ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ

ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ - 555 1 - ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ
ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ - Untitled design - ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ

      ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ​ໃນ​ແຕ່​ລະມື້​ເມື່ອ​ພວກ​ເຮົາ​ເປີດ​ໜັງສືພິມ​ອອກ​ມາ​ອ່ານ, ​ເປີດ​ວິທະຍຸ​ມາ​ຟັງ ຫລື ​ເປີດ​ໂທລະພາບ​ມາ​ເບິ່ງ ກໍ​ມັກ​ຈະ​ໄດ້​ເຫັນ, ​ໄດ້​ຍິນ, ​ໄດ້​ຮູ້​ກ່ຽວ​ກັບ​ປາກົດການ​ຫຍໍ້​ທໍ້​ຕ່າງໆ ນັບ​ແຕ່​ການ​ເສຍ​ຊີວິດ​ຈາກ​ອຸປະຕິ​ເຫດ​ບົນ​ທ້ອງ​ຖະໜົນ, ການ​ປຸ້ນ​ຈີ້​ຊີງ​ຊັບ, ຂ້າ​ເຈົ້າ​ເອົາ​ຂອງ ​ແລະ ອື່ນໆ ນັບ​ມື້ມີ​ຖີ່​ຂຶ້ນ ​ແລະ ສິ່ງ​ນີ້​ມັນ​ເປັນ​ຍ້ອນ​ຫຍັງ ? ຄຳ​ຕອບ​ກໍ​ອາດ​ມີ​ຫລາຍ ນັບ​ທັງ​ໃນ​ຕົວ ​ແລະ ນອກ​ຕົວ​ຂອງ​ມັນ.

     ນອກ​ຕົວ​ກໍ​ແມ່ນ​​ເບື້ອງ​ບ້ານ​ເມືອງ​ມີ​ການ​ພັດທະນາ, ​ເສດຖະກິດ​ຂະຫຍາຍຕົວ ຄວາມ​ຕ້ອງການ​ຂອງ​ສັງຄົມ​ກໍ​ສູງ​ຂຶ້ນ ມັນ​ຮຽກຮ້ອງ​ໃຫ້​ມີ​ການ​ແກ້ງ​ແຍ່ງ​ແຂ່ງຂັນ​ກັນ​ຫລາຍ​ດ້ານ ​ເພື່ອ​ເອົາ​ຕົວ​ຢູ່​ລອດ ​ແລະ ອີກ​ປະ​ເດັນ​ໜຶ່ງ​ແມ່ນ​ເມື່ອ​ປະ​ເທດ​ເປີດ​ປະຕູ​ສູ່​ພາຍ​ນອກ​ແລ້ວ ຄຽງ​ຄູ່​ກັບ​ຈຸດ​ດີມັນ​ກໍ​ມີ​ສິ່ງ​ຫຍໍ້​ທໍ້​ຕ່າງໆ​ຕາມ​ມາ ຄື​ບັນຫາ​ໄພ​ສັງຄົມ, ຢາ​ເສບ​ຕິດ, ການ​ຄ້າ​ມະນຸດ ​ແລະ ອື່ນໆ. ສ່ວນ​ອັນ​ໃນ​ຕົວ​ກໍ​ແມ່ນ​ເບື້ອງບ້ານ​​ເມືອງ​ເຮົາ​ຍັງ​ບໍ່ສາມາດ​ຄວບ​ຄຸມ ​ແລະ ສະກັດ​ກັ້ນສິ່ງ​ຫຍໍ້​ທໍ້​ຕ່າງໆ​ໄດ້​ເປັນ​ຢ່າງ​ດີ, ການຈັດຕັ້ງປະຕິບັດ​ລະບຽບ​ກົດໝາຍ​ກໍ​ຍັງ​ບໍ່​ທັນ​ເຂັ້ມງວດ​ພໍ, ຄວາມ​ເປັນ​ແບບຢ່າງ​ນຳ​ໜ້າດ້ານ​ການ​ສຶກສາ​ກໍ​ຍັງ​ຈຳກັດ ບວກ​ກັບ​ຄວາມ​ໂລບ​ມາກ​ໂລພາ​ເຫັນ​ແກ່​ໄດ້​ແກ່​ມີ​ຊ່ວງ​ເສັງ​ອວດ​ຮັ່ງມີ​ລ້ຳລວຍ, ການ​ຫລິ້ນກິນ​ຟຸມ​ເຟືອຍ​ເກີດ​ຂຶ້ນ ຍິ່ງ​ເຮັດ​ໃຫ້​ຄວາມ​ຕ້ອງການ​ດ້ານ​ວັດຖຸ​ເງິນ​ຄຳ​ເພີ່ມ​ທະວີ. ຈາກ​ຈຸດ​ນີ້​ຈຶ່ງ​ເຮັດ​ໃຫ້​ຄຳ​ສຸພາສິດ​ບູຮານ “​ເຫັນ​ເງິນ​ໜ້າ​ດຳ ​ເຫັນ​ຄຳ​ໜ້າ​ມືດ” ​ເກີດ​ເປັນ​ຈິງ ​ແລະ ​ເຮົາ​ຈະ​ແກ້​ແນວ​ໃດ ​ເພື່ອ​ຫລຸດຜ່ອນ​ປາກົດການ​ຫຍໍ້​ທໍ້​ດັ່ງກ່າວ ສິ່ງ​ນີ້​ຜູ້​ໜຶ່ງ​ຜູ້​ດຽວ​ແມ່ນ​ເຮັດ​ບໍ່​ໄດ້ ມັນ​ຕ້ອງ​ມີ​ສ່ວນ​ຮ່ວມ​ຂອງ​ທຸກ​ຊັ້ນຄົນ​ໃນ​ຊຸດ, ຜູ້​ພິທັກ​ດ້ານ​ລະບຽບ​ກົດໝາຍ​ກໍ​ຕ້ອງ​ເຂັ້ມງວດ, ຜູ້​ເຮັດ​ວຽກ​ງານ​ການ​ສຶກສາ​ອົບຮົມ​ກໍ​ຕ້ອງ​ໄດ້​ຂະຫຍັນ​ເຮັດ​ແທ້​ທຳ​ຈິງ ​ເພື່ອ​ຍົກ​ສູງ​ລະດັບ​ການ​ສຶກສາ​ຮຽນ​ຮູ້, ຄຸນສົມບັດ​ສິນ​ທຳ​ປະຕິວັດ ​ແລະ ຈັນ​ຍາ​ບັນ-ຈັນຍາທຳ​ຂອງ​ມະນຸດ. ຄຽງ​ຄູ່​ກັນນັ້ນ ກໍ​ແມ່ນ​ສະ​ຖາ​ບັນ​ຂອງ​ຄອບຄົວ​ໃນ​ການ​ອອກ​ແຮງ​ບອກສອນ​ລູກ​ຫລານ​ໃຫ້​ເປັນ​ຄົນ​ດີ, ມີ​ຄວາມ​ກະຕັນຍູ​ຮູ້​ບຸນຄຸນ​ພໍ່​ແມ່​ຜູ້​ຫລັກ​ຜູ້​ໃຫຍ່ ​ແລະ ສັງຄົມ​ກໍ​ຕ້ອງ​ມີ​ແບບ​ແຜນ​ຫັນ​ໄປ​ສູ່​ການ​ດຳລົງ​ຊີວິດ​ຢ່າງ​ສີວິ​ໄລ, ​ເມື່ອ​ເວລາ​ນັ້ນ ບັນຫາ​ອະບາຍ​ຍະ​ມຸກ ກິ​ເຫລດຕັນຫາ​ຕ່າງໆ​ກໍ​ຈະ​ໝົດ​ໄປ, ບ້ານ​ເມືອງ​ກໍ​ຈະ​ມີ​ຄວາມ​ສີວິ​ໄລ ​ເຫ​ລື່ອມ​ໃສ​ສັດທາ​ຂຶ້ນຢ່າງ​ບໍ່​ຢຸດ​ຢັ້ງ.

ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ - Wave100S AD to Website 2020 0 - ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ
ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ - WhatsApp Image 2020 05 27 at 5 - ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ
ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ - WhatsApp Image 2020 05 27 at 5 - ຍ້ອນ​ຫຍັງ ບັນຫາ​ຫຍໍ້​ທໍ້​ໃນ​ສັງຄົມ​ນັບ​ມື້ຮ້າຍ​ແຮງ​ຂຶ້ນ
error: Alert: ເນື້ອຫາຂ່າວມີລິຂະສິດ !!