ລີເວີ້ພລູ ມີລຸ້ນຄວ້າແຊ້ມກ່ອນຈົບລະດູການ ຂໍພຽງແຕ່ຊະນະອີກ 9 ນັດກໍ່ເປັນແຊ້ມພຣີເມຍລີກທັນທີ..!

ໃກ້ເຂົ້າມາເລື້ອຍໆ ສຳຫຼັບຖ້ວຍແຊ້ມພຣີເມຍລີກອັງກິດຂອງຫົງແດງ   ລີເວີ້ພລູ ຂໍພຽງແຕ່ຊະນະອີກ 9 ນັດ ກໍ່ຈະຄວ້າແຊ້ມພຣີເມຍລີກລະດູການ 2019-2020 ທັນທີ່

            ອີງຕາມສຳນັກຂ່າວກີລາຕ່າງປະເທດໄດ້ລາຍງານວ່າ: ຫົງແດງ ລີເວີ້ພລູ ທີມຈ່າຝູງ ແລະ ຍັງບໍ່ເສຍໃຫ້ກັບສະໂມສອນໃດໃນພຣີເມຍລີກອັງກີດ ຂະນະນີ້ ຂໍພຽງແຕ່ເກັບໄຊຊະນະອີກ 9 ນັດຈາກ 15 ນັດທີ່ເຫຼືອກໍ່ຈະຄວ້າແຊ້ມພຣີເມຍລີກທັນທີ່ ຫຼັງຈາກທັ້ງຜູ້ບໍລິຫານ,ແຟນບານທົ່ວໂລກຂອງຫົງແດງ ຄອງຄອຍກັນມາເປັນເວລາຍາວຫຼາຍກວ່າ 30 ປີ

    ໂດຍນັດຫຼ້າສຸດ ລີເວີ້ພລູ ທີມຈ່າຝູງບຸກໄປຊະນະ ວູບເເຮມຕັ້ນ 2-1 ເຮັດໃຫ້ທັບນັກກີລາຫົງແດງທີ່ແຂ່ງໄປແລ້ວ 23 ນັດມີ 67 ແຕ້ມ ໜີຫ່າງຄູ່ແຂ່ງອັນດັບ 2 ແມນເຊັດເຕີ້ຊີຕີ້ ທີ່ມີ 51 ແຕ້ມຈາກ 24 ນັດ ຫ່າງກັນເຖີງ 16 ແຕ້ມແຖມ ຫົງແດງ ຍັງແຂ່ງໜ້ອຍກວ່າ 1 ນັດອີກດ້ວຍ

    ສ່ວນໂປຣແກມການແຂ່ງຂັນ 9 ນັດຕໍ່ໄປຂອງຫົງແດງ ລີເວີ້ພລູ ມີດັ່ງນີ້: ວັນທີ 29 ມັງກອນ ພົບ ເວດແຮມ ຢູໄນເຕັດ(ແຂ່ງນອກບ້ານ), 1 ກຸມພາ ພົບ ເຊົາແທ໋ມຕັ້ນ (ແຂ່ງໃນບ້ານ), 15 ກຸມພາ ພົບ ນໍຣິດຊີຕີ້ (ແຂ່ງນອກບ້ານ), 24 ກຸມພາ ພົບ ເວດແຮມ ຢູໄນເຕັດ (ແຂ່ງໃນບ້ານ), 29 ກຸມພາ ພົບ ວັດຟອດ (ແຂ່ງນອກບ້ານ), 7 ມີນາ ພົບ ບອດມັດ (ແຂ່ງໃນບ້ານ), 14 ມີນາ ພົບ ເອເວີ້ຕັ້ນ (ແຂ່ງນອກບ້ານ), 21 ມີນາ ພົບ ຄິດຕັ້ນພາເຣດ (ແຂ່ງໃນບ້ານ) ແລະ ວັນທີ 2 ເມສາ ພົບ ແມນເຊັດເຕີ້ຊີຕີ້ (ແຂ່ງນອກບ້ານ)