ​ບໍ່​ເກີດ​ການ​ແຜ່​ລະບາດ​ຢ່າງ​ຮຸນ​ແຮງ​ຄື​ກັບ​ພະຍາດ​ລະບົບ​ທາງ​ເດີນ​ຫາຍ​ໃຈ​ກະທັນຫັນ​ຮ້າຍ​ແຮງ ຫລື ຊາຣ໌ສ ທີ່​ເຄີຍ​ເກີດ​ຂຶ້ນ​ໃນ​ປີ 2002-2003 ​ເຊິ່ງຂ້າ​ຊີວິດ​ຊາວ​ຈີນ ​ແລະ ຮົງ​ກົງ​ເກືອບ 800 ຄົນ. ຂະນະ​ທີ່ ຈຳນວນ​ຜູ້​ເສຍ​ຊີວິດ​ຈາກ​ພະຍາດ​ປອດ​ອັກ​ເສບ​ຫລ້າ​ສຸດ​ເພີ່ມ​ເປັນ 4 ຄົນ​ແລ້ວ ​ແລະ ມີ​ຜູ້​ຕິດ​ເຊື້ອທັງ​ໝົດ 218 ຄົນ.

     ຂະນະ​ດຽວ​ກັນ ຫລາຍ​ປະ​ເທດ​ກໍ​ມີ​ມາດ​ຕະການ​ປ້ອງ​ກັນ​ການ​ແຜ່​ລະບາດ, ຫລ້າ​ສຸດ​ອົດ​ສະຕຣາລີ​ຈະ​ມີ​ການ​ກວດ​ຄັດ​ກອງ​ຜູ້​ໂດຍສານ​ທີ່​ເດີນທາງ​ມາ​ຈາກ​ຈີນ ຫລັງ​ຈາກ​ກ່ອນ​ໜ້າ​ນີ້​ມີ​ການກວດ​ພົບ​ຜູ້​ຕິດ​ເຊື້ອຢູ່​ໄທ, ຍີ່ປຸ່ນ ​ແລະ ສ.​ເກົາຫລີ ​ເຊິ່ງທັງ​ໝົດ​ເປັນ​ຜູ້​ທີ່​ເດີນທາງ​ມາ​ຈາກ​ເມືອງ​ອູ່​ຮັນ.

ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ - Wave100S AD to Website 2020 0 - ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ

     ສ່ວນ​ອົງການ​ອະນາ​ໄມ​ໂລກ​ກຽມ​ປະຊຸມ​ດ່ວນ​ໃນ​ມື້ນີ້ ຢູ່​ນະຄອນ​ເຈ​ນີວາ ​ເພື່ອ​ຫາລື​ກ່ຽວ​ກັບ​ການ​ແຜ່​ລະບາດ​ຂອງ​ພະຍາດ​ດັ່ງກ່າວ ​ແລະ ຈະ​ມີ​ການ​ພິຈາລະນາ​ວ່າ​ຈະ​ມີ​ການ​ປະກາດ​ສະພາບ​ສຸກ​ເສີນ​ສາທາລະນະ​ສຸກ​ໂລກ ຫລື ບໍ່. ຂະນະ​ທີ່ ມີ​ຂໍ້​ມູນ​ລະບຸ​ວ່າ: ​ໃນ​ອາທິດ​ໜ້າ​ຈະ​ມີ​ຖ້ຽວ​ບິນ​ອອກ​ເດີນທາງ​ຈາກ​ເມືອງ​ອູ່​ຮັນ 2.131 ຖ້ຽວ​ໄປ​ເມືອງ​ຕ່າງໆ​ຂອງ​ຈີນ ​ແລະ ຈະ​ມີ​ຖ້ຽວ​ບິນ​ລະຫວ່າງ​ປະ​ເທດ​ອີກ 205 ຖ້ຽວ​.

ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ - lattana 1 - ຈີນ​ຢືນຢັນ​ເຊື້ອ​ໂຄ​ໂຣນາ​ໄວຣັສສາຍ​ພັນ​ໃໝ່ຕິດ​ຕໍ່​ຈາກ​ຄົນ​ສູ່​ຄົນ
error: Alert: Content is protected !!