ຫາລື ກະສິກຳສີຂຽວ ແລະ ຍືນຍົງ

ຫາລື ກະສິກຳສີຂຽວ ແລະ ຍືນຍົງ - 021 2 - ຫາລື ກະສິກຳສີຂຽວ ແລະ ຍືນຍົງ
ຫາລື ກະສິກຳສີຂຽວ ແລະ ຍືນຍົງ - Untitled design - ຫາລື ກະສິກຳສີຂຽວ ແລະ ຍືນຍົງ

ກອງປະຊຸມພາກພື້ນ ກ່ຽວກັບ ກະສິກຳສີຂຽວ ແລະ ຍືນຍົງ, ໄດ້ຈັດຂຶ້ນໃນວັນທີ 21-22 ມັງກອນ ນີ້, ຢູ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານລັດຖະມົນຕີ ກະຊວງກະສິກໍາ-ປ່າໄມ້, ຜູ້ຕາງໜ້າອົງການອາຫານ ແລະ ການກະເສດ ປະຈໍາລາວ ແລະ ຫົວໜ້າສະຖາບັນສິ່ງແວດລ້ອມສະຕ໋ອກໂຮມປະຈໍາອາຊີ, ມີຜູ້ຕາງໜ້າ ຈາກກໍາປູເຈຍ, ມຽນມ້າ, ໄທ ແລະ ສສ ຫວຽດນາມ, ມີອົງການຈັດຕັ້ງສາກົນ ແລະ ຄູ່ຮ່ວມພັດທະນາຕ່າງໆ ເຂົ້າຮ່ວມ. ເພື່ອແລກປ່ຽນບົດຮຽນ ແລະ ປະສົບການ ໃນການສ້າງນະໂຍບາຍກະສິກໍາຍືນຍົງ ທີ່ມີປະສິດທິພາບ ແລະ ເໝາະສົມໃນເຂດພາກພື້ນແມ່ນໍ້າຂອງ.

ຫາລື ກະສິກຳສີຂຽວ ແລະ ຍືນຍົງ - a678243a 735a 4e6d 9941 64dfe1ffb34f 1024x682 - ຫາລື ກະສິກຳສີຂຽວ ແລະ ຍືນຍົງ

ທ່ານ ລັດຖະມົນຕີກະຊວງກະສິກໍາ ກ່າວວ່າ: ລັດຖະບານລາວ ຮັບຮູ້ ແລະ ເຂົ້າໃຈດີວ່າການເຕີບໂຕສີຂຽວ ເປັນໂອກາດປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ສິ່ງແວດລ້ອມຂອງປະເທດໃຫ້ມີຄວາມໝັ້ນຄົງ. ຂະແໜງການກະສິກໍາ ແມ່ນໜຶ່ງໃນ 7 ບູລິມະສິດທີ່ມີບົດບາດສຳຄັນໃນຂະບວນການຈັດຕັ້ງ ເພື່ອໃຫ້ມີຄວາມຍືນຍົງ, ການແລກປ່ຽນເຕັກໂນໂລຊີ ແລະ ນະວັດຕະກໍາຕ່າງໆ ເພື່ອສະໜັບສະໜູນການເຕີບໂຕສີຂຽວ. ການປ່ຽນແປງດິນຟ້າອາກາດເປັນສິ່ງທ້າທາຍ ແລະ ເປັນໂອກາດສຳລັບຂະແໜງກະສິກຳ ໃນການຫຼຸດຜ່ອນການປ່ອຍອາຍພິດເຮືອນແກ້ວ, ສານຄາບອນ ແລະ ຄວາມຈໍາເປັນໃນການປັບຕົວຂອງຊາວກະສິກອນ ຕາມທີ່ກໍານົດໄວ້ໃນຍຸດທະສາດການເຕີບໂຕສີຂຽວແຫ່ງຊາດ, ກອບຍຸດທະສາດກະສິກໍາສີຂຽວ ແລະ ຍືນຍົງ ກໍາລັງສ້າງຂຶ້ນ ໂດຍໃຫ້ສອດຄ່ອງກັບນະໂຍບາຍ ແລະ ຍຸດທະສາດລະດັບຊາດທີ່ມີໃນປັດຈຸບັນ, ພາກພື້ນ ແລະ ສາກົນ ລວມທັງຂະບວນການກະກຽມສ້າງແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 9 ແລະ ຍຸດທະສາດການພັດທະນາກະສິກຳສໍາລັບ 2021-2025 ສະບັບປັບປຸງ.

ຫາລື ກະສິກຳສີຂຽວ ແລະ ຍືນຍົງ - 272cdc31 615d 4a51 a68c 471216a8c21e 1024x682 - ຫາລື ກະສິກຳສີຂຽວ ແລະ ຍືນຍົງ

ກອງປະຊຸມໄດ້ຍົກໃຫ້ເຫັນວ່າ: ໃນອະນາຄົດກະສິກຳຈະພົບພໍ້ກັບສິ່ງທ້າທາຍ ຕໍ່ຄວາມສຳເລັດຂອງການພັດທະນາແບບຍືນຍົງ. ມີແນວຄວາມຄິດໃໝ່ຈໍານວນໜຶ່ງກ່ຽວກັບການພັດທະ ນາສີຂຽວ ແລະ ຍືນຍົງ ທີ່ປະສົມປະສານທັງເປົ້າໝາຍດ້ານນິເວດວິທະຍາ ແລະ ດ້ານສັງຄົມ. ແຕ່ເພື່ອປະຕິບັດໃຫ້ໄດ້ຕາມນັ້ນ, ຈຳເປັນຕ້ອງໄດ້ເພີ່ມຈຳນວນຊາວກະສິກອນ ແລະ ນັກວິທະຍາສາດທີ່ມີຫົວຄິດປະດິດສ້າງ ເພື່ອປະກອບສ່ວນເຂົ້າໃນລະບົບກະສິກໍາດັ່ງກ່າວ ຈຳເປັນຕ້ອງເໝາະສົມສຳລັບຟາມການຜະລິດກະສິກຳທຸກຂະໜາດຂອງພື້ນທີ່, ເພື່ອເພີ່ມສະມັດຕະພາບຜົນຜະລິດ ແລະ ກຳໄລໃຫ້ຫຼາຍທີ່ສຸດ ໄປພ້ອມກັບການຫຼຸດຜ່ອນຜົນເສຍຫາຍຕໍ່ສິ່ງແວດລ້ອມໃຫ້ໜ້ອຍທີ່ສຸດ.

ຫາລື ກະສິກຳສີຂຽວ ແລະ ຍືນຍົງ - Wave100S AD to Website 2020 0 - ຫາລື ກະສິກຳສີຂຽວ ແລະ ຍືນຍົງ

ໃນປີຜ່ານມາ ລັດຖະບານລາວ ແລະ ຄູ່ຮ່ວມພັດທະນາ, ໂດຍສະເພາະອົງການອາຫານ ແລະ ການກະເສດ ແລະ ສະຖາບັນສິ່ງແວດລ້ອມສະຕ໋ອກໂຮມ ໄດ້ສະແດງເຈດຈໍານົງທີ່ຈະເຮັດວຽກຮ່ວມກັນ ເພື່ອສະໜັບສະໜູນກະສິກໍາສີຂຽວ ແລະ ຍືນຍົງ, ຊຶ່ງຈະຊ່ວຍໃນການຜະລິດຜະລິດຕະພັນກະສິກຳ ແລະ ອາຫານທີ່ປອດໄພ ແລະ ມີຄຸນຄ່າທາງດ້ານໂພສະນາການ, ພ້ອມທັງສະໜັບສະໜູນການຮັກສາຄວາມຫຼາກຫຼາຍຂອງຊີວະນາໆພັນ.

ຫາລື ກະສິກຳສີຂຽວ ແລະ ຍືນຍົງ - WhatsApp Image 2020 05 27 at 5 - ຫາລື ກະສິກຳສີຂຽວ ແລະ ຍືນຍົງ
ຫາລື ກະສິກຳສີຂຽວ ແລະ ຍືນຍົງ - WhatsApp Image 2020 05 27 at 5 - ຫາລື ກະສິກຳສີຂຽວ ແລະ ຍືນຍົງ
error: Alert: ເນື້ອຫາຂ່າວມີລິຂະສິດ !!