ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ

ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ - 58 4 - ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ
ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ - Untitled design - ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ

     ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ລະບາດ​ທີ່​ເຮັດ​ໃຫ້​ຈີນ​ຕ້ອງ​ຈຳກັດ​ການ​ເດີນທາງ​ທົ່ວ​ປະ​ເທດ​ກຳລັງ​ສົ່ງ​ຜົນ​ກະທົບ​ຮຸນ​ແຮງ​ຕໍ່​ອຸດສາຫະກຳ​ການທ່ອງທ່ຽວ​ຂອງ​ຫລາຍ​ປະ​ເທດ​ໃນ​ອາຊີ​ທີ່​ອາ​ໄສ​ນັກ​ທ່ອງ​ທ່ຽວ​ຊາວ​ຈີນ​ເປັນ​ຫລັກ.

      ທາງການ​ຈີນ​ສັ່ງ​ງົດ​ຖ້ຽວ​ບິນ​ເຂົ້າ-ອອກ​ເມືອງ​ອູ່​ຮັນ ຕົ້ນກຳ​ເນີ​ດການລະບາດ, ຫ້າມ​ຊາວ​ຈີນ​ເດີນທາງ​ທ່ອງ​ທ່ຽວ​ເປັນ​ໝູ່​ຄະນະ​ທັງ​ໃນ ​ແລະ ຕ່າງປະ​ເທດ. ບໍລິສັດ​ວິ​ໄຈ​ແຄ​ປິ​ຄັລ ອີ​ໂຄ​ໂນ​ມິກ ​ເປີດ​ເຜີຍ​ວ່າ: ນັບ​ແຕ່​ປີ 2003 ​ເປັນຕົ້ນມາ ຊາວ​ຈີນ​ອອກ​ທ່ອງ​ທ່ຽວ​ຕ່າງປະ​ເທດ​ເພີ່ມ​ຂຶ້ນ​ເກືອບ 10 ​ເທົ່າ ຖ້າ​ສະຖານະ​ການ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ລະບາດ​ໃນ​ປັດຈຸບັນ ສົ່ງ​ຜົນ​ຮຸນ​ແຮງ​ຄື​ຄັ້ງທີ່​ພະຍາດ​ທາງ​ເດີນ​ຫາຍ​ໃຈ​ກະທັນຫັນ​ຮຸນ​ແຮງ ຫລື ຊາຣ໌ສລະບາດ ​ໃນ​ໄລຍະ​ປີ 2002-2003 ຄັ້ງນັ້ນຊາວ​ຈີນ​ໄປ​ທ່ຽວ​ຕ່າງປະ​ເທດ​ຫລຸດ​ລົງ​ເກືອບ 1 ​ໃນ 3, ຄັ້ງນີ້​ເສດຖະກິດ​ປະ​ເທດ​ທີ່​ອາ​ໄສ​ນັກ​ທ່ອງ​ທ່ຽວ​ຈີນ​ເປັນ​ຫລັກ​ອາດ​ຈະ​ຖືກ​ກະທົບ 1,5-2,0% ຂອງ​ລວມຍອດ​ຜະ​ລິດ​ຕະພັນ​ພາຍ​ໃນ ຫລື GDP.

      ນັກວິ​ເຄາະ​ຂອງ​ບໍລິສັດ​ຫລັກ​ຊັບ​ໂມ​ນູຣະຄາດ​ວ່າ: ຍາກ​ທີ່​ຍີ່ປຸ່ນ​ຈະ​ດຶງ​ດູດ​ນັກ​ທ່ອງ​ທ່ຽວ​ໃຫ້​ໄດ້​ເຖິງ 40 ລ້ານ​ຄົນ​ໃນ​ປີ​ນີ້​ຕາມ​ເປົ້າໝາຍ ​ເພາະ​ຊາວ​ຈີນ​ກວມ​ອັດຕາ​ສ່ວນ​ເຖິງ 27% ຂອງ​ນັກ​ທ່ອງ​ທ່ຽວ​ຕ່າງ​ຊາດ​ທັງ​ໝົດ, ຊາວ​ຈີນ​ມາ​ທ່ຽວ​ຍີ່ປຸ່ນ​ສູງ​ເຖິງ 8,4 ລ້ານ​ຄົນ​ໃນ​ປີ 2018 ​ເພີ່ມ​ຂຶ້ນຈາກ 450.000 ຄົນ​​ໃນ​ປີ 2003, ທຸລະ​ກິດ​ທີ່​ໄດ້​ຮັບ​ຜົນ​ກະທົບ​ໜັກ​ທີ່​ສຸດ​ນອກ​ເໜືອ​ຈາກ​ໂຮງ​ແຮມ, ຮ້ານ​ອາຫານ ​ແລະ ​ແຫ​ລ່ງທ່ອງ​ທ່ຽວ​ຄື ຮ້ານ​ຄ້າ ​ເພາະ​ຊາວ​ຈີນ​ນິຍົມ​ຊື້​ເຄື່ອງ​ໃຊ້​ໄຟຟ້າ, ​ເຄື່ອງ​ສຳອາງ​ໃນ​ຍີ່ປຸ່ນ.

ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ - Wave100S AD to Website 2020 0 - ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ

     ນັກ​ກົນລະຍຸດ​ການ​ຕະຫລາດ​ຂອງ​ແອກ​ຊີ​ຄອບ​ເຊື່ອ​ວ່າ: ຍີ່ປຸ່ນ​ອາດ​ຈະ​ຕ້ານທານ​ຜົນ​ກະທົບ​ໄດ້​ດີກ​ວ່າ​ໄທ​ທີ່​ອາ​ໄສ​ການທ່ອງທ່ຽວ​ເຖິງ 18% ຂອງ GDP ສະ​ເພາະ​ຊາວ​ຈີນ​ກວມ​ອັດຕາ​ສ່ວນ​ກວ່າ 1 ​ໃນ 4 ຂອງ​ນັກ​ທ່ອງ​ທ່ຽວ​ຕ່າງ​ຊາດ​ທັງ​ໝົດ.

     ສ່ວນ​ອົດ​ສະຕຣາລີທີ່​ກຳລັງ​ເດືອດຮ້ອນ​ຈາກ​ໄຟ​ໄໝ້​ປ່າ​ອາດ​ຈະ​ໄດ້​ຮັບ​ຜົນ​ກະທົບ​ເຊັ່ນ​ກັນ, ຊາວ​ຈີນ​ເຂົ້າ​ໄປ​ທ່ຽວ​ເພີ່ມ​ຂຶ້ນສອງ​ເທົ່າ​ໃນ​ໄລຍະ 6 ປີ​ ​ແລະ ກວມ​ອັດຕາ​ສ່ວນ 15% ຂອງ​ນັກ​ທ່ອງ​ທ່ຽວ​ຕ່າງ​ຊາດ​ທັງ​ໝົດ. ​ເຖິງ​ຢ່າງ​ໃດ​ກໍ​ຕາມ, ປະທານ​ກຳມະການ​ບໍລິຫານ ຫລື CEO ຂອງ​ສະມາຄົມ​ສົ່ງ​ເສີມ​ການທ່ອງທ່ຽວ​ພາກພື້ນອາຊີ-ປາຊີ​ຟິກ ຍອມຮັບ​ວ່າ: ຍາກ​ຈະ​ຄາດກະ​ໄດ້​ວ່າ​ວິ​ກິດ​ໄວຣັສຈະ​ຍືດ​ເຍື້ອດົນ​ພຽງ​ໃດ, ​ເບື້ອງຕົ້ນຄາດ​ໄວ້ 3-6 ​ເດືອນ ​ແຕ່​ຂຶ້ນກັບ​ວ່າສະຖານະ​ການຈະ​ເປັນ​ແນວ​ໃດ​ໃນ​ຫລາຍ​ອາທິດ​ຕໍ່ໜ້າ.

ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ - WhatsApp Image 2020 05 27 at 5 - ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ
ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ - WhatsApp Image 2020 05 27 at 5 - ໄວ​ຣັສອູ່​ຮັນ​ສະ​ເທືອ​ນທ່ອງ​ທ່ຽວ​ທົ່ວ​ອາຊີ
error: Alert: ເນື້ອຫາຂ່າວມີລິຂະສິດ !!