ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ

ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ - 220 - ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ
ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ - Untitled design - ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ

ລູກເມືອງພວນ

ນັກທຸລະກິດລາວໃນຍຸກນີ້ ໄດ້ເຕີບໂຕຂຶ້ນຢ່າງຫຼວງຫຼາຍ ແລະ ໄດ້ປະກອບສ່ວນພັດທະນາປະເທດຊາດບ້ານເມືອງຢ່າງຕັ້ງໜ້າ ໂດຍສະເພາະແມ່ນການກໍ່ສ້າງພື້ນຖານໂຄງລ່າງເສດຖະກິດລະດັບ ບິກບິກ ທັງນັ້ນ ເຊັ່ນ: ການສ້າງຖະໜົນຫົນທາງ, ຄອງເໝືອງ-ຊົນລະປະທານ, ພັດຕະຄານ ເຮືອນຊານ ສະຖານທີ່…ແຕ່ໃນນັ້ນພົ້ນເດັ່ນທີ່ສຸດ ກໍຄືນັກທຸລະກິດທີ່ມີຊື່ວ່າ ເກຍ ອູສິດທິເດດ ເປັນນັກທຸລະກິດ ໂດດເດັ່ນເລັ່ງຕົວຂຶ້ນມາແຮງ ເປັນທີ່ຍອມຮັບ ແລະ ຮັບຮູ້ຫລາຍຄົນ ຈົນເຖິງຂັ້ນໄດ້ຮັບຫຼຽນໄຊແຮງງານຊັ້ນ 1 ຈາກລັດຖະບານຫວ່າງບໍ່ດົນມານີ້. ນອກຈາກນັ້ນທ່ານ ຍັງໄດຮັບຄຳຍ້ອງຍໍຊົມເຊີຍຈາກສັງຄົມ ໃນໜ້າໜັງສືພິມ ແລະ ສື່ສັງຄົມອື່ນ ຈົນກາຍເປັນຕົວແບບທີ່ດີຂອງລາວເຮົາອີກຫລາຍຄົນຈາກການທຸລະກິດຜະລິດນໍ້າດື່ມ ກາປາໂລມາຄຳ ແລະກໍບໍ່ເຄີຍເຫັນເພິ່ນຂີ່ລົດຫຼູໂຊຄວາມລວຍ ແຕ່ທີ່ເຫັນກໍຄືເດີນໜ້າຊ່ວຍເຫຼືອປະຊາຊົນຜູ້ທຸກຍາກ ໄດ້ຢູ່ດີກິນດີ ດ້ວຍອາຊີບທີ່ໝັ້ນຄົງ ຢາງບໍ່ຢຸດບໍ່ເຊົາ.

ໃນໄລຍະທີ່ຜ່ານມາ ທ່ານເຄີຍລົງທຶນຫຼາຍຕື້ກີບ ເພື່ອຊ່ວຍໃຫ້ປະຊາຊົນມີວຽກເຮັດງານທຳ ມີອາຊີບທີ່ໝັ້ນຄົງ ນັ້ນຄືຈັດຕັ້ງກຸ່ມຕໍ່າຫູກທໍໄໝໃຫ້ຫຼາຍຄົວເຮືອນ ແລະ ຫຼາຍຮ້ອຍຄົນມີອາຊີບທີ່ໝັ້ນຄົງ ແລະ ຍືນຍົງຈົນມາເຖິງທຸກວັນນີ້. ຫຼ້າສຸດໃນວັນທີ 21 ມັງກອນນີ້ ທີມງານຂອງພວກເພິ່ນສືບຕໍ່ເດີນໜ້າຊ່ວຍເຫຼືອປະຊາຊົນຕື່ມອີກ ໂດຍໄດ້ນຳພາຊາວບ້ານໃນເປົ້າໝາຍລຶບລ້າງຄວາມທຸກຍາກຂອງລັດຖະບານ ມາຮຽນຮູ້ປະສົບການ ຝຸ່ນບົ່ມຊີວະພາບ, ຮ່າຍເບົ້າກ້າເບ້ຍໄມ້ ແລະ ປູກພືດຜັກສວນຄົວ ທີ່ຖືກວິທີ ເພື່ອນຳເອົາໄປແຈກຢາຍໃຫ້ແຕ່ລະຄອບຄົວ ເພື່ອໄດ້ທຳການເພີ່ມພູນຜະລິດຜົນລະປູກ ພືດຜັກປອດສານພິດ ໃນເຂດບ້ານຂອງຕົນເຊັ່ນ: ເຂດຈຸດສຸມອາໄລ-ລະແບງ ເມືອງນອງ ແຂວງສະຫວັນນະເຂດ. ພຽງແຕ່ 2 ອາທິດເທົ່ານັ້ນ ກໍສາມາດເລີ່ມເລີ່ມປະຕິບັດກິດຈະກຳຢ່າງເປັນຮູບປະທຳ. ບາດກ້າວທຳອິດຂອງໂຄງການ ເພິ່ນໄດ້ເລັ່ງຈັດຫາແຫຼ່ງນໍ້າ ໂດຍການເຈາະນໍ້າບາດານ, ສຳຫຼວດບ່ອນທີ່ມີເງື່ອນໄຂ ເພື່ອກໍ່ສ້າງຊົນລະປະທານຂະໜາດນ້ອຍ ຮັບໃຊ້ການຜະລິດ ແລະ ຊີວິດປະຈຳວັນຂອງປະຊາຊົນ ເພາະເຂດດັ່ງກ່າວຍັງຂາດແຫຼ່ງນໍ້າໃຊ້ສະອາດນໍ້າກິນ ໂດຍສະເພາະແມ່ນໃນລະດູແລ້ງ.

ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ - Wave100S AD to Website 2020 0 - ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ

ນີ້ຄືນັກທຸລະກິດໄດ້ເຊື່ອງຕົວເຂົ້າກັບໂຄງການລຶບລ້າງຄວາມທຸກຍາກຂອງລັດຖະບານ ໄດ້ຢ່າງລົງຕົວ, ທ່ານຄືຄົນໜຶ່ງທີ່ລົງທຶນເຮັດທຸລະກິດສ່ວນຕົວຄອບຄົວ ແຕ່ມີຫົວໃຈຊາດທີ່ສູງສົ່ງ ຈຶ່ງໄດ້ເສຍສະຫຼະເງິນຄຳສ່ວນຕົວເພື່ອປະຊາຊົນຜູ້ທຸກຍາກຮ່ວມຊາດດຽວກັນ, ທ່ານຄືນັກທຸລະກິດທີ່ບໍ່ມີຈຸດປະສົງ ແລະ ຄວາມມຸ່ງຫວັງອື່ນໃດສູງສົ່ງກ່ວາປະເທດຊາດຂອງຕົນ, ເພື່ອເຊື້ອຊາດລາວຂອງພວກເຮົາ. ນີ້ຄືນັກທຸລະກິດທີ່ເປັນແບບຢ່າງ ແລະ ມີຜົນງານອັນໃຫ່ຍຫຼວງໃນການປະກອບສ່ວນລືບລ້າງຄວາມທຸກຍາກຂອງລັດຖະບານ ແລະ ຖ້າມານັກທຸລະກິດຂອງລາວຫຼາຍຄົນຄືແບບນີ້ກໍຈະເປັນກຳລັງສົ່ງແຮງຊ່ວຍລັດຖະບານຈັດຕັ້ງປະຕິບັດໂຄງການລືບລ້າງຄວາມທຸກຍາກຂອງປະຊາຊົນໄດ້ ຢ່າງມີໄຊ ແລະ ວ່ອງໄວຂຶ້ນຕື່ມອີກກ້າວໜຶ່ງ ດັ່ງນັ້ນ, ກໍຂໍອວຍພອນໃຫ້ນັກທຸລະກິດລາວທຸກຄົນຈົ່ງກ້າວໄປຂ້າງໜ້າຢ່າງແຂງແຮງ ເປັນເສົາຫຼັກໃນການພັດທະນາປະເທດຊາດທີ່ແສນຮັກຂອງພວກເຮົາໄດ້ຈະເລີນຮຸ່ງເຮືອງ ແລະ ສີວິໄລຂຶ້ນນັບມື້.

ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ - WhatsApp Image 2020 05 27 at 5 - ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ
ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ - WhatsApp Image 2020 05 27 at 5 - ຊົມເຊີຍນັກທຸລະກິດຫົວໃຈເພື່ອຊາດຢ່າງແທ້ຈິງ
error: Alert: ເນື້ອຫາຂ່າວມີລິຂະສິດ !!