​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ

​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ - 250 1 - ​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ
​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ - Untitled design - ​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ

     ​ໃນ​ຂະນະ​ທີ່ຊອກ​ຫາ​ເລື່ອງ​ຂຽນ​ສຳລັບ​ຄໍ​ລຳ​ນີ້​ຢູ່​ນັ້ນ ກໍ​ເລີຍ​ອ່ານ​ພົບ​ຄໍ​ລຳ​ສຳພາດ “Streetwise” ​ໃນ​ໜ້າ​ໜັງສືພິມ​ວຽງ​ຈັນທາ​ມ ສະບັບ​ວັນ​ທີ 23 ​ເດືອນ​ມັງກອນ​ປີ​ນີ້. ຫົວ​ຂໍ້​ພາສາ​ອັງກິດ​ດັ່ງກ່າວ ​ແປ​ເປັນ​ລາວ​ໄດ້​ຄວາມ​ໝາຍວ່າ: “​ເຮັດ​ແນວ​ໃດ ພວກ​ເຮົາ​ຈຶ່ງ​ຈະ​ແກ້​ໄຂ​ບັນຫາ​ຂໍທານ​ຢູ່​ນະຄອນຫລວງ​ວຽງ​ຈັນ​ໃຫ້​ຕົກ​ໄປ ?” ຖ້າ​ຈື່​ບໍ່​ຜິດ ຄໍ​ລຳ “Streetwise” ນີ້ ​ເຄີຍ​ອອກ​ບົດ​ສຳພາດ​ກ່ຽວ​ກັບ​ບັນຫາ​ນີ້​ມາ​ຫລາຍ​ຄັ້ງ​ແລ້ວ ​ແລະ ​ເຊື່ອ​ວ່າ ​ເທື່ອ​ໜ້າ​ບັນຫາ​ນີ້​ກໍ​ຄົງ​ຍັງ​ຈະ​ໄດ້​ເວົ້າກັນ​ຕໍ່​ແນ່ນອນ. ຜູ້​ຖືກ​ສຳພາດ​ທັງ 4 ທ່ານ ລ້ວນ​ແຕ່​ມີ​ຂໍ້​ສະ​ເໜີ​ດີໆ​ກັນ​ທັງ​ນັ້ນ ​ເພື່ອ​ແກ້​ໄຂ​ບັນຫາ​ຄົນ​ຂໍທານ​ໃຫ້ຫາ​ຍ​ໄປ​ຈາກ​ນະຄອນ​ທີ່​ເປັນ​ໝາກ​ຫົວ​ໃຈ​ຂອງ​ປະຊາຊົນ​ລາວ​ທັງ​ຊາດ. ຜູ້​ທີ​ໜຶ່ງ​ບອກ​ວ່າ: ຄວນ​ແກ້​ໄຂ​ບັນຫາ​ຄົນ​ຂໍທານ​ດ້ວຍ​ການຄ້ຳປະກັນ​ທາງ​ສັງຄົມ​ທີ່​ແໜ້ນໜາ, ​ໃນ​ນັ້ນ ຄວນ​ເອົາ​ໃຈ​ໃສ່​ຄົນ​ເຖົ້າ ​ແລະ ຊາວ​ຊົນນະບົດ​ທີ່​ທຸກ​ຍາກ​ເປັນຕົ້ນຕໍ. ຜູ້​ທີ​ສອງ​ບອກ​ວ່າ: ຕ້ອງ​ແກ້​ບັນຫາ​ຄົນ​ຂໍທານ​ດ້ວຍ​ການ​ຈຳກັດ​ສະພາບ​ຫລຸດ​ໂຕນ​ດ້ານ​ການ​ພັດທະນາ​ລະຫວ່າງ​ຕົວ​ເມືອງ ​ແລະ ຊົນນະບົດ ​ແລະ ຢ້ຳວ່າ: ຄວນ​ມີ​ກົດໝາຍ​ຕ້ານ​ການ​ຂໍທານ. ລັດ​ຄວນ​ມີ​ງົບ​ສະ​ເພາະ​ເພື່ອ​ຊ່ວຍ​ກຸ່ນ​ຄົນ​ທີ່​ມີ​ຊີວິດ​ຢູ່​ລຸ່ມ​ເສັ້ນຄວາມທຸກ​ຍາກ. ຜູ້​ທີ​ສາມ​ນັ້ນມີ​ຄຳ​ເຫັນ​ຖືກຕ້ອງ​ປານ​ເອົາ​ກຳ​ປັ້ນຕີ​ດິນ ຄື​ໄດ້​ບອກ​ວ່າ: ຕ້ອງ​ແກ້​ໄຂ​ບັນຫາ​ຂໍທານ​ດ້ວຍ​ການ​ຮັບປະກັນ​ໃຫ້​ພວກ​ຂໍທານ​ທຸກ​ຄົນ​ມີ​ວຽກ​ເຮັດ​ງານ​ທຳ ​ແລະ ວ່າ​ວິທີ​ນີ້​ສາມາດ​ເຮັດ​ໄດ້ ຖ້າ​ທາງ​ການ ​ແລະ ທຸກໆ​ຄົນ​ຮ່ວມ​ມື​ກັນ​ເຮັດ. ຜູ້​ທີ​ສີ່​ສຸດ​ທ້າຍ​ບອກ​ວ່າ: ສົງສານ​ບັນດາ​ເດັກນ້ອຍ​ທີ່​ມາ​ຮ່ວມ​ຂໍທານ​ນຳ​ພໍ່​ແມ່ ​ແລະ ວ່າ​ຕົນ​ເອງ​ເຄີຍ​ໃຫ້​ທານ​ສະ​ເພາະ​ຄົນ​ພິການ, ບໍ່​ໃຫ້​ຜູ້​ທີ່​ມີ​ຮ່າງກາຍ​ແຂ​ງ​ແຮງ​ເດັດຂາດ. ຂໍ້​ສະ​ເໜີ​ຂອງ​ຜູ້​ທີ​ສີ່​ມີ​ຢູ່​ວ່າ: ທາງ​ການ​ຄວນ​ສຶກສາ​ອົບຮົມ​ຄົນ​ຂໍທານ​ເຫລົ່ານັ້ນ​ແລ້ວ​ສົ່ງ​ພວກ​ເຂົາ​ກັບ​ຄືນ​ຖິ່ນ​ເດີມ, ຊຸກຍູ້​ໃຫ້​ພວກ​ເຂົາ​ເຈົ້າຊອກ​ອາຊີບ​ແບບ​ຖາວອນ, ຊ່ວຍ​ເຫລືອ​ໃຫ້​ພວກ​ເດັກນ້ອຍ​ໄດ້​ເຂົ້າ​ໂຮງຮຽນ ​ເພາະ​ຖ້າ​ປ່ອຍ​ໃຫ້​ພວກ​ເຂົາ​ຕິດຕາມ​ພໍ່​ແມ່​ມາ​ຂໍທານ ​ເວລາ​​ໃຫຍ່​ຂຶ້ນພວກ​ເຂົາ​ກໍ​ຈະ​ຕິດ​ນິ​ໃສ​ຂໍທານ ​ເພາະ​ເຫັນ​ຕົວຢ່າງ​ຈາກ​ຜູ້​ໃຫຍ່.

(ຫນັງສືພິມລາວພັດທະນາ )

      ສຳລັບ​ຈານ​ແຫຍ່​ເດ​ລະ​ຄິດ​ແນວ​ໃດ ? ຂໍ​ບອກ​ວ່າ ຢາກ​ໃຫ້​ພາກສ່ວນ​ກ່ຽວຂ້ອງ​ສຶກສາ​ເລື່ອງ​ບັນຫາ​ຂໍທານ​ຢ່າງ​ເລິກ​ເຊິ່ງ ​ແລະ ​ເປັນ​ລະບົບ, ຢ່າ​ຄິດ​ແຕ່​ເລື່ອງ​ບັນຫາ​ເສດຖະກິດ​ຢ່າງ​ດຽວ, ຄວນ​ເບິ່ງ​ສະພາບ​ແວດ​ລ້ອມ​ລວມຂອງ​ທ້ອງ​ຖິ່ນ​ທີ່​ມີ​ຄົນ​ຂໍທານ​ຫລາຍ ວ່າ​ເຂົາ​ທຸກ​ຍາກ​ແທ້​ບໍ ? ຈຶ່ງ​ກາຍ​ເປັນ​ຄົນ​ຂໍທານ ຫລື ຍ້ອນ​ພະຍາດ​ມັກງ່າຍ “ໜັກ​ເຊົາ ​ເບົາ​ຖິ້ມ !” ຕ້ອງການ​ຊອກ​ເງິນ​ແບບ​ງ່າຍໆ. ນອກຈາກ​ນັ້ນ ກໍ​ຕ້ອງ​ມີ​ກົດໝາຍ​ເພື່ອ​ຈຳກັດ ​ແລະ ກຳຈັດ​ການ​ຂໍທານ​ເປັນ​ບາດກ້າວ​ຕໍ່​ໄປ ຫລື ​ໃນ​ເບື້ອງຕົ້ນອາດ​ເລີ່​ມຈາກ​ນິຕິ​ກຳ​ໃຕ້​ກົດໝາຍ​ກ່ອນ​ຄື​ຂັ້ນຕອນ​ທີ່​ເຮັດ​ຢູ່​ຫວຽດນາມ, ຢູ່​ອິນ​ໂດ​ເນ​ເຊຍ​ມາດ​ຕະການ​ແກ້​ໄຂ​ບັນຫາ​ຂໍທານ​ນັ້ນຕິດ​ພັນ​ກັບ​ການ​ແກ້​ໄຂ​ບັນຫາ​ຄ້າ​ມະນຸດ ​ເພາະ​ຂະ​ບວນການ​ຂໍທານ​ຢູ່​ອິນ​ໂດ​ເນ​ເຊຍ​ນັ້ນມີ​ຫົວ​ໂປ່​ຊຸກຍູ້​ຢູ່​ເບື້ອງຫລັງ ​ເພື່ອ​ຕັກ​ຕວງ​ຜົນ​ປະ​ໂຫຍ​ດຈາກ​ຄົນ​ຂໍທານ. ຫວ່າງ​ບໍ່ພໍ​ເທົ່າ​ໃດ​ປີຜ່ານມາ, ທາງ​ການ​ໄທ​ກໍ​ສາມາດ​ຈັບ​ໄດ້​ໄລ່​ທັນ​ຫົວ​ໂປ່​ທີ່​ຂົນ​ເອົາ​ຄົນ​ກຳປູ​ເຈຍ​ເຂົ້າ​ໄປ​ຂໍທານ​ຢູ່​ໄທ ​ເຊິ່ງກໍ​ຈັດ​ເຂົ້າ​ເປັນ​ບັນຫາ​ຄ້າ​ມະນຸດ​ເຊັ່ນ​ດຽວ​ກັນ. ດົນ​ມາ​ແລ້ວ, ຈານ​ແຫຍ່​ໄດ້​ຟັງ​ຈາກ​ປາກ​ນັກ​ການ​ທູດ​ລາວ​ຄົນ​ໜຶ່ງ​ຢູ່​ປະ​ເທດ​ທີ່​ຂໍ​ສະຫງວນ​ຊື່ວ່າ: ຄົນ​ຂໍທານ​ຢູ່​ປະ​ເທດ​ນີ້​ໃຊ້​ເດັກນ້ອຍ​ເປັນ​ເຫຍື່ອ​ອ່ອຍ​ເອົາ​ຄວາ​ມ​ເຫັນ​ໃຈ​ຈາກ​ຜູ້​ໃຫ້​ທານ. ທ່ານ​ທູດ​ບອກ​ວ່າ: ທີ່​ຈິງ​ພວກ​ເຂົາ​ເປັນ​ພຽງ​ເຄື່ອງມື​ຫາ​ກິນ​ໃຫ້​ຄົນ​ຂໍທານ​ປ່ຽນ​ມື​ກັນ​ເອົາ​ໄປ​ອ່ອຍ​ເຫຍື່ອ. ຈານ​ແຫຍ່​ເຊື່ອ​ວ່າ ຢູ່​ບ້ານ​ເຮົາ​ຄົງ​ບໍ່​ເປັນ​ແນວ​ນັ້ນດອກ, ​ແຕ່​ກໍ​ບໍ່​ແນ່​ເນີ ​ໃນ​ຍຸກ​ເສດຖະກິດ​ຕະຫລາດ​ນີ້… ທຸກ​ສິ່ງ​ທຸກ​ຢ່າງ​ມັນ​ສາມາດ​ຜັນ​ແປ​ໄປ​ຕາມ​ຄວາມ​ຕ້ອງການ​ຂອງ​ຕະຫລາດ​ໄດ້​ທັງ​ນັ້ນ. ດັ່ງນັ້ນ ຈຶ່ງ​ຄວນ​ສຶກສາ​ເລື່ອງ​ບັນຫາ​ຂໍທານ​ຢ່າງ​ເລິກ​ເຊິ່ງກວ່າ​ເກົ່າ.

​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ - Wave100S AD to Website 2020 0 - ​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ

(ຫນັງສືພິມລາວພັດທະນາ )

​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ - WhatsApp Image 2020 05 27 at 5 - ​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ
​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ - WhatsApp Image 2020 05 27 at 5 - ​ເລື່ອງ​ຂໍທານ ຖ້າ​ແກ້​ແບບ​ງ່າຍໆ​ຈະ​ບໍ່​ມີ​ວັນ​ຫາຍ
error: Alert: ເນື້ອຫາຂ່າວມີລິຂະສິດ !!