ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ

ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - 225 - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ
ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - Untitled design - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ

          ບ່າຍວັນທີ 21 ມັງກອນນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ລົງໄປຢ້ຽມຢາມ ແລະ ພົບປະໂອ້ລົມພະນັກງານສະຖາບັນຄົ້ນຄວ້າເສດຖະກິດແຫ່ງຊາດ ໂດຍການຕ້ອນຮັບຢ່າງອົບອຸ່ນຈາກ​ພະນັກງານສະ​ຖາ​ບັນ​ດັ່ງກ່າວ.

ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - 82943761 2405806266396587 4618909114037174272 o - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ

​​​​​​​​​        ໃນໂອກາດນີ້, ທ່ານນາຍົກລັດຖະມົນຕີ ໄດ້ຮັບຟັງການລາຍງານສະພາບໂດຍຫຍໍ້ຈາກທ່ານ ລີເບີ ລີບົວປາວ ຮັກສາການຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດ ກ່ຽວກັບການຈັດຕັ້ງປະຕິບັດວຽກງານຂອງສະຖາບັນໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ. ສະຖາບັນປະກອບມີ 4 ສູນຄົ້ນຄວ້າ ແລະ 1 ຫ້ອງການ, ມີພະນັກງານທັງໝົດ 102 ທ່ານ ໂດຍໃນນັ້ນມີນັກຄົ້ນຄວ້າລະດັບປະລິນຍາເອກ 9 ທ່ານ, ຍິງ 2 ທ່ານ, ປະລິນຍາໂທ 38 ທ່ານ, ຍິງ 13 ທ່ານ ແລະ ປະລິນຍາຕີ 50 ທ່ານ, ຍິງ 22 ທ່ານ; ດ້ານວຽກງານວິຊາສະເພາະ: ສາມາດເຮັດສຳເລັດໜ້າທີ່ການເມືອງໃນການຄົ້ນຄວ້າ ໄດ້ມີບົດລາຍງານຕີລາຄາສະພາບພົ້ນເດັ່ນເສດຖະກິດມະຫາພາກ ແລະ ບາງສິ່ງທ້າທາຍເພື່ອແກ້ໄຂໃນຕໍ່ໜ້າ; ໄດ້ຮ່ວມກັບຂະແໜງການກ່ຽວຂ້ອງສຳເລັດການສ້າງແຜນຍຸດທະສາດວ່າດ້ວຍການເຕີບໂຕສີຂຽວຂອງ ສປປ ລາວ; ສຳເລັດການຄົ້ນຄວ້າກ່ຽວກັບສະພາບ ແລະ ໂຄງສ້າງລາຄາສິນຄ້າທີ່ຈຳເປັນ; ໄດ້ຮ່ວມກັບອົງການໄຈກ້າຂອງປະເທດຍີ່ປຸ່ນ ສຳເລັດຄົ້ນຄວ້າດ້ານນະໂຍບາຍກ່ຽວກັບການສ້າງສະຖຽນລະພາບດ້ານການເງິນ ຢູ່ ສປປ ລາວ; ໄດ້ສຳເລັດການຄົ້ນຄວ້າກ່ຽວກັບການປັບປຸງລັດວິສາຫະກິດ ແລະ ສະຫະກອນໃນຮູບແບບໃໝ່; ການພັດທະນາເຂດເສດຖະກິດພິເສດຢູ່ ສປປ ລາວ ແລະ ຫົວຂໍ້ຍ່ອຍອື່ນໆ.

          ສຳລັບທິດທາງແຜນການໃນຕໍ່ໜ້າ, ສະຖາບັນຈະສຸມໃສ່ສືບຕໍ່ຄົ້ນຄວ້າບັນດາຫົວຂໍ້ສຳຄັນທີ່ລັດຖະບານມອບໝາຍໃຫ້ ເປັນຕົ້ນແມ່ນປະເມີນການແກ້ໄຂຄວາມທຸກຍາກໄລຍະຜ່ານມາ ແລະ ທິດທາງໃນຕໍ່ໜ້າຕາມທິດຍືນຍົງ; ການພັດທະນາຂະແໜງພະລັງງານ ແລະ ບໍ່ແຮ່ຕາມທິດຍືນຍົງ; ຢຸດຕິການຖາງປ່າເຮັດໄຮ່; ການຕັດໄມ້ທຳລາຍປ່າ ແລະ ການສົ່ງອອກໄມ້ທ່ອນ; ການສ້າງແຜນແມ່ບົດຄຸ້ມຄອງການທ່ອງທ່ຽວເມືອງວັງວຽງຕາມທິດຍືນຍົງ ແລະ ວຽກອື່ນໆ ຕາມຄວາມຈຳເປັນຂອງການພັດທະນາເສດຖະກິດ-ສັງຄົມ ແລະ ຄວາມຮຽກຮ້ອງຕ້ອງການຂອງລັດຖະບານໃນໄລຍະຕໍ່ໜ້າ.

ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - 84047347 2405806206396593 1329413479009878016 o - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ

​​​​​​​​​         ໃນໂອກາດດຽວກັນນີ້, ທ່ານນາຍົກລັດຖະມົນຕີ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຄວາມບຸກໜ້າບືນຕົວ ແລະ ຄວາມພະຍາຍາມ ຂອງຄະນະພັກ, ຄະນະນຳ ແລະ ພະນັກງານສະຖາບັນດັ່ງກ່າວທີ່ໄດ້ເປັນເຈົ້າການ ແລະ ມີຄວາມສາມັກຄີເປັນຈິດໜຶ່ງໃຈດຽວກັນໃນການປະຕິບັດໜ້າທີ່ວຽກງານທີ່ໄດ້ຮັບມອບໝາຍ ແລະ ໄດ້ຊີ້ແນະໃຫ້ສະຖາບັນຈົ່ງສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມດັ່ງກ່າວນີ້. ພ້ອມ​ນັ້ນ ທ່ານນາຍົກລັດຖະມົນຕີ ໄດ້ເນັ້ນໃຫ້ເຫັນເຖິງບົດບາດສຳຄັນຂອງວຽກງານການຄົ້ນຄວ້າຕໍ່ກັບການພັດທະນາເສດຖະກິດ-ສັງຄົມແຫ່ງຊາດ ເພາະວ່າຜົນຂອງການຄົ້ນຄວ້າໃນແຕ່ລະໄລຍະຖືເປັນເອກະສານສຳຄັນ ເພື່ອນຳໃຊ້ເຂົ້າໃນການວາງແຜນ ກໍຄືການພັດທະນາເສດຖະກິດ-ສັງຄົມຂອງຊາດໃຫ້ມີລັກສະນະວິທະຍາສາດ, ມີປະສິດທິພາບ ແລະ ປະສິດທິຜົນສູງ ແນໃສ່ເຮັດໃຫ້ເສດຖະກິດເຕີບໂຕຢ່າງມີຄຸນນະພາບ ແລະ ຍືນຍົງຕາມແນວທາງ ແລະ ນະໂຍບາຍຂອງພັກ ແລະ ລັດຖະບານໄດ້ກຳນົດໄວ້ ເພື່ອເປັນການຮັບປະກັນໃຫ້ແກ່ການປະຕິບັດໜ້າທີ່ການເມືອງຂອງສະຖາບັນຄົ້ນຄວ້າ​ແຫ່ງ​ນີ້ໃຫ້ກາຍເປັນເສນາທິການວຽກຄົ້ນຄວ້າບັນຫາທາງດ້ານເສດຖະກິດທີ່ມີຄຸນະພາບ ແລະ ປະສິດທິຜົນສູງສຸດ. ທ່ານນາຍົກລັດຖະມົນຕີ ໄດ້ເນັ້ນໃຫ້ສະຖາບັນຈົ່ງເອົາໃຈໃສ່ຕໍ່ບາງບັນຫາຕື່ມອີກ ເປັນຕົ້ນແມ່ນໃຫ້ພະນັກງານທຸກຄົນມີຄວາມອຸ່ນອຸ່ຽນທຸ່ນທ່ຽງ, ຕັ້ງໜ້າປະຕິບັດໜ້າທີ່ການເມືອງຂອງຕົນໃຫ້ມີຜົນສຳເລັດຕາມທີ່ພັກ-ລັດມອບໝາຍໃຫ້; ໃຫ້ເປັນເຈົ້າການໃນການຄົ້ນຄວ້າຫົວຂໍ້ຕ່າງໆທີ່ຈະເປັນປະໂຫຍດໃຫ້ແກ່ການພັດທະນາເສດຖະກິດແຫ່ງຊາດ ໂດຍມີການຈັດລຽງບູລິມະສິດຂອງຫົວຂໍ້ຢ່າງຄັກແນ່ ແລະ ຄົ້ນຄວ້າຢ່າງມີຈຸດສຸມຢ່າງແທ້ຈິງ. ພ້ອມນີ້ກໍຕ້ອງເປັນເຈົ້າການພັດທະນາຕົນເອງໃນການຍົກລະດັບທາງດ້ານຄວາມຮູ້ຄວາມສາມາດໃຫ້ກາຍເປັນນັກວິທະຍາສາດໃຫ້ຫຼາຍຂຶ້ນ ນັບ​ທັງດ້ານຈຳນວນ ແລະ ຄຸນນະພາບ.

ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - Wave100S AD to Website 2020 0 - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ
ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - 83297238 2405806336396580 1385494370232303616 o - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ

           ນອກຈາກນັ້ນ, ທ່ານນາຍົກລັດຖະມົນຕີ ຍັງໄດ້ຍົກເອົາບັນຫາ ແລະ ຫົວຂໍ້ອື່ນໆອີກຈຳນວນໜຶ່ງ ເພື່ອໃຫ້ພະນັກງານ ກໍຄືສະຖາບັນໄດ້ນຳໄປຄົ້ນຄວ້າພິຈາລະນາ, ຖ້າຫາກເຫັນບັນຫາໃດຈະເປັນປະໂຫຍດແກ່ປະເທດຊາດ ແລະ ປະຊາຊົນກໍໃຫ້ບັນຈຸເຂົ້າໃນແຜນການຄົ້ນຄວ້າໃນຕໍ່ໜ້າເລີຍ.

ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - WhatsApp Image 2020 05 27 at 5 - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ
ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ - WhatsApp Image 2020 05 27 at 5 - ນາຍົກລັດຖະມົນຕີຢ້ຽມຢາມສະຖາບັນຄົ້ນຄ້ວາເສດຖະກິດແຫ່ງຊາດ
error: Alert: ເນື້ອຫາຂ່າວມີລິຂະສິດ !!