ເປີດເທສະການຊີມລົດຊາດອາຫານລາວປີ 2020

ເປີດເທສະການຊີມລົດຊາດອາຫານລາວປີ 2020 - 11 6 - ເປີດເທສະການຊີມລົດຊາດອາຫານລາວປີ 2020
ເປີດເທສະການຊີມລົດຊາດອາຫານລາວປີ 2020 - Untitled design - ເປີດເທສະການຊີມລົດຊາດອາຫານລາວປີ 2020

    ສູນກາງສະຫະພັນແມ່ຍິງລາວ ຮ່ວມກັບ ສະມາຄົມນັກທຸລະກິດແມ່ຍິງ ລາວ ​ໄດ້ຈັດງານເທສະການອາຫານລາວ ປະຈຳປີ 2020 ຂຶ້ນໃນລະຫວ່າງວັນ​ທີ 28-31 ມັງກອນນີ້ ຢູ່ເດີ່ນ​ສວນ​ເຈົ້າ​ອານຸວົງ (​ແຄມ​ຂອງ) ​ນະຄອນຫລວງ​ວຽງຈັນ ​ເພື່ອ​ຊີມລົດ​ຊາດ​ອາຫານ​ທີ່​ເປັນເອກະລັກ​ພື້ນ​ເມືອງ​ລາວຈາກ 17 ​ແຂວງ ​ແລະ ນະຄອນຫລວງ, ພ້ອມ​ທັງໄດ້​ທ່ຽວຊົມ ​ແລະ ຊື້​ສິນຄ້າ​ນາໆຊະນິດ ຈາກ​ພາຍ​ໃນ ​ແລະ ຕ່າງປະເທດອື່ນໆ​ອີກ.

ເປີດເທສະການຊີມລົດຊາດອາຫານລາວປີ 2020 - 635 - ເປີດເທສະການຊີມລົດຊາດອາຫານລາວປີ 2020

    ທ່ານ ນາງ ຈັນທະ​ຈອນ ​ວົງ​ໄຊ ປະທານ​ສະມາຄົມ​ນັກທຸລະກິດ​ແມ່ຍິງລາວ ໃຫ້ຮູ້ວ່າ: ການຈັດ​ງານ​ຄັ້ງ​ນີ້ເພື່ອ​ເປັນ​ການ​ສົ່ງ​ເສີມ ​ແລະ ອະນຸລັກຮີດຄອງປະເພນີ, ວັດທະນະທຳອັນດີງາມຂອງ​ລາວ ໂດຍສະ ເພາະແມ່ນອາຫານພື້ນເມືອງ, ຜະລິດ​ຕະພັນຫັດຖະກຳ, ຜົນຜະລິດກະສິກຳທີ່ເປັນເອກະລັກຂອງລາວໃຫ້ຢູ່ຄູ່ຊາດລາວຕະຫລອດໄປ, ສ້າງເງື່ອນໄຂໃຫ້ຜູ້ປະກອບການແມ່ຍິງ, ຜູ້ປຸງແຕ່ງອາ ຫານຢູ່ທ້ອງຖິ່ນຕ່າງໆ ໄດ້ເຂົ້າມາຮ່ວມວາງສະແດງ ແລະ ຂາຍຜະລິດຕະພັນຂອງຕົນ ​ແລະ ສົ່​ງ​ເສີມ​ໃຫ້ຫົວໜ່ວຍທຸລະ​ກິດ​ຂອງ​ແມ່ຍິງ, ຜູ້​ປະກອບ​ການ​ປູກ​ຝັງ, ລ້ຽງສັດ, ປຸງ​ແຕ່ງ, ​ອາຫານ, ການ​ໂຮງ​ແຮມ, ຜູ້​ຜະລິດ​ຫັດຖະກຳ​ຕໍ່າຫູກ​ທໍໄໝ ​ແລະ ຈັກສານ​​ອື່ນໆ ​ໄດ້​ມາ​ວາງສະ​ແດງ ​ແລະ ຂາຍ​ຜະລິດ​ຕະພັນ​ຂອງ​ຕົນ, ທັງ​ເປັນ​ໂອກາດໄດ້​ແລກປ່ຽນບົດຮຽນ ​ແລະ ປະສົບ​ການຕ່າງໆ​ດ້ວຍ​ກັນ ​ເພື່ອ​ພັດທະນາ​ອາຫານ ​ແລະ ສິນຄ້າ​ຫັດຖະກຳ​ຂອງ​ລາວ​ພົ້ນ​ເດັ່ນ​ຂຶ້ນ​ໃນ​ພາກພື້ນ ​ແລະ ສາກົນ, ສາມາດຕອບ​ສະໜອງ​ໄດ້​ຕາມ​ຄວາມ​ຕ້ອງການຂອງ​ຕະຫລາດ​ໃນ​ຍຸກ​ປັດຈຸບັນ. ​ນອກນີ້ ຍັງເປັນການ​ປຸກ​ລະດົມ​ຄວາມ​ຄິດ​ແບບ​ໃໝ່​ໃນ​ການ​ຜະລິດ​ເປັນ​ສິນຄ້າຂອງ​ຜູ້​ປະກ​ອບການ​ແມ່ຍິງ​ໄດ້ສ້າງ​ເຄືອ​ຂ່າຍ​ການ​ຄ້າ​ຢ່າງ​ກວ້າງຂວາງ​ໃນ​ທົ່ວ​ປະ​ເທດ ​ແລະ ​ສາມາດ​ສົ່ງ​ອອກ​ສູ່​ຕະຫລາດ​ສາກົນ​ໄດ້.

ເປີດເທສະການຊີມລົດຊາດອາຫານລາວປີ 2020 - U8 - ເປີດເທສະການຊີມລົດຊາດອາຫານລາວປີ 2020

ເທສະການອາຫານລາວປີ​​ນີ້ມີ​ຮ້ານ​ວາງສະ​ແດງ ແລະ ຂາຍ​ສິນຄ້າ​ປະ​ເພດ​ຕ່າງໆ​ເຂົ້າຮ່ວມທັງໝົດ 190 ຮ້ານ​ເຊັ່ນ: ຮ້ານ​ອາຫານ, ​ເຄື່ອງ​ຫັດຖະກຳ, ກະສິກຳຈາກ​ພາຍ​ໃນ ​ແລະ ຕ່າງປະເທດ ລວມທັງສິນຄ້າ​ຈາກ​ສະຖານທູດຕ່າງໆປະຈຳ ສປປ ລາວ ​ເຂົ້າຮ່ວມ. ພ້ອມ​ນີ້​ຍັງ​ມີກິດຈະກຳ ​ແຂ່ງຂັນ​ປຸງ​ແຕ່ງອາຫານ​ທີ່​ເປັນເອກະລັກຈາກ 17 ​ແຂວງ ​ແລະ ນະຄອນ ຫລວງ​ເຊັ່ນ: ​ການ​ປຸງ​ແຕ່ງອາຫານ​ຈາກ 6 ​ແຂ​ວງພາກ​ເໜືອ, 6 ​ແຂວງ​ພາກ​ກາງ ​ແລະ 6 ​ແຂວງ​ພາກ​ໃຕ້ ​ແລະ ໃນມື້ສຸດທ້າຍຍັງ​ຈະມີ​ການ​ຈົກ​ສະຫລາກ​ຜົນ​ລາງວັນບັດ​ສ່ຽງ​ໂຊກ​ຈາກ​ໂຄງການ LBWA+LISG ເພື່ອຊ່ວຍເຫລືອຄົນເຈັບຈາກໄຟໄໝ້, ນໍ້າ​ຮ້ອນ​ລວກ ​ແລະ ຄົນ​ເຈັບ​ອານາ​ຖາ, ພ້ອມ​ທັງ​ກວດ​ສຸຂະພາບ​ໂດຍ​ບໍ່​ເສຍ​ຄ່າດ້ວຍ​​ເຄື່ອງມື​ທີ່​ທັນ​ສະ​ໄໝ, ວ່ອງ​ໄວ ​ແລະ ຮູ້​ຜົນ​ກວດ​​ໄດ້ທັນທີ.

ເປີດເທສະການຊີມລົດຊາດອາຫານລາວປີ 2020 - Wave100S AD to Website 2020 0 - ເປີດເທສະການຊີມລົດຊາດອາຫານລາວປີ 2020
ເປີດເທສະການຊີມລົດຊາດອາຫານລາວປີ 2020 - 65 3 - ເປີດເທສະການຊີມລົດຊາດອາຫານລາວປີ 2020
ເປີດເທສະການຊີມລົດຊາດອາຫານລາວປີ 2020 - WhatsApp Image 2020 05 27 at 5 - ເປີດເທສະການຊີມລົດຊາດອາຫານລາວປີ 2020
ເປີດເທສະການຊີມລົດຊາດອາຫານລາວປີ 2020 - WhatsApp Image 2020 05 27 at 5 - ເປີດເທສະການຊີມລົດຊາດອາຫານລາວປີ 2020
error: Alert: ເນື້ອຫາຂ່າວມີລິຂະສິດ !!