7 ວິທີຟັງເພງໃຫ້ເກັ່ງພາສາອັງກິດ

- 023105 -      7 ວິທີຟັງເພງໃຫ້ເກັ່ງພາສາອັງກິດ
- Untitled design -      7 ວິທີຟັງເພງໃຫ້ເກັ່ງພາສາອັງກິດ

ການຝຶກພາສາອັງກິດໂດຍການຟັງເພງເປັນອີກໜຶ່ງວິທີທີ່ມີປະສິດທິພາບຫລາຍ ເພາະນອກຈາກຈະໄດ້ຝຶກຟັງປະໂຫຍກພາສາ ອັງກິດແລ້ວ ຍັງເປັນການຮຽນຮູ້ວິທີອອກສຽງນຳອີກ ແລະ ກໍບໍ່ໜ້າເບື່ອເຮັດໃຫ້ເຮົາຮຽນຮູ້ໄດ້ດົນຂຶ້ນ.

- Wave100S AD to Website 2020 0 -      7 ວິທີຟັງເພງໃຫ້ເກັ່ງພາສາອັງກິດ
  1. ຫາແຫລ່ງເພງ : YouTube ແລະ Vimeo ພຽງແຕ່ 2 ເວັບໄຊນີ້ກໍມີເພງດີໆໃຫ້ເລືອກຟັງຢ່າງບໍ່ຫວາດບໍ່ໄຫວ ຫລື ຫາກ ຢາກຟັງເພງແບບມ່ວນໆ ຂໍແນະນຳໃຫ້ຮູ້ຈັກກັບ Spotify ໂປຣແກຣມຟັງເພງອອນລາຍປະສົມໂຊຊຽວເນ໊ດເວີກ ຫລື FluentU ເວັບໄຊທີ່ອອກແບບມາເພື່ອສະໜັບສະໜູນການຮຽນພາສາຜ່ານວີດີໂອ ຫລື ເພງໂດຍສະເພາະ.
  2. ເລືອກເພງໃຫ້ເໝາະສົມ : ການເລືອກເພງທີ່ມັກຈະເຮັດໃຫ້ຈົດຈໍ່ຢູ່ກັບການຝຶກໄດ້ດົນຂຶ້ນ ທັງນີ້ກໍໍຄວນເລືອກເພງທີ່ໃຊ້ພາສາບໍ່ງ່າຍ ຫລື ຍາກຈົນເກີນໄປ ແນະນຳວ່າຄວນເລີ່ມຝຶກຈາກເພງປ໊ອບ ເພາະສ່ວນຫລາຍຈະເປັນເພງທີ່ກ່ຽວກັບຄວາມຮັກ, ຄວາມໂຣແມນຕິກ, ໃຊ້ຄຳສັບງ່າຍໆ ຈາກນັ້ນເມື່ອຊຳນານຫລາຍຂຶ້ນ ຈຶ່ງຄ່ອຍແຕກສາຂາໄປຝຶກຈາກເພງປະເພດອື່ນໆທີ່ກ້ວາງຂຶ້ນ.
  3. ຝຶກຢ່າງເປັນຂັ້ນຕອນ : ການອ່ານເນື້ອເພງໄປນຳຈະເຮັດໃຫ້ເຂົາໃຈຄວາມໝາຍຂອງເພງ ແລະ ຈ່ືຈຳຄຳສັບໄດ້ດີຍິ່ງຂຶ້ນ ແຕ່ການຟັງເທື່ອທຳອິດ ຄວນລອງຟັງແບບບໍ່ເບິ່ງເນື້ອໃນເພງກ່ອນ ແລ້ວພະຍາຍາມຂຽນຄຳສັບ ຫລື ປະໂຫຍກເທົ່າທີ່ພໍຈັບໃຈຄວາມໄດ້ອອກມາໃຫ້ໄດ້ຫລາຍທີ່ສຸດ ຈາກນັ້ນຈຶ່ງຄ່ອຍຟັງຊຳ້ໂດຍເປີດເນື້ອເພງໄປນຳ.
  4. ຮ້ອງເພງຕາມເນື້ອທີ່ໄດ້ຍິນ : ເວລາຮ້ອງນຳຂໍໃຫ້ຮ້ອງຢ່າງເຕັມສຽງ ແລະ ເໜັງປາກຢ່າງເຕັມທີ່ເພື່ອເປັນການຝຶກກ້າມຊີ້ນຮີມສົບ ເພາະພາສາອັງກິດມີການໃຊ້ກ້າມຊີ້ນຮີມສົບຫລາຍກ່ວາພາສາລາວ ຝຶກເລື້ອຍໆຈະເຮັດໃຫ້ສຳນຽງເຮົາໃກ້ຄຽງກັບເຈົ້າຂອງພາສາຫລາຍຍິ່ງຂຶ້ນ.
  5. ຮ້ອງເພງຈາກຄວາມຈື່ຈຳ: ເໝາະສຳລັບຄົນທີ່ຝຶກພາສາອັກິດມາໄດ້ໄລຍະໜຶ່ງແລ້ວຈົນຊຳນານໃນລະດັບໜຶ່ງ ເລີ່ມຈື່ຈຳເນື້ອຮ້ອງຂອງບາງເພງໄດ້ແດ່ແລ້ວ ຢູ່ວ່າງໆກໍຝຶກຮ້ອງເພງເປັນພາສາອັງກິດແບບບໍ່ເບິ່ງເນື້ອເພງເບິ່ງຈະຊ່ວຍໃຫ້ເຮົາລຶ້ງກັບການໃຊ້ພາສາອັງກິດໃນຊີວິດປະຈຳວັນຫລາຍຂຶ້ນ.
  6. ຟັງເພງສະຫລັບໄປສະຫລັບມາ : ຈາກຂັ້ນຕອນທີ່ແນະນຳມາທັງໝົດ ບໍ່ຈຳເປັນຕ້ອງເລືອກເພງມາໜຶ່ງເພງແລ້ວກຳນົດໃນການຝຶກເພງນັ້ນຊຳ້ໆຢູ່ແຕ່ເພງດຽວ ໃນຮອບທຳອິດອາດຈະຟັງແບບຜ່ານໆ ແລ້ວເບິ່ງເນື້ອໃນໄປນຳຫລາຍໆເພງກ່ອນ ຈາກນັ້ນຈຶ່ງຄ່ອຍກັບມາຟັງເພງທຳອິດແລ້ວທົບທວນຄຳສັບກໍບໍ່ຜິດກະຕິກາ.
  7. ຟັງເພງໃໝ່ທີ່ລະດັບຍາກຂຶ້ນ : ເພື່ອການຝຶກຝົນທີ່ມີປະສິດທິພາບ ຄວນທ້າທາຍໂຕເອງໂດຍການເລືອກເພງທີ່ລະດັບຍາກຂຶ້ນ ເຊິ່ງຈະເຮັດໃຫ້ເຮົາໄດ້ສຳນວນ ແລະ ຄັງຄຳສັບໃໝ່ໆເພີ່ມຫລາຍຂຶ້ນນຳ ຖ້າບໍ່ຮູ້ວ່າຈະເລືອກເພງຕາມລຳດັບຄວາມຍາກງ່າຍແນວໃດດີ FluentU ສາມາດຊ່ວຍທ່ານໄດ້.
- WhatsApp Image 2020 05 27 at 5 -      7 ວິທີຟັງເພງໃຫ້ເກັ່ງພາສາອັງກິດ
- WhatsApp Image 2020 05 27 at 5 -      7 ວິທີຟັງເພງໃຫ້ເກັ່ງພາສາອັງກິດ
error: Alert: ເນື້ອຫາຂ່າວມີລິຂະສິດ !!