ສະຫລອງ​ວັນ​ເດັກ​ລົດ​ຕິດ​ຍາວ​ຢຽດ​ຢູ່​ນະຄອນຫລວງ​ວຽງ​ຈັນ

- Car - ສະຫລອງ​ວັນ​ເດັກ​ລົດ​ຕິດ​ຍາວ​ຢຽດ​ຢູ່​ນະຄອນຫລວງ​ວຽງ​ຈັນ
- Untitled design - ສະຫລອງ​ວັນ​ເດັກ​ລົດ​ຕິດ​ຍາວ​ຢຽດ​ຢູ່​ນະຄອນຫລວງ​ວຽງ​ຈັນ

ວານ​ນີ້ (ວັນ​ທີ 1 ມິຖຸນາ) ​ເຊິ່ງ​ເປັນ​ມື້ວັນ​ເດັກ​ສາກົນ ​ແລະ ວັນ​ປູກ​ໄມ້​ແຫ່ງ​ຊາດ ຢູ່​ນະຄອນຫລວງ​ວຽງ​ຈັນ ​ເກີດ​ສະພາບ​ລົດ​ແອ​ອັດ​ຕິດ​ກັນຍາ​ວຢຽດ ​ໂດຍ​ສະ​ເພາະ​ແມ່ນ​ບໍລິ​ເວນ​ເສັ້ນທາງ​ຕໍ່ໜ້າ​ສູນ​ການ​ຄ້າ​ລາວ​-​ໄອ​ເຕັກ​ເຂົ້າມາ​ໃຈກາງ​ຕົວ​ເມືອງ​ທຸກ​ສາຍ​ຈົນ​ເຮັດ​ໃຫ້​ສະພາບ​ການ​ສັນຈອນ​ໃນ​ບໍລິ​ເວນ​ດັ່ງກ່າວ​ນັບ​ຫລາຍ​ຊົ່ວ​ໂມງ. ຜູ້​ຢູ່​ໃນ​ເຫດການ​ທີ່​ເປັນ​ນັກ​ຂ່າວ​ລາວ​ພັດທະນາ​ພວກ​ເຮົາ​ເລົ່າ​ວ່າ: ສະພາບ​ລົດ​ແອ​ອັດ​ດັ່ງກ່າວ​ແມ່ນ​ເກີດ​ຂຶ້ນຍ້ອນ​ພໍ່​ແມ່​ຜູ້​ປົກຄອງ​ເດັກ​ເປັນ​ຈຳນວນ​ຫລວງຫລາຍ​ໄດ້​ຫລຸ​ຫລັ່ງ​ນຳ​ເອົາ​ລູກ​ຫລານ​ຂອງ​ຕົນ​ໄປ​ຮ່ວມ​ກິດຈະກຳ​ສະຫລອງ​ວັນ​ເດັກ ​ແລະ ງານ​ສະ​ແດງ​ສິນຄ້າ​ໂອດ໋ອບນະຄອນຫລວງ​ວຽງ​ຈັນ​ປະຈຳ​ປີ 2017 ທີ່​ໄດ້​ຈັດ​ຂຶ້ນຢູ່​ສູນ​ການ​ຄ້າ​ໃຫຍ່​ດັ່ງກ່າວ ​ເຊິ່ງມີ​ຈຳ​ນວນ​ລົດ​ຢ່າງ​ຫລວງຫລາຍ​ທີ່​ບໍ່​ເຄີຍ​ມີ​ມາ​ກ່ອນ​ຂອງ​ບັນດາ​ແຂກ​ຄົນ​ເຂົ້າ​ໄປ​ຮ່ວມ​ງານ​ດັ່ງກ່າວ ​ເຊິ່ງນັກ​ຂ່າວ​ພວກ​ເຮົາ​ຕ້ອງ​ໄດ້​ໃຊ້​ເວລາ​ປະມານ 2 ຊົ່ວ​ໂມງ​ກວ່າ ຈາກ​ສູນ​ການ​ຄ້າ​ລາວ-​ໄອ​ເຕັກ​ຈຶ່ງ​ສາມາດ​ເຂົ້າມາ​ຮອດ​ສຳນັກງານ​ຂອງ​ຕົນ​ທີ່​ນ້ຳພຸ​ໄດ້ ​ແລະ ​ໃນ​ຂະນະ​ເດີນທາງ​ຢ່າງ​ຫຍຸ້ງຍາກ​ຢູ່​ນັ້ນກໍ​ບໍ່​ເຫັນ​ມີ​ເຈົ້າໜ້າ​ທີ່​ຈະລາຈອນ​ຜູ້​ໃດ​ອອກ​ມາ​ໃຫ້​ຄວາມ​ສະດວກ​ສະບາຍ​ການ​ຈະລາຈອນ​ທີ່​ແອ​ອັດ​ນັ້ນ​ແຕ່​ຢ່າງ​ໃດ ຫລື ວ່າ​ມັນ​ເປັນ​ໄລຍະ​ເວລາ​ພັກ​ທ່ຽງ​ບໍ ? ​ເພິ່ນ​ຈຶ່ງ​ຍັງ​ບໍ່​ທັນ​ເຂົ້າການ. ​ເອົາລະ​ເວົ້າມາ​ກໍ​ຫລາຍ ຫວັງ​ວ່າ​ໃນ​ໂອກາດ​ໜ້າ​ເຈົ້າໜ້າ​ທີ່​ຈະລາຈອນ​ພວກ​ເຮົາ​ຈະ​ເຮັດ​ໜ້າ​ທີ່​ໄດ້​ແຂ​ງ​ແຮງ​ກວ່າ​ນີ້.

- Wave100S AD to Website 2020 0 - ສະຫລອງ​ວັນ​ເດັກ​ລົດ​ຕິດ​ຍາວ​ຢຽດ​ຢູ່​ນະຄອນຫລວງ​ວຽງ​ຈັນ
- WhatsApp Image 2020 05 27 at 5 - ສະຫລອງ​ວັນ​ເດັກ​ລົດ​ຕິດ​ຍາວ​ຢຽດ​ຢູ່​ນະຄອນຫລວງ​ວຽງ​ຈັນ
- WhatsApp Image 2020 05 27 at 5 - ສະຫລອງ​ວັນ​ເດັກ​ລົດ​ຕິດ​ຍາວ​ຢຽດ​ຢູ່​ນະຄອນຫລວງ​ວຽງ​ຈັນ
error: Alert: ເນື້ອຫາຂ່າວມີລິຂະສິດ !!