ສ. ສະຫວ່າງກຳລັງຍັບໃກ້ຄວາມເປັນຈິງ

ສ. ສະຫວ່າງກຳລັງຍັບໃກ້ຄວາມເປັນຈິງ - 658 - ສ. ສະຫວ່າງກຳລັງຍັບໃກ້ຄວາມເປັນຈິງ
ສ. ສະຫວ່າງກຳລັງຍັບໃກ້ຄວາມເປັນຈິງ - Untitled design - ສ. ສະຫວ່າງກຳລັງຍັບໃກ້ຄວາມເປັນຈິງ

    ໃນກອງປະຊຸມສະໄໝສາມັນ ເທື່ອທີ 8 ສະພາປະຊາຊົນ ນະຄອນຫລວງວຽງຈັນ, ໃນວັນທີ 24 ມັງກອນ ນີ້, ໄດ້ຮັບຮອງເອົາຮ່າງຂໍ້ຕົກລົງຂອງທ່ານເຈົ້າຄອງນະຄອນຫຼວງວຽງຈັນວ່າ: ດ້ວຍການສ້າງນະຄອນຫລວງວຽງຈັນ ໃຫ້ ສະຫວ່າງ ຕາມຄຳຂັວນ 6 ສ, ທີ່ ນະຄອນ ຫລວງວຽງຈັນວາງອອກໃຫ້ປະກົດຜົນເປັນຈິງ ໂດຍສະເພາະ ສ ສະຫວ່າງ.

     ທ່ານ ຊົງເລົ່າ ຢົງນູ ຫົວໜ້າພະແນກພະລັງງານ ແລະ ບໍ່ແຮ່ ນະຄອນຫລວງວຽງຈັນ ໃຫ້ຮູ້ວ່າ: ຫລາຍປີຜ່ານມາ, ການປະຕິບັດຄຳຂັວນ ສ. ສະຫວ່າງ ທີ່ ນະຄອນຫລວງວຽງຈັນວາງໄວ້ນັ້ນເປັນໄປໄດ້ຍາກ, ຍ້ອນຫລາຍປັດໄຈ, ເປັນຕົ້ນແມ່ນຂາດງົບປະມານບຳລຸງຮັກສາ ແລະ ສ້ອມແປງ ສົ່ງຜົນ ໃຫ້ມີປະກົດການຫຍໍ້ທໍ້ຕ່າງໆເກີດຂຶ້ນເຊັ່ນ: ບັນຫາປຸ້ນຈີ້ຊີງຊັບ, ອຸປະຕິເຫດ ແລະ ອື່ນໆ. ດັ່ງນັ້ນເຈົ້າຄອງນະຄອນຫລວງວຽງຈັນ ຈຶ່ງໄດ້ອອກຂໍ້ຕົກລົງສ້າງນະຄອນຫຼວງວຽງຈັນໃຫ້ສະຫວ່າງຂຶ້ນມາ, ເພື່ອຮັບປະກັນໃຫ້ນະຄອນຫລວງວຽງຈັນເປັນເມືອງ ສະຫງົບສຸກ, ຫລຸດຜ່ອນບັນດາປະກົດການຫຍໍ້ທໍ້ຕ່າງໆ ແລະ ສົ່ງເສີມການຜະລິດທຸລະກິດ, ການບໍລິການ ແລະ ການທ່ອງທ່ຽວມີບັນຍາກາດຟົດຟື້ນຫລາຍຂຶ້ນ. ປັດຈຸບັນສະພາບຄວາມແຈ້ງສະຫວ່າງຂອງນະຄອນຫຼວງວຽງຈັນ ຖ້າທຽບໃສ່ປະເທດອື່ນໆ ໃນພາກພຶ້ນແລ້ວ ເຫັນວ່າຍັງມີໜ້ອຍ ແລະ ຍັງບໍ່ທັນສົມກັບເມືອງຫລວງຂອງປະເທດ ອື່ນໆໃນພາກພຶ້ນ.

ສ. ສະຫວ່າງກຳລັງຍັບໃກ້ຄວາມເປັນຈິງ - Wave100S AD to Website 2020 0 - ສ. ສະຫວ່າງກຳລັງຍັບໃກ້ຄວາມເປັນຈິງ

     ຫົວໜ້າພະແນກ ພະລັງງານ ແລະ ບໍ່ແຮ່ໃຫ້ຮູ້ອີກວ່າ: ການສ້າງນະຄອນຫລວງວຽງຈັນ ມີຄວາມຮຸ່ງແຈ້ງສະຫວ່າງ ນີ້, ໄດ້ເນັ້ນໃສ່ 4 ເປົ້າໝາຍໃຫຍ່ຄື: ຖະໜົ້ນຫົນທາງສະຫວ່າງ, ສະຖານທີ່ສາທາລະນະສະຫວ່າງ, ເຄຫາສະຖານສະຫວ່າງ, ປູສະນິຍະສະຖານສະຫວ່າງ ໄປດ້ວຍໄຟເຍືອງທາງທີ່ເໝາະສົມຢູ່ໃນຖະໜົນຕ່າງໆ ຈຳນວນ 35  ເສັ້ນຫລັກ, 41 ຖະໜົນສຳຮອງ, ທາງເຂດເທດສະບານ, ເຂດຊຸມຊົນ, ເຂດຈຸດສຸມພັດທະນາ ແລະ ທາງຮ່ອມທາງຊອຍຕ່າງໆໃນທົ່ວ ນະຄອນຫລວງວຽງຈັນຕາມເງື່ອນໄຂ ດັ່ງນີ້: ສະໜອງໄຟຟ້າຮັບໃຊ້ໄຟເຍືອງທາງ ໂດຍແຍກອອກເປັນລະບົບສະເພາະບໍ່ໃຊ້ລວມກັນກັບລະບົບໄຟຟ້າທົ່ວໄປ, ເອົາລະບົບຍສາຍໄຟເຍືອງທາງລົງໃຕ້ດິນ ລວມທັງ ລະບົບສາຍໄຍແກ້ວ ແລະ ຕິດຕາມໄຟແສງສະຫວ່າງ ດ້ວຍກ້ອງວົງຈອນປິດ, ປ່ຽນຖ່າຍດອກໄຟ, ປ່ຽນຖ່າຍສາຍໄຟດ້ວຍຕູ້ຄວບຄຸມ, ນຳໃຊ້ອຸປະກອນທັນສະໄໝປະຢັດພະລັງງານໄຟຟ້າ ແລະ ລະບົບສັນຍານຈະລາຈອນອື່ນໆ. ພາຍຫລັງທີ່ສະພາປະຊາຊົນ ນະຄອນຫລງວຽງຈັນ ໄດ້ຮັບຮອງຂໍ້ຕົກລົງດັ່ງກ່າວແລ້ວ ພະແນກພະລັງງານ ແລະ ບໍ່ແຮ່ ກໍຈະນຳເຜີຍແຜ່ໃຫ້ສັງຄົມເຂົ້າໃຈ ແລະ ຮ່ວມເປັນເຈົ້າການຈັດຕັ້ງປະຕິບັດໃຫ້ມີປະສິດທິຜົນ.

ສ. ສະຫວ່າງກຳລັງຍັບໃກ້ຄວາມເປັນຈິງ - WhatsApp Image 2020 05 27 at 5 - ສ. ສະຫວ່າງກຳລັງຍັບໃກ້ຄວາມເປັນຈິງ
ສ. ສະຫວ່າງກຳລັງຍັບໃກ້ຄວາມເປັນຈິງ - WhatsApp Image 2020 05 27 at 5 - ສ. ສະຫວ່າງກຳລັງຍັບໃກ້ຄວາມເປັນຈິງ
error: Alert: ເນື້ອຫາຂ່າວມີລິຂະສິດ !!