ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ

ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ - 885 - ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ
ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ - Untitled design - ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ

ໃນວັນທີ 28 ມັງກອນນີ້, ທ່ານ ທອງສະຫວັນ ພົມວິຫານ ຮອງລັດຖະມົນຕີກະຊວງການຕ່າງປະເທດໄດ້ຖະແຫລ່ງຂ່າວຕໍ່ສື່ມວນຊົນວ່າ: ພາຍຫລັງທີ່ມີການແຜ່ລະບາດຂອງພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ (Novel Corona Virus), ກະຊວງການຕ່າງປະເທດ ແຫ່ງ ສປປ ລາວ ແລະ ບັນດາສໍານັກງານຜູ້ຕາງໜ້າ ແຫ່ງ ສປປ ລາວ ປະຈໍາຢູ່ຕ່າງປະເທດ ໄດ້ຕິດຕາມສະພາບການລະບາດພະຍາດດັ່ງກ່າວຢູ່ຕ່າງປະເທດ ຢ່າງໃກ້ຊິດ ແລະ ໄດ້ປະສານງານກັບບັນດາພາກສ່ວນກ່ຽວຂ້ອງຂອງປະເທດທີ່ ມີການລະບາດ, ເພື່ອອໍານວຍຄວາມສະດວກ ແລະ ຊ່ວຍເຫລືອພົນລະເມືອງລາວ, ນັກທ່ອງທ່ຽວ, ນັກທຸລະກິດ ແລະ ນັກສຶກສາລາວ ທີ່ກໍາລັງດໍາລົງຊີວິດ ແລະ ສຶກສາຮໍ່າຮຽນຢູ່ບັນດາປະເທດທີ່ມີການລະບາດພະຍາດນີ້, ພ້ອມທັງໄດ້ລາຍງານສະພາບການຢ່າງເປັນປະຈໍາ ແລະ ປັດຈຸບັນຄົນລາວທີ່ອາໄສຢູ່ຕ່າງປະເທດຍັງຄົງປອດໄພດີ, ແລະ ບໍ່ມີການລາຍງານສະພາບການຕິດເຊື້ອ.

ດັ່ງນັ້ນ, ກະຊວງການຕ່າງປະເທດໄດ້ເປັນເຈົ້າການປະສານງານ ແລະ ແລກປ່ຽນຂໍ້ມູນຂ່າວສານກັບບັນດາປະເທດຕ່າງໆໃນພາກພື້ນ ແລະ ສາກົນ,ອົງການອະນາໄມໂລກຢ່າງໃກ້ຊິດເພື່ອຕິດຕາມທ່າອ່ຽງຂອງການລະບາດ ພະຍາດດັ່ງກ່າວ ແລະ ຍາດແຍ່ງການຊ່ວຍເຫລືອ, ໂດຍສະເພາະການສົ່ງຄະນະຜູ້ຊ່ຽວຊານດ້ານການແພດ ພ້ອມດ້ວຍອຸປະກອນເຄື່ອງມື, ຢາ, ແລະ ວັກຊິນປ້ອງກັນໃນກໍລະນີທີ່ມີການລະບາດໃຫຍ່. ພ້ອມທັງຂໍແນະນໍາໃຫ້ພົນລະເມືອງລາວຢູ່ຕ່າງປະເທດຕິດຕາມສະພາບການລະບາດພະຍາດດັ່ງກ່າວຢ່າງເປັນປົກກະຕິຜ່ານແຫລ່ງຂໍ້ມູນທາງການຂອງກະຊວງສາທາລະນະສຸກ, ກະຊວງການຕ່າງປະເທດ ແຫ່ງ ສປປ ລາວ ແລະ ອົງການອະນາໄມໂລກ.

ສະນັ້ນ, ຈຶ່ງຂໍແຈ້ງເຕືອນໃຫ້ພົນລະເມືອງລາວ ຫລີກລ່ຽງການເດີນທາງໄປຍັງບັນດາເຂດທີ່ມີການລະບາດພະຍາດດັ່ງກ່າວຢູ່ຕ່າງປະເທດ. ຖ້າພົນລະ ເມືອງລາວຢູ່ຕ່າງປະເທດຕ້ອງການຄວາມຊ່ວຍເຫລືອໃຫ້ຕິດຕໍ່ກັບບັນດາສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ ຫລື ກະຊວງການ ຕ່າງປະເທດ.

ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ - Wave100S AD to Website 2020 0 - ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ
ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ - WhatsApp Image 2020 05 27 at 5 - ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ
ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ - WhatsApp Image 2020 05 27 at 5 - ກະຊວງການຕ່າງປະເທດຢືນຢັນຄົນລາວອາໄສຢູ່ຕ່າງປະເທດປອດໄພດີ
error: Alert: ເນື້ອຫາຂ່າວມີລິຂະສິດ !!