ເສດຖະກິດທ່ອງທ່ຽວແມ່ນຫຍັງ ?

ເສດຖະກິດທ່ອງທ່ຽວແມ່ນຫຍັງ ? - 32 2 - ເສດຖະກິດທ່ອງທ່ຽວແມ່ນຫຍັງ ?
ເສດຖະກິດທ່ອງທ່ຽວແມ່ນຫຍັງ ? - Untitled design - ເສດຖະກິດທ່ອງທ່ຽວແມ່ນຫຍັງ ?

ລູກເມືອງພວນ

ເສດຖະກິດທ່ອງທ່ຽວ ໄດ້ກາຍເປັນຕົວຂັບເຄື່ອນທີ່ສຳຄັນຕໍ່ເສດຖະກິດແຫ່ງຊາດຂອງແຕ່ລະປະເທດ. ຜົນປະໂຫຍດທີ່ໄດ້ຈາກຂະແໜງການທ່ອງທ່ຽວ ແມ່ນມະຫາສານ. ຍ້ອນແນວນັ້ນ ຈຶ່ງເປັນໂອກາດທີ່ດີໃຫ້ແກ່ການຊອກວຽກເຮັດງານທຳໃຫ້ສັງຄົມ.

ຂະແໜງການທ່ອງທ່ຽວໃນຊຸມປີຜ່ານມານີ້, ກຳລັງໄດ້ຮັບການພັດທະນາຢ່າງແຂງແຮງ ແລະ ມີປະສິດທິຜົນ. ເສດຖະກິດທ່ອງທ່ຽວ ມີຫຼາຍຄຳນິຍາມທີ່ແຕກຕ່າງກັນຈາກບັນດານັກຊ່ຽວຊານ ແຕ່ມີຄຳນິຍາມໜຶ່ງທີ່ມີຄວາມໝາຍກະຈ່າງແຈ້ງກ່ວາວ່າ: ເສດຖະກິດທ່ອງທ່ຽວ ແມ່ນຮູບຖານເສດຖະກິດທີ່ມີຄຸນລັກສະນະສະເພາະຂອງການບໍລິການ ແລະ ຖືວ່າເປັນຂະແໜງອຸດສາຫະກຳທີ່ບໍ່ມີຄວັນ. ເປັນຂະແໜງການເສດຖະກິດທີ່ມີບົດບາດໃນການນຳໃຊ້ແຫຼ່ງທຳມະຊາດທີ່ມີຢູ່ເພື່ອດຶງດູດເອົານັກທ່ອງທ່ຽວເຂົ້າມາທ່ຽວຊົມ.

ຂະແໜງການເສດຖະກິດທ່ອງທ່ຽວມີ 2 ປະເພດ:

  1. ທ່ອງທ່ຽວພາຍໃນປະເທດ: ແມ່ນຮູບການຈັດຕັ້ງ ແລະ ນຳໃຊ້ສະຖານທີ່ທ່ອງທ່ຽວທີ່ມີຢູ່ພາຍໃນປະເທດໃຫ້ນັກທ່ອງທ່ຽວພາຍໃນປະເທດ ຫຼື ນັກທ່ອງທ່ຽວທົ່ວໄປມາທ່ຽວຊົມ.
  2. ທ່ອງທ່ຽວສາກົນ: ແມ່ນຮູບການທ່ອງທ່ຽວທີ່ນັກທ່ອງທ່ຽວໃນປະເທດໜຶ່ງມີຄວາມຮຽກຮ້ອງຕ້ອງການເດີນທາງອອກໄປທ່ຽວປະເທດອື່ນ

ຈຸດພິເສດຂອງຂະແໜງການທ່ອງທ່ຽວ

ເສດຖະກິດທ່ອງທ່ຽວແມ່ນຫຍັງ ? - Wave100S AD to Website 2020 0 - ເສດຖະກິດທ່ອງທ່ຽວແມ່ນຫຍັງ ?
  1. ກວມລວມກວມເອົາຫຼາຍຂະແໜງການກ່ຽວຂ້ອງ: ເສດຖະກິດທ່ອງທ່ຽວ ຫຼື ຂະແໜງການອື່ນໆ ທີ່ຂຶ້ນກັບກົນໄກເສດຖະກິດແຫ່ງຊາດ ລ້ວນແຕ່ມີສາຍກ້ຽວພັນສະໜິດແໜ້ນນຳກັນ ແລະ ບໍ່ສາມາດທີ່ຈະຕັດແຍກອອກຈາກກັນໄດ້. ຂະແໜງການເສດຖະກິດທ່ອງທ່ຽວຈຳເປັນຕ້ອງມີລັກສະນະກວມລວມ ແລະ ສຳພັນກັບຂະແໜງການອື່ນເຊັ່ນ: ຄົມມະນາຄົມ, ກະສິກຳ, ອຸດສາຫະກຳ, ທຳມະຊາດ, ສິ່ງແວດລ້ອມ, ວັດທະນະທຳ ແລະ ກີລາ.
  2. ມີລັກສະນະສັງຄົມ: ຂະແໜງການເສດຖະກິດທ່ອງທ່ຽວ ມີຄຸນລັກສະນະສັງຄົມ ໝາຍຄວາມວ່າເປັນພະລັງດຶງດູດເອົາທຸກພາກສ່ວນເສດຖະກິດໃນສັງຄົມເຂົ້າຮ່ວມ ລວມທັງພາຍໃນ ແລະ ຕ່າງປະເທດ.
  3. ລັກສະນະສີຂຽວ ແລະ ຄວາມສະອາດ: ລັກສະນະສີຂຽວ ແລະ ຄວາມສະອາດ ແມ່ນທ່າອ່ຽງລວມຂອງໂລກໃນປັດຈຸບັນ ເພື່ອຕ້ານການເສື່ອມຖອຍຂອງສະພາບແວດລ້ອມເພື່ອຮັກສາສີຂຽວ ແລະ ຄວາມສະອາດ. ໃນນາມຂຶ້ນຊື່ວ່າເປັນອຸດສາຫະກຳບໍ່ມີຄວັນ.
  4. ມີຜົນປະໂຫຍດ ແລະ ຜົນທາງເສດຖະກິດສູງ: ໃນທີ່ນີ້ ແມ່ນຢາກໝາຍເຖິງວ່າ ຂະແໜງການເສດຖະກິດທ່ອງທ່ຽວ ເປັນຂະແໜງອຸດສາຫະກຳ “ຄຳ” ກໍວ່າໄດ້ ນັ້ນຄືຜົນປະໂຫຍດ ແລະ ຜົນທາງເສດຖະກິດສູງ ສາມາດປະກອບສ່ວນສ້າງລາຍຮັບເຂົ້າງົບປະມານແຫ່ງລັດ ແລະ ເພີ່ມ ຈີດີພີ ຂະຫຍາຍຕົວ.

ບົດບາດຂອງຂະແໜງການເສດຖະກິດທ່ອງທ່ຽວ

ຂະແໜງການເສດຖະກິດທ່ອງທ່ຽວ ປຽບເໝືອນລູກກຸນແຈ ແຫ່ງການພັດທະນາເສດຖະກິດຫຼາຍຮູບແບບ, ຫຼາຍທິດທາງ. ຂະແໜງການເສດຖະກິດທ່ອງທ່ຽວ ມີບົດບາດສຳຄັນ ຕໍ່ການພັດທະນາເສດຖະກິດແຫ່ງຊາດໃນດ້ານຕ່າງໆເຊັ່ນ:

  1. ເພີ່ມລວມຍອດຜະລິດຕະພັນພາຍໃນ( ຈີດີພີ )ສູງຂຶ້ນ ແລະ ຈັ່ງວະການເຕີບໂຕເສດຖະກິດໄວ
  2. ເພີ່ມງົບປະມານແຫ່ງຊາດ
  3. ເພີ່ມມູນຄ່າການລົງທຶນ
  4. ມີເທັກໂນໂລຢີທັນສະໄໝ
  5. ເພີ່ມມູນຄ່າການສົ່ງອອກ
  6. ວັດທະນະທຳຫຼາຍສີສັນ.
ເສດຖະກິດທ່ອງທ່ຽວແມ່ນຫຍັງ ? - WhatsApp Image 2020 05 27 at 5 - ເສດຖະກິດທ່ອງທ່ຽວແມ່ນຫຍັງ ?
ເສດຖະກິດທ່ອງທ່ຽວແມ່ນຫຍັງ ? - WhatsApp Image 2020 05 27 at 5 - ເສດຖະກິດທ່ອງທ່ຽວແມ່ນຫຍັງ ?
error: Alert: ເນື້ອຫາຂ່າວມີລິຂະສິດ !!