ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່

ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່ - 63 1 - ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່
ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່ - Untitled design - ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່

ກອງປະຊຸມນາຍົກ-ຮອງນາຍົກລັດຖະມົນຕີໃນວັນທີ 27 ມັງກອນນີ້, ໄດ້ເຫັນດີຕົກລົງແຕ່ງຕັ້ງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ (Novel Corona Virus: NCOV), ໂດຍມອບໃຫ້ທ່ານສົມດີດວງດີຮອງນາຍົກລັດຖະມົນຕີເປັນຫົວໜ້າຄະນະດັ່ງກ່າວແລະໃຫ້ຄະນະກໍາມະການກັນ ແລະ ຄວບຄຸມພະຍາດຕິດຕໍ່ລະດັບຊາດທີ່ມີລັດຖະມົນຕີກະຊວງສາທາລະນະສຸກ ເປັນຫົວໜ້ານັ້ນເປັນຄະນະຊ່ວຍວຽກ.

ເພື່ອປະສານກັບຂະແຫນງການ ແລະ ທ້ອງຖິ່ນ, ກໍານົດມາດຕະການໃນການຮັບມື້ແຕ່ລະດ້ານໃຫ້ລະອຽດ ແລະ ຮັດກຸມ ໂດຍສະເພາະການກວດກາຢູ່ຈຸດທີ່ມີຄວາມສ່ຽງ ເປັນຕົ້ນແມ່ນເຂດຊາຍແດນ, ສະຫນາມບິນ, ສະຖານີໂດຍສານ, ໂຮງຫມໍ, ຕະຫລາດ ແລະ ຈຸດສຽງຕ່າງໆ ເພື່ອຄວບຄຸມ ແລະ ປ້ອງກັນບໍ່ໃຫ້ພະຍາດ ແຜ່ລະບາດ, ກະກຽມຈຸດບໍລິການສາທາລະນະສຸກໃນທົ່ວປະເທດ ທີ່ສາມາດຮອງຮັບຄົນເຈັບທີ່ຕິດເຊື້ອພະຍາດດັ່ງກ່າວໃຫ້ເປັນບ່ອນປິ່ນປົວລວມສູນສະເພາະ ເພື່ອເປັນມາດຕະການຄວບຄຸມພະຍາດບໍ່ໃຫ້ແຜ່ລາມ ໄປສູ່ເຂດອື່ນ.

ໂຄສະນາເຜີຍແຜ່ຂໍ້ມູນຂ່າວສານຜ່ານສື່ຕ່າງໆໃຫ້ແກ່ສັງຄົມຢ່າງກວ້າງຂວາງກ່ຽວກັບວິທີປ້ອງກັນການຕິດເຊື້ອພະຍາດ, ການກວດກາອາການຂັ້ນພື້ນຖານ ແລະ ການເຂົ້າເຖິງການປິ່ນປົວຮັກສາຢ່າງທັນການ ກໍລະນີສົງໄສ ມີການຕິດເຊື້ອພະຍາດດັ່ງກ່າວ, ແຈ້ງເຕືອນປະຊາຊົນກ່ຽວກັບການອຸປະໂພກ-ບໍລິໂພກ ທີ່ຂາດສຸຂະນາໄມ ແລະ ເປັນສາເຫດຂອງການຕິດເຊື້ອຕ່າງໆ ລວມທັງພະຍາດໂຄໂລນາໄວຮັດ, ເກັບກໍາສະຖິຕິ ແລະ ຕິດຕາມກວດສຸຂະພາບ ຜູ້ເດີນທາງເປັນຕົ້ນແມ່ນນັກທ່ອງທ່ຽວ, ນັກສຶກສາ, ນັກທຸລະກິດ, ຜູ້ໃຊ້ແຮງງານ ແລະ ອື່ນໆທີ່ມາຈາກ ສປ ຈີນ.

ຄວບຄຸມລາຄາອຸປະກອນນໍາໃຊ້ສໍາລັບການປ້ອງກັນພະຍາດຈຸລະໂລກນີ້ ເປັນຕົ້ນແມ່ນຜ້າອັດປາກ-ດັ່ງ, ຖົງມື, ຊຸດປ້ອງກັນການຕິດເຊື້ອ ແລະ ອື່ນໆ, ຄົ້ນຄວ້າ ແລະ ວາງແຜນ ເພື່ອກະກຽມແກ້ໄຂຜົນກະທົບທີ່ອາດຈະເກີດຂຶ້ນຕໍ່ແຮງງານຈາກ ສປ ຈີນ ທີ່ມາເຮັດວຽກໃນໂຄງການລົງທຶນຂະຫນາດໃຫຍ່ຢູ່ ສປປ ລາວ, ກະກຽມງົບປະມານຈາກບ້ວງເງິນແຮລັດຖະບານ ເພື່ອນໍາໃຊ້ເຂົ້າໃນວຽກງານທີ່ຈໍາເປັນໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດດັ່ງກ່າວ.

ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່ - Wave100S AD to Website 2020 0 - ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່

ມອບໃຫ້ກະຊວງການຕ່າງປະເທດ ເປັນເຈົ້າການປະສານງານ ແລະ ແລກປ່ຽນຂໍ້ມູນຂ່າວສານກັບບັນດາປະເທດເພື່ອນມິດ ແລະ ອົງການອະນາໄມໂລກຢ່າງໃກ້ຊິດ ເພື່ອຕິດຕາມທ່າອ່ຽງຂອງການລະບາດພະຍາດ ແລະ ຍາດແຍ່ງການຊ່ວຍເຫລືອ, ໂດຍສະເພາະການສົ່ງຊ່ຽວຊານທີມງານແພດ, ພ້ອມດ້ວຍອຸປະກອນເຄື່ອງມື, ຢາ, ວັກແຊງປ້ອງກັນ ໃນກໍລະນີທີ່ມີການລະບາດໃຫຍ່, ພ້ອມນີ້ ກໍໃຫ້ສະຖານທູດ ແລະ ກົງສູນລາວປະຈໍາ ສປ ຈີນ ຕິດຕາມຢ່າງໃກ້ຊິດ ແລະ ປະສານງານກັບເພື່ອນຈີນ ທັງອໍານວຍຄວາມສະດວກ ແລະ ຊ່ວຍເຫລືອພົນລະເມືອງລາວ, ນັກທ່ອງທ່ຽວ, ນັກທຸລະກິດ ແລະ ນັກສຶກສາລາວ ທີ່ກໍາລັງດໍາລົງຊີວິດ ແລະ ສຶກສາຮໍ່າຮຽນຢູ່ ສປ ຈີນ ແລະ ລາຍງານສະພາບໃຫ້ເປັນປະຈໍາ.ເຊື້ອພະຍາດນີ້ໄດ້ສົ່ງຜົນກະທົບໃນວົງກວ້າງທັງຕໍ່ສັງຄົມ ແລະ ເສດຖະກິດຂອງແຕ່ລະປະເທດທີ່ມີການພົບການລະບາດ, ສະນັ້ນລັດຖະບານລາວຖືການປ້ອງກັນ, ຄວບຄຸມ ແລະ ແກ້ໄຂບັນຫາດັ່ງກ່າວເປັນບັນຫາສໍາຄັນ ແລະ ເລັ່ງດ່ວນ, ຈຶ່ງຮຽກຮ້ອງໃຫ້ທຸກພາກສ່ວນທັງສູນກາງ ແລະ ທ້ອງຖິ່ນ ຕ້ອງໄດ້ຮ່ວມມືກັນ ແລະ ພ້ອມກັນຍົກລະດັບຄວາມຮັບຜິດຊອບໃນການປ້ອງກັນ, ຄວບຄຸມ ແລະ ແກ້ໄຂບັນຫາດັ່ງກ່າວໃຫ້ມີປະສິດທິຜົນ ແລະ ທັນສະພາບການ.

ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່ - WhatsApp Image 2020 05 27 at 5 - ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່
ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່ - WhatsApp Image 2020 05 27 at 5 - ລາວຕັ້ງຄະນະສະເພາະກິດປ້ອງກັນການລະບາດຂອງເຊື້ອຈຸລະໂລກສາຍພັນໃໝ່
error: Alert: ເນື້ອຫາຂ່າວມີລິຂະສິດ !!