ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ

ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ - 1212 - ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ
ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ - Untitled design - ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ

ໂດຍ: ມຶກບໍ່ແຫ້ງ

ອຸດຕິບັດເຫດຄື ເພັດຊະຄາດລຳດັບຕົ້ນໆທີ່ເຮັດໃຫ້ຄົນລາວເສຍຊີວິດ ໃນແຕ່ລະປີ ພວກເຮົາຄິດວ່າມີວິທີທາງໃດແດ່ທີ່ຈະເຮັດໃຫ້ຕົວເລກນີ້ຫຼຸດ ລົງໄດ້?

ຜູ້ອ່ານຫຼາຍຄົນອາດເຫັນບົດ ຫຼື ຂ່າວຈາກໜັງສືພິມລາວພັດທະນາ ແລະ ຊ່ອງຂ່າວອື່ນໆພາຍໃນປະເທດລາຍງານ ແລະເວົ້າຮອດບັນຫາ ການເກີດອຸປະຕິເຫດເລື້ອຍໆ ແລະ ຜູ້ຂຽນຄິດວ່າ ພວກເຮົາຍັງຈະຕ້ອງ ສືບຕໍ່ເວົ້າເລື່ອງນີ້ຕາບໃດທີ່ຊີວິດຄົນລາວຫາກຍັງມີຄວາມສ່ຽງສູງ ຈາກການຕາຍຈຳນວນຫຼາຍທີ່ປ້ອງກັນໄດ້ນີ້.

ກົມຈາລະຈອນ ຫາກໍໄດ້ລາຍງານເມື່ອຕົ້ນປີ 2020 ນີ້ວ່າ ໃນປີ 2019 ທີ່ຜ່ານມາ ມີຄົນລາວຕາຍຍ້ອນອຸບປະຕິເຫດເຖິງ 1.100 ກວ່າຄົນ ເຊິ່ງເພີ່ມຂຶ້ນຈາກປີ 2018 ປະມານ 10% ນັ້ນສະເລ່ຍແລ້ວໃນເດືອນໜຶ່ງ ມີປະມານເກືອບ 100 ຄົນທີ່ເສຍຊີວິດຈາກອຸປະຕິເຫດ. ນອກຈາກ ການເສຍຊີວິດແລ້ວ ແນ່ນອນຍັງມີຄົນເສຍອົງຄະທີ່ເປັນພາລະຕໍ່ຄອບຄົວ ແລະ ສັງຄົມຈຳນວນຫຼາຍນຳອີກດ້ວຍ, ພາຫະນະເປ່ເພຫຼາຍພັນຄັນ ເຊິ່ງລວມມູນຄ່າ ຄວາມເສຍຫາຍຫຼາຍກວ່າ 100 ຕື້ກີບ.

ນອກນັ້ນ, ຕາມການລາຍງານຂອງກົມຈາລະຈອນສາມາດສັງເກດ ໄດ້ວ່າ ການເກີດອຸປະຕິເຫດໃນລາວມີທຸກເພດໄວ, ມີຮອດ ຜູ້ທີ່ບໍ່ເຖິງກະສຽນອາຍຸ (ຕໍ່າກວ່າ 15 ປີ), ມີທຸກສາຂາອາຊີບ ບໍ່ຍົກເວັ້ນ ຕໍາຫຼວດ, ທະຫານ, ພະນັກງານສັງກັດລັດ ແລະ ວັນທີ່ມັກເກີດອຸປະຕິເຫດ ກວ່າໝູ່ ແມ່ນວັນສຸກ, ເສົາ ແລະ ອາທິດ.

ສາເຫດຕົ້ນຕໍຍັງແມ່ນການດື່ມສິ່ງມືນເມົາແລ້ວຂັບຂີ່ໄວເກີນກຳນົດ, ປ່ຽນທິດທາງການແລ່ນທີ່ບໍ່ຮັບປະກັນ ແລະ ອື່ນໆ ເຊິ່ງສະຫຼຸບແລ້ວ ທັງໝົດນັ້ນ ແມ່ນການລະເມີດກົດລະບຽບຈາລະຈອນຢ່າງຊັດເຈນ, ແລະ ຂໍ້ຄິດອີກອັນໜຶ່ງຜູ້ຂັບຂີ່ຢູ່ປະເທດເຮົາໜ້ອຍກວ່າ 50% ແມ່ນບໍ່ໄດ້ຜ່ານການ ສອບເສັງເອົາໃບຂັບຂີ່ຢ່າງຖືກຕ້ອງ, ຮ້າຍແຮງໄປກວ່ານັ້ນບໍ່ມີໃບຂັບຂີ່ ເລີຍ.

ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ - Wave100S AD to Website 2020 0 - ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ

ເປັນຫຍັງ ບັນດາສາເຫດທີ່ກ່າວມາຈຶ່ງເກີດຂຶ້ນໄດ້? ຖ້າພວກເຮົາຂັບ ລົດ ໃນຂະນະທີ່ມືນເມົາຢູ່ຫຼາຍປະເທດທີ່ມີອຸຕິເຫດໜ້ອຍນັ້ນອາດບໍ່ແປກໃຈ ທີ່ຈະຖືກຢຶດໃບຂັບຂີ່, ເຂົ້າຄຸກ ຫຼື ບໍ່ສາມາດຂັບລົດໄດ້ຕະຫຼອດຊີວິດເລີຍ ຫຼື ຖ້າມີການຂັບລົດໄວເກີນທີ່ກຳນົດໄວ້ບໍ່ຮອດເທົ່າໃດນາທີຈະເຫັນ ລົດຕໍາຫຼວດນຳຫຼັງ ຫຼື ລັດຢູ່ຕໍ່ໜ້າທັນທີ ເຊິ່ງຜູ້ທີ່ລະເມີດນັ້ນອາດຖືກເຕືອນ ຫຼືໃສ່ໂທດຕາມແຕ່ກໍລະນີ ເພາະສິ່ງເຫຼົ່ານີ້ຖືເປັນການສ່ຽງຊີວິດຂອງຜູ້ຂັບຂີ່ ເອງ ແລະ ຜູ້ອື່ນ.

ແລ້ວພວກເຮົາເຮັດແນວນັ້ນໄດ້ແລ້ວບໍ່? ຕາບໃດ ທີ່ມີຂ່າວ ເລື່ອງຕຳຫຼວດ ຈາລະຈອນ (ບາງຈຳນວນ) ຮັບເອົາເງິນເພື່ອ “ຊື້ນໍ້າ-ກິນເຂົ້າ” ຈາກຜູ້ຂັບຂີ່ທີ່ລະເມີດກົດລະບຽບຈາລະຈອນທຸກກໍລະນີ ຮວມທັງ ເລື່ອງໃບຂັບຂີ່ປອມ ຫຼື ບໍ່ມີໃບຂັບຂີ່ເລີຍ, ພວກເຮົາອາດມີຄວາມຫວັງໜ້ອຍ ທີ່ຈະໄດ້ເຫັນຕົວເລກອຸປະຕິເຫດ ຫຼື ຈຳນວນຄົນ ເສຍຊີວິດຫຼຸດລົງຈາກ ອຸດປະຕິເຫດ.

ຜ່ານມາເຈົ້າໜ້າທີ່ກໍໄດ້ພະຍາຍາມໃນການໂຄສະນາເຜີຍແຜ່, ປູກຈິດສຳນຶກຜ່ານຫຼາຍສ່ອງທາງໃນການປ້ອງກັນອຸບັດຕິເຫດ ເຊິ່ງນັ້ນອາດຍັງບໍ່ພຽງພໍ, ສະນັ້ນ ເມື່ອເຮົາມີຕົວເລກທີ່ໜ້າຕົກໃຈນີ້ແລ້ວ ຖ້າຍັງບໍ່ເດັດຂາດເລື່ອງການປາບປາມຜູ້ລະເມີດກົດລະບຽບເຫຼົ່ານັ້ນ, ປີ 2020 ພວກເຮົາກໍຄາດກະໄດ້ເລີຍຕົວເລກຜູ້ເສຍຊີວິດຈາກອຸປະຕິເຫດ ໃນລາວ ອາດຍິ່ງເພີ່ມຂຶ້ນຈາກປີ 2019 ແນ່ນອນ.

ພວກເຮົາຈະຍັງປ່ອຍປະໃຫ້ຄົນລາວຕາຍຍ້ອນອຸຕິເຫດເຊັ່ນນີ້ອີກບໍ່? ມາດຕະການໃດທີ່ຮັດກຸມເຂັ້ມງວດ ຕໍ່ການດື່ມສິ່ງມືນເມົາແລ້ວຂັບຂີ່ ຈົ່ງຮີບຮ້ອນປະຕິບັດຢ່າງເຄັ່ງຄັດ ຄຽງຄູ່ກັບການຄວບຄຸມບັນຫາການຂັບ ລົດໄວ ແລະ ການຜິດລະບຽບອື່ນໆ. ໃນຄວາມເປັນຈິງແລ້ວບັນດາປ້າຍ ໂຄສະນາ ທີ່ຕິດຕາມເສັ້ນທາງຕ່າງໆນັ້ນ ພວກເຮົາບໍ່ແນ່ໃຈວ່າຈະສາມາດ ຫຼຸດຜ່ອນ ອຸບັດຕິເຫດໄດ້ຈັກ %, ພວກເຮົາຈຳເປັນຕ້ອງໃສ່ລະບຽບ.

ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ - WhatsApp Image 2020 05 27 at 5 - ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ
ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ - WhatsApp Image 2020 05 27 at 5 - ໜ້າເປັນຫ່ວງຄົນລາວເສຍຊີວິດ ຈາກອຸປະຕິເຫດບໍ່ຕໍ່າກວ່າ1000 ກວ່າຄົນ/ປີ
error: Alert: ເນື້ອຫາຂ່າວມີລິຂະສິດ !!