ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ

ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ - 02 4 - ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ
ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ - Untitled design - ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ

      ຜູ້ອຳນວຍການ​ອົງການ​ອະນາ​ໄມ​​ໂລກ​ກ່າວ​ວ່າ: ທາງ​ໜ່ວຍ​ງານ​ມີ​ຄວາມ​ເຂົ້າ​ໃຈ​ຕໍ່​ຄວາມ​ກັງວົນ​ຂອງ​ນາໆ​ປະ​ເທດ​ຕໍ່​ສະຖານະ​ການ​ແຜ່​ລະບາດ​ຂອງ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ ​ເຊິ່ງກຳ​ເນີ​ດຢູ່​ເມືອງ​ອູ່​ຮັນ​ໃນ​ຈີນ ​ແຕ່ “ບໍ່​ຄວນ​ແຕກ​ຕື່ນ”.

      ທ່ານ ​ເທດຣອສ ​ແອດ​ນາ​ຮອມ ​ເກ​ເບຣ​ເຍຊຸ​ສ ຜູ້ອຳນວຍການ​ອົງການ​ອະນາ​ໄມ​ໂລກ (WHO) ຖະ​ແຫລ​ງ​ໃນ​ວັນ​ທີ 28 ມັງກອນ​ ຫລັງ​ພົບ​ປະ​ຫາລື​ກັບ​ທ່ານ ຫວັງ ອີ້ ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ຢູ່​ນະຄອນຫລວງ​ປັກ​ກິ່ງ​ວ່າ: WHO ມີ​ຄວາມ​ເຊື່ອ​ໝັ້ນຕໍ່​ມາດ​ຕະການ​ຂອງ​ລັດຖະບານ​ປັກ​ກິ່ງ ​ເຊິ່ງກຳ​ລັງ​ເລັ່ງດຳ​ເນີນ​ການ​ເພື່ອ​ຄວບ​ຄຸມ​ການ​ແຜ່​ລະບາດ​ຂອງ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ ທີ່ກຳ​ເນີ​ດຢູ່​ເມືອງ​ອູ່​ຮັນ ມົນທົນ​ຫູ​ເປີ​ຍ ທາງ​ຕອນ​ກາງຂອງ​ປະ​ເທດ ​ໃນ​ເດືອນ​ທັນວາ​ປີຜ່ານມາ ຂ້າ​ຊີວິດ​ຊາວ​ຈີນ​ໄປ​ແລ້ວ​ຫລາຍ​ກວ່າ 100 ຄົນ​ນັບ​ແຕ່​ຕົ້ນ​ເດືອນ​ມັງກອນ​ນີ້.

      ຂະນະ​ດຽວ​ກັນ, ທ່ານ ​ເກ​ເບຣ​ເຍຊຸ​ສ ກ່າວ​ວ່າ: ທ່ານ​ຂານ​ຮັບ​ການ​ເຄື່ອນ​ໄຫວ​ຂອງ​ລັດຖະບານ​ຫລາຍ​ປະ​ເທດ ​ເຊິ່ງມີ​ຈຸດປະສົງ​ອົບ​ພະຍົບພົນລະ​ເມືອງ​ຂອງ​ຕົນ​ອອກ​ຈາກ​ເມືອງ​ອູ່​ຮັນ. ​ເຖິງ​ຢ່າງ​ໃດ​ກໍ​ຕາມ, WHO ບໍ່​ມີ​ນະ​ໂຍບາຍ​ອອກ​ມາດ​ຕະການ​ຢຸດ​ການ​ເດີນທາງ​ລະຫວ່າງ​ປະ​ເທດ ຫລື ການ​ແນະນຳ​ໃຫ້​ລັດຖະບານ​ຕ່າງ​ຊາດ​ອົບ​ພະຍົບມົນ​ລະ​ເມືອງ​ອອກ​ຈາກ​ຈີນ ​ແລະ ຂໍ​ໃຫ້​ປະຊາ​ຄົມ​ໂລກ “ບໍ່​ຄວນ​ແຕກ​ຕື່ນ​ຈົນ​ເກີນ​ໄປ”. ທັງ​ນີ້ WHO ມີ​ມະຕິ​ໃນ​ອາທິດ​ຜ່ານ​ມາ​ວ່າ: ຍັງ​ບໍ່​ປະກາດ​ໃຫ້​ສະຖານະ​ການ​ການ​ແຜ່​ລະບາດ​ຂອງ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ “​ເປັນ​ພາວະ​ສຸກ​ເສີນ​ດ້ານ​ສາທາລະນະ​ສຸກ​ສາກົນ” ​ໂດຍ​ໃຫ້​ເຫດຜົນ​ວ່າ: ສະຖານະ​ການ “ວິ​ກິດ” ສະ​ເພາະ​ຢູ່​ຈີນ.

ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ - Wave100S AD to Website 2020 0 - ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ
ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ - WhatsApp Image 2020 05 27 at 5 - ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ
ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ - WhatsApp Image 2020 05 27 at 5 - ອະນາ​ໄມ​ໂລກ​ຮຽກຮ້ອງ​ຢ່າ​ແຕກ​ຕື່ນ​ຕໍ່​ໄວຣັສ​ໂຄ​ໂຣນາ
error: Alert: ເນື້ອຫາຂ່າວມີລິຂະສິດ !!