ທຣຳ ປະກາດຖອນຕົວຈາກຂໍ້ຕົກລົງຫລຸດໂລກຮ້ອນແລ້ວ

- advert banner 728 90 728x90 - ທຣຳ ປະກາດຖອນຕົວຈາກຂໍ້ຕົກລົງຫລຸດໂລກຮ້ອນແລ້ວ

- 96310737 98288e6f 7f78 44b5 a021 7119e5b1455c - ທຣຳ ປະກາດຖອນຕົວຈາກຂໍ້ຕົກລົງຫລຸດໂລກຮ້ອນແລ້ວ

 

ທ່ານ ​ໂດ​ນັນ ທຣຳ ປະທານາທິບໍດີ​ອາ​ເມ​ລິ​ກາ ປະກາດ​ວ່າ​ອາ​ເມລິ​ກາ​ຈະ​ຖອນ​ຕົວ​ຈາກ​ຂໍ້​ຕົກລົງ​ສັນຍາ​ປາຣີ ​ເຊິ່ງ​ເປັນ​ຂອບ​ອະນຸ​ສັນຍາ​ສະຫະ​ປະຊາ​ຊາດ​ວ່າ​ດ້ວຍ​ການ​ຮັບ​ມື​ກັບ​ການ​ປ່ຽນ​ແປງ​ຂອງ​ສະພາບ​ອາກາດ ​ໂດຍ​ທ່ານ​ໃຫ້​ເຫດ​ວ່າ​​ເປັນ​ຍ້ອນ​ພາລະ​ທາງ​ເສດຖະກິດ​ທີ່​ຈະ​ເກີດ​ຂຶ້ນຈາກ​ການ​ຕ້ອງ​ປະຕິບັດ​ຕາມ​ຂໍ້​ຕົກລົງ​ດັ່ງກ່າວ.

ປະທານາທິບໍດີ​ອາ​ເມ​ລິ​ກາ ຍັງ​ກ່າວ​ອີກ​ວ່າ​ນີ້​ເປັນ​ຕົວຢ່າງ​ຫລ້າ​ສຸດ​ທີ່​ຊີ້​ໃຫ້​ເຫັນ​ວ່າ​ອາ​ເມ​ລິ​ກາ​ເຂົ້າ​ໄປ​ມີ​ສ່ວນ​ຮ່ວມ​ໃນ​ຂໍ້​ຕົກລົງ​ທີ່​ເກີດ​ປະ​ໂຫຍ​ດຕໍ່​ປະ​ເທດ​ອື່ນໆ ​ໂດຍ​ສະ​ເພາະ​ຈີນ​ກັບ​ອິນ​ເດຍ ​ແລະ ອາ​ເມ​ລິ​ກາ​ຈະ​ກັບ​ມາ​ເຈລະຈາ​ເພື່ອ​ເຂົ້າຮ່ວມ​ອີກ​ເມື່ອ​ເຫັນ​ວ່າ​ມີ​ເງື່ອນ​ໄຂ​ທີ່​ເປັນ​ທຳ​ຕໍ່​ອາ​ເມ​ລິ​ກາ.

 

+ ສະຫະພາບເອີຮົບ-ຈີນ ບໍ່ສົນໃຈ ທຣຳ ກຽມຖະແຫລງ ຈຸດຢືນເດີນໜ້າຂໍ້ຕົກລົງຫລຸດໂລກຮ້ອນ

 

- Tiger Head 728x90 - ທຣຳ ປະກາດຖອນຕົວຈາກຂໍ້ຕົກລົງຫລຸດໂລກຮ້ອນແລ້ວ
- 1 1 - ທຣຳ ປະກາດຖອນຕົວຈາກຂໍ້ຕົກລົງຫລຸດໂລກຮ້ອນແລ້ວ

ກຸ່ມ​ພິທັກ​ສິ່ງ​ແວດ​ລ້ອມ​ກຣີນພິດ ສະ​ແດງ​ຂໍ້ຄວາມ​ທາງ​ທະວິ​ດ​ເຕີ​ລະບຸ​ວ່າ: ປັດຈຸບັນ​ນີ້ ອາ​ເມ​ລິ​ກາ​ໄດ້​ປ່ຽນ​ຈາກ​ຜູ້ນຳ​ການ​ປ່ຽນ​ແປງ​ຂອງ​ສະພາບ​ອາກາດ​ເປັນ​ຝ່າຍ​ທີ່​ສິ້ນຄິດ. ທັງ​ນີ້, ອາ​ເມ​ລິ​ກາ​ເປັນ​ປະ​ເທດ​ທີ່​ປ່ອຍ​ແກັສ​ເຮືອນ​ແກ້ວ​ຫລາຍ​ເປັນອັນ​ດັບ​ສອງ​ຮອງ​ຈາກ​ຈີນ.

 

- 96310739 2850d21e e3cc 467e aa92 0ee1380cdef9 - ທຣຳ ປະກາດຖອນຕົວຈາກຂໍ້ຕົກລົງຫລຸດໂລກຮ້ອນແລ້ວ

 

​ເຖິງ​ຢ່າງ​ໃດ​ກໍ​ດີ, ກ່ອນ​ໜ້າ​ນີ້ ນັກວິ​ເຄາະ​ເບິ່ງ​ວ່າ: ທ່ານ ທຣຳ ບໍ່​ເຊື່ອ​ວ່າ​ບັນຫາ​ສະພາບ​ອາກາດ​ປ່ຽນ​ແປງ ​ແລະ ສະພາບ​ໂລກ​ຮ້ອນ​ເກີດ​ຈາກ​ຝີ​ມື​ມະນຸດ ​ເຊິ່ງໝາຍ​ເຖິງ​ການ​ທີ່​ອຸດສາຫະກຳຕ່າງໆ ​ໂດຍ​ສະ​ເພາະ​ອຸດສາຫະກຳ​ພະລັງງານ​ຖ່ານ​ຫີນ​ປ່ອຍ​ແກັສ​ເຮືອນ​ແກ້ວ​ອອກ​ມາ​ເປັນ​ຈຳນວນ​ຫລາຍ ​ໂດຍ​ທ່ານ​ລະບຸ​ວ່າການ​ປຸກລະດົມ​ກ່ຽວ​ກັບ​ສະພາບ​ໂລກ​ຮ້ອນ​ເປັນ​ເລື່ອງ​ຂີ້​ຕົວະ​ທີ່​ສັດຕູ​ຂອງ​ອາ​ເມ​ລິ​ກາ​ສ້າງ​ຂຶ້ນ ​ເພື່ອ​ທຳລາຍ​ອຸດສາຫະກຳ​ຂອງ​ອາ​ເມ​ລິ​ກາ. ດ້ວຍ​ເຫດ​ນີ້ ທ່ານ ທຣຳ ຈຶ່ງ​ປະກາດ​ວ່າ​ທ່ານ​ຈະ​ໃຫ້​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ປາຣີ.

ສ່ວນ​ທ່ານ ບາຣັກ ​​ໂອ​ບາ​ມາ ອະດີດ​ປະທານາທິບໍດີ​ອາ​ເມ​ລິ​ກາ ​ເຊິ່ງ​ເປັນ​ຜູ້​ຕໍ່​ລອງ​ເງື່ອນ​ໄຂ​ຂອງ​ຂໍ້​ຕົກລົງ​ສະບັບ​ນີ້​ທີ່​ຈັດ​ຂຶ້ນ​ໃນ​ປີ 2015 ກ່າວ​ວ່າ: ລັດຖະບານ​ຂອງ​ທ່ານ ທຣຳ ພວມ​ປະຕິ​ເສດ​ອະນາຄົດ. ທ່ານ ​ໂອ​ບາ​ມາ ກ່າວ​ອີກ​ວ່າ: ທ່ານໝັ້ນ​ໃຈ​ວ່າ​ລັດ​ຕ່າງໆ​ຂອງ​ອາ​ເມ​ລິ​ກາ ​ແລະ ຂະ​ແໜງ​ທຸລະ​ກິດ​ກ້າວ​ຂຶ້ນມາ​ດຳ​ເນີນ​ການ​ໃນ​ສິ່ງ​ທີ່​ຈະ​ຊ່ວຍ​ປົກ​ປ້ອງ​ໂລ​ກໜ່ວຍ​ນີ້​ຫລາຍ​ຂຶ້ນ.

error: Content is protected !!