ນາຍົກນໍາພານ້ອງນ້ອຍເຍົາວະຊົນປູກໄມ້ໃນວັນເດັກສາກົນ

- advert banner 728 90 728x90 - ນາຍົກນໍາພານ້ອງນ້ອຍເຍົາວະຊົນປູກໄມ້ໃນວັນເດັກສາກົນ

ໃນວັນທີ 1 ມິຖຸນານີ້, ເນື່ອງໃນໂອກາດວັນເດັກສາກົນ ແລະ ວັນປູກຕົ້ນໄມ້ແຫ່ງຊາດ, ທ່ານນາຍົກລັດຖະມົນຕີ ທອງລຸນ ສີສຸລິດ, ພ້ອມດ້ວຍບັນດາທ່ານຮອງນາຍົກລັດຖະມົນຕີ, ລັດຖະມົນຕີກະຊວງຕ່າງໆ, ໄດ້ນໍາພານ້ອງນ້ອຍເຍົາວະຊົນຈໍານວນຫລາຍປູກໄມ້ຢູ່ທີ່ສໍານັກງານນາຍົກລັດຖະມົນຕີດ້ວຍບັນຍາກາດຟົດຟື້ນ ແລະ ພິເສດໃນໂອກາດດັ່ງກ່າວ, ທ່ານນາຍົກລັດຖະມົນຕີໄດ້ເປີດໂອກາດໃຫ້ບັນດານ້ອງນ້ອຍເຍົາວະຊົນເຂົ້າຊົມຫ້ອງເຮັດວຽກຕ່າງໆຂອງສໍານັກງານນາຍົກລັດຖະມົນຕີເພື່ອປູກຈິດສໍານຶກທີ່ດີໃຫ້ແກ່ນ້ອງນ້ອຍເຍົາວະຊົນໄດ້ພັດທະນາຕົນເອງໃຫ້ກາຍເປັນຄົນຮູ້ຜູ້ດີຂອງຊາດ.

ທ່ານລັດຖະມົນຕີຫົວໜ້າຫ້ອງວ່າການສໍານັກນາຍົກລັດຖະມົນຕີ ເພັດ ພົມພິພັກ ໃຫ້ຮູ້ວ່າ: ຕົ້ນໄມ້ທີ່ນໍາມາປູກຄັ້ງນີ້ປະກອບມີຕົ້ນຈໍາປາ ແລະ ຕົ້ນຄູນ ເພື່ອ ສ້າງຂະບວນການໃຫ້ແກ່ການສະເຫລີມສະຫລອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດໃນຂອບເຂດທົ່ວະເທດມີບັນຍາກາດຟົດຟື້ນຍິ່ງຂຶ້ນ ແລະ ສ້າງຂະບວນການອອກແຮງແຂງຂັນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກທີ່ວ່າ: “ສ້າງປະເທດລາວໃຫ້ເປັນພື້ນທີ່ສີຂຽວ” ແລະ ທັງເປັນການການປົກປັກຮັກສາ ແລະ ອະນຸລັກພັນໄມ້ພື້ນບ້ານທີ່ມີຄຸນຄ່າໄວ້ໃຫ້ຄົນລຸ້ນຫລັງໄດ້ເບິ່ງໄດ້ຊົມ ແລະ ສ້າງທັດສະນີຍະພາບ, ສ້າງສະພາບແວດລ້ອມພາຍໃນສໍານັກງານນາຍົກລັດຖະມົນຕີໃຫ້ມີຄວາມສວຍງາມ, ຮົ່ມເຢັນ ແລະ ມີສະເໜ່ສົມກັບເປັນສະຖານທີ່ເຮັດວຽກຂອງການນຳຂັ້ນສູງຂອງປະເທດ. ຄຽງຄູ່ກັນນັ້ນ,ກໍເປັນການສ້າງໂອກາດທີ່ດີໃຫ້ຫລານນ້ອຍເຍົາວະຊົນ, ລູກຫລານຜູ້ທີ່ຈະເປັນອະນາຄົດຂອງຊາດໄດ້ມີໂອກາດຮູ້ຈັກ, ຄຸ້ນເຄີຍ ແລະ ໃກ້ສິດກັບທ່ານນາຍົກລັດຖະມົນຕີ ແລະ ບັນດາການນໍາຕ່າງໆອີກດ້ວຍ.

- 1 1 - ນາຍົກນໍາພານ້ອງນ້ອຍເຍົາວະຊົນປູກໄມ້ໃນວັນເດັກສາກົນ
- Tiger Head 728x90 - ນາຍົກນໍາພານ້ອງນ້ອຍເຍົາວະຊົນປູກໄມ້ໃນວັນເດັກສາກົນ
error: Content is protected !!