ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ

ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ - 547 - ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ
ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ - Untitled design - ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ

​ທ້າຍອາທິດຜ່ານມານີ້, ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ ນະຄອນຫລວງ​ວຽງ​ຈັນ ສົມທົບ​ກັບ​ພາກສ່ວນ​ທີ່​ກ່ຽວຂ້ອງໄດ້ລົງ​ກວດກາ​​ໂຮງຮຽນ​ສອນ​ຂັບ​ລົດ​ໃນ​ນະຄອນຫລວງ​ວຽງ​ຈັນ, ​ເພື່ອຕິດຕາມດ້ານມາດຕະຖານ ແລະ ຄຸນນະພາບຂອງການສິດສອນໃຫ້ຖືກຕ້ອງຕາມລະບຽບກໍານົດໄວ້ ແລະ ຜ່ານ​ການ​ກວດກາພົບວ່າຫລາຍແຫ່ງແມ່ນໄດ້ຕາມມາດຕະຖານທີ່ກໍານົດ ແລະ ມີແຕ່ຢູ່​ໂຮງຮຽນ​ສອນ​ຂັບ​ລົດ​ ເອກ​ປັນຍາພາ​ໂຊກ ແມ່ນ​ຍັງບໍ່ມີ​ປຶ້ມຕຳລາ​ການ​ສິດສອນ, ນອກນີ້ພາຫະນະ​ຮຽນ​ຂັບຈໍານວນໜຶ່ງ​ແມ່ນລະບົບເຕັກນິກ​​ບໍ່​ໄດ້​ມາດຕະຖານ ແລະ ຢູ່ໂຮງຮຽນ​ວິຊາ​ຊີບ​ສອນ​ຂັບ​ລົດ​ທົ່ງ​ສ້າງ​ນາງ​ ເຫັນວ່າເສັ້ນ​ແຕ້ມ​ຈະລາຈອນຢູ່ສະໜາມຂັບລົດ​ບໍ່​ເຫັນແຈ້ງດີ. ດັ່ງນັ້ນຈຶ່ງໄດ້ແນະນໍາໃຫ້ໂຮງຮຽນສອນຂັບລົດສອງແຫ່ງ ເລັ່ງແກ້ໄຂປັບປຸງໂດຍໄວ ເພື່ອໃຫ້ຮັບປະກັນດ້ານມາດຕະຖານ, ເຕັກນິກ ແລະ ຄວາມປອດໄພຂອງນັກຮຽນ.

ຮອງ​ຫົວໜ້າ​ໜ່ວຍ​ງານ​ຄຸ້ມ​ຄອງ​ຄວາມ​ປອດ​ໄພທາງ​ຖະໜົນ ຂອງພະ​ແນ​ກ​ດັ່ງກ່າວ ​ໃຫ້​ຮູ້​ວ່າ: ແຕ່ໃດມາໜ່ວຍງານຂອງຕົນໄດ້ເອົາໃຈໃສ່ລົງກວດກາບັນດາໂຮງຮຽນສອນຂັບລົດໃນຂອບເຂດນະຄອນຫລວງວຽງຈັນຢ່າງເປັນປົກກະຕິ, ​ເພື່ອ​ແນໃສ່ຊຸກຍູ້ໃຫ້ບັນດາໂຮງຮຽນດັ່ງກ່າວ ​ ປະຕິບັດຕາມມາດຕະຖານ​ເງື່ອນ​ໄຂ​​ດ້ານ​ເຕັກນິກ​ສອນ​ຂັບ​ຂີ່​ລົດ​ທີ່ດີ, ຖ້າໂຮງຮຽນໃດບໍ່ປັບປຸງຕາມມາດຕະຖານທີ່ກໍານົດໄວ້ ກໍຈະບໍ່ຕໍ່ໃບອະນຸຍາດດໍາເນີນທຸລະກິດໃຫ້ອີກ. ທ່ານກ່າວວ່າຕື່ມວ່າ: ໂຮງຮຽນສອນຂັບລົດທີ່ໄດ້ມາດຕະຖານ ຕ້ອງປະກອບມີເງື່ອນໄຂຄື: ຕ້ອງມີພະນັກງານ​, ການຈັດຕັ້ງ, ອາຄານ, ອຸປະກອນ​ສິດສອນ (ລະບົບ​ຄອມ​ພິວ​ເຕີ້), ຄູ​ສອນ, ພາຫະນະ​ຮຽນ​ຂັບ​ທີ່ຮັບປະກັນດ້ານເຕັກນິກ ​ແລະ ​ເດີ່ນ​ຝຶກ​ແອບ​ຂັບ​ຕົວ​ຈິງ (ສະໜາມ​ຈະລາຈອນ) ດັ່ງນີ້ເປັນຕົ້ນ. ​

ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ - Wave100S AD to Website 2020 0 - ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ
ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ - WhatsApp Image 2020 05 27 at 5 - ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ
ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ - WhatsApp Image 2020 05 27 at 5 - ຍທຂ ນະຄອນຫລວງເລັ່ງກວດກາ​ໂຮງຮຽນ​ສອນຂັບ​​ລົດໃຫ້ໄດ້ມາດຕະຖານ
error: Alert: ເນື້ອຫາຂ່າວມີລິຂະສິດ !!