- Lpn3 -
- Untitled design -

ກະຊວງ ປກສ ປະຕິບັດນະໂຍບາຍໃຫ້ພະນັກງານຂັ້ນສູງອອກພັກຜ່ອນບໍານານຫຼາຍຄົນ.

ໃນທ້າຍອາທິດຜ່ານມານີ້, ຢູ່ກະຊວງປ້ອງກັນຄວາມສະຫງົບໄດ້ມີພິທີປະກາດໃຫ້ພະນັກງານການນໍາຂັ້ນສູງຂອງກະຊວງດັ່ງກ່າວຫລາຍສະຫາຍອອກພັກຜ່ອນຮັບນະໂຍບາຍອຸດໜູນບໍານານຄື: ສະຫາຍ ພົນຈັດຕະວາ ກິແກ້ວເນົາວະລັດ ຮອງຫົວໜ້າກົມໃຫຍ່ພະລາທິການ, ພົນຈັດຕະວາ ວັນເຮືອງ ນັນທະຈັກ ອໍານວຍການວິທະຍາຄານສັນຕິບານປະຊາຊົນ, ພົນຈັດຕະວາ ພີມພາ ສີໂພໄຊ ຫົວໜ້າກົມສື່ສານ, ພົນຈັດຕະວ າບົວພັນ ຍໍລະວົງສາຫົວໜ້າກອງບັນຊາການປ້ອງກັນທີ່ຕັ້ງ, ພັນເອກ ຄໍາອ້ວນ ວິໄລພັນ ຫົວໜ້າກົມຕໍາຫລວດຝຶກແອບ ແລະ ນໍາໃຊ້ໝາວິຊາສະເພາະກົມໃຫຍ່ຕໍາຫລວດ, ພັນເອກ ຫວນທະລາ ມະຫາລາດຫົວໜ້າຫ້ອງ 313 ກົມໃຫຍ່ຕໍາຫລວດ, ພັນເອກ ສົມພອນ ທອງວິໄລ ຫົວໜ້າຫ້ອງການເມືອງຫ້ອງວ່າການກະຊວງ, ພັນເອກ ສົມດີ ແກ້ວວົງເພັດຫົວໜ້າກົມກົດລັບ, ພັນເອກ ສີພັນດອນ ຫວ່າງບົວຊົງ ຫົວໜ້າຄະນະບັນນາທິການຂ່າວສານ ປກສ, ພັນເອກ ບຸນຖະໜອມ ສັກກະເສີມສຸກ ຫົວໜ້າກົມໂຄສະນາອົບຮົມ, ພັນເອກ ຄໍາເຄື່ອງ ບຸນວິໄລຫົວໜ້າກອງບັນຊາການປ້ອງກັນສູນກາງ, ພັນເອກ ທອງໃບ ລໍວັນໄຊ ຫົວໜ້າບັນຊາການ ປກສ ແຂວງ ບໍລິຄໍາໄຊ ແລະ ພັນເອກ ສຸດທະສົມ ບຸນນະສິງ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ.

ໃນໂອກາດນີ້, ທ່ານພົນຕີ ສົມຫວັງ ທໍາມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບໄດ້ມີຄໍາເຫັນຕໍ່ພິທີວ່າ:​ ບັນດາສະຫາຍທີ່ໄດ້ປະກາດໃຫ້ອອກພັກຜ່ອນຮັບນະໂຍບາຍອຸດໜູນຄັ້ງນີ້ລ້ວນແຕ່ມີຜົນງານປະກອບສ່ວນໃນພາລະກິດປະຕິວັດແລະປະຕິບັດໜ້າທີ່ທີ່ພັກ-ລັດແລະປະຊາຊົນມອບໝາຍໃຫ້ມີຜົນສໍາເລັດ. ການຮັບນະໂຍບາຍບໍານານນີ້ມັນແມ່ນກົດເກນພາວະວິໄສຂອງພະນັກງານ-ລັດຖະກອນເມື່ອເຖິງອາຍຸກະສຽນແລ້ວກໍຕ້ອງໄດ້ອອກພັກຜ່ອນຮັບນະໂຍບາຍດັ່ງກ່າວຕາມລະບຽບກົດໝາຍ.

- Wave100S AD to Website 2020 0 -
- WhatsApp Image 2020 05 27 at 5 -
- WhatsApp Image 2020 05 27 at 5 -
error: Alert: ເນື້ອຫາຂ່າວມີລິຂະສິດ !!