ຂັບຖ່າຍບໍ່ສະດວກສາມາດແກ້ໄຂໄດ້

- 013105 - ຂັບຖ່າຍບໍ່ສະດວກສາມາດແກ້ໄຂໄດ້
- Untitled design - ຂັບຖ່າຍບໍ່ສະດວກສາມາດແກ້ໄຂໄດ້

ການສາມາດຂັບຖ່າຍໄດ້ທຸກມື້ເປັນຜົນດີຕໍ່ສຸຂະພາບ, ແຕ່ຫາກ 2 – 3 ມື້ຈຶ່ງຂັບຖ່າຍເທື່ອໜຶ່ງນັ້ນ ອັນນີ້ຕ້ອງຟ້າວແກ້ໄຂພຶດຕິກຳໂດຍໄວ.

– ວິທີແກ້ໄຂ ດື່ມນຳ້ ແລະ ກິນອາຫານທີ່ມີກາກໄຍ : ຄວນດື່ມນຳ້, ກິນຜັກ – ໝາກໄມ້ສົດ ແລະ ແຫ້ງ ຫລື ອາຫານທີ່ມີກາກໄຍຫລາຍໆ ລວມທັງເຂົ້າກໍ່າ, ເຂົ້າເໝົ້າ, ເຂົ້າໝົມປັງໂຮຫວີດ, ຖົ່ວ, ໝາກອຶ, ໝາກສາລີ ເປັນຕົ້ນ ເຊິ່ງອາຫານເຫລົ່ານີ້ຈະຊ່ວຍເພີ່ມເສັ້ນໄຍຊ່ວຍໃນການຂັບຖ່າຍໄດ້.

– ບໍ່ຄວນຟ້າວຟັ່ງໃນຂະນະທີ່ກິນອາຫານ : ຄວນຫຍຳ້ອາຫານໃຫ້ແຫລກ ຫລື ກິນໝາກຫຸ່ງສຸກກ່ອນອາຫານ ແລະ ດື່ມນຳ້ຕາມຫລັງຫລາຍໆ ເຊິ່ງນັກທຳມະຊາດບຳບັດເຊື່ອວ່າການກິນອາຫານຈາກທຳມະຊາດເປັນວິທີທີ່ດີກ່ວາ ເຊິ່ງອາດເຮັດໄດ້ໂດຍການກິນເຂົ້າກໍ່າ, ເຂົ້າເໝົ້າເສີມ ໂດຍກິນເສີມກັບອາຫານຫລັກ.

– ອອກກຳລັງກາຍສະໝໍ່າສະເໝີ : ເພື່ອກະຕຸ້ນການເຮັດວຽກຂອງກະເພາະອາຫານ ເຊິ່ງຈະຊ່ວຍໃຫ້ລຳໄສ້ເຄື່ອນໄຫວດີຂຶ້ນ.

– ຢ່າກັ້ນອາຈົມ : ຄວນເຂົ້າຫ້ອງນຳ້ທຸກເທື່ອທີ່ຮູ້ສຶກປວດ ຫລື ຫລັງຈາກທີ່ກິນເຂົ້າເຊົ້າທີ່ເປັນທັນຍາພືດ ໂດຍພະຍາຍາມນັ່ງຖ່າຍຢ່າງຜ່ອນຄາຍ ປະມານ 10 ນາທີ ຫລື ຝຶກຈົນກາຍເປັນນິໄສການຂັບຖ່າຍເປັນເວລາໃຫ້ໂຕເອງ.

– ໝາກໄມ້ທີ່ຊ່ວຍໃນການຂັບຖ່າຍ : ໝາກແອັບເປິ້ນ ມີສານແພັກຕິນຊ່ວຍໃນການເພີ່ມກາກໄຍໃຫ້ກັບທາງເດີນອາຫານ ເຮັດໃຫ້ອະໄວຍະວະຕ່າງໆໃນລະບົບທາງເດີນອາຫານເຮັດວຽກໄດ້ເປັນປົກກະຕິ ເຊິ່ງຈະເພີ່ມປະສິດທິພາບໃນການຂັບຖ່າຍໃຫ້ເປັນປົກກະຕິ ທັງຍັງຊ່ວຍປ້ອງກັນມະເຮັງລຳໄສ້ໄດ້ນຳອີກ ປະໂຫຍດສຳຄັນອີກຢ່າງໜຶ່ງແມ່ນປ້ອງກັນບໍ່ໃຫ້ຮ່າງກາຍຈັບດູດຊຶມຄລໍເຣສເຕີໂຣນ ເຮັດໃຫ້ຄລໍເລສເຕີໂຣນບໍ່ສູງ ແລະ ເປັນການປ້ອງກັນພະຍາດຄວາມດັນເລືອດໄປໃນໂຕ.

- Wave100S AD to Website 2020 0 - ຂັບຖ່າຍບໍ່ສະດວກສາມາດແກ້ໄຂໄດ້

– ໝາກຫຸ່ງ : ມີວິຕາມິນ ແລະ ແຮ່ທາດທີ່ດີຕໍ່ຮ່າງກາຍ ມີສັບພະຄຸນຊ່ວຍໃນການຂັບຖ່າຍ ເປັນຢາລະບາຍອ່ອນໆ ກິນໄດ້ທັງໝາກຫຸ່ງສຸກ ແລະ ໝາກຫຸ່ງດິບ, ແຕ່ຂໍແນະນຳວ່າບໍ່ຄວນກິນຕິດຕໍ່ກັນເປັນເວລາດົນໂດຍສະເພາະໝາກຫຸ່ງສຸກ ເພາະຈະເຮັດໃຫ້ຜິວໜັງຂອງທ່ານເຫລືອງຂຶ້ນໄດ້.

– ໝາກກ້ວຍ : ມີໂປຕັສຊຽມດີຕໍ່ເລື່ອງຄວາມດັນເລືອດ ແລະ ປ້ອງກັນເສັ້ນເລືອດຝອຍແຕກ, ມີກາກໄຍ ແລະ ສານອາຫານຊ່ວຍໃນການຂັບຖ່າຍ, ຫລຸດບັນຫາຍື່ງທ້ອງ ທັງຊ່ວຍປັບຄວາມດຸ່ນດ່ຽງການຂັບຖ່າຍໃຫ້ເປັນປົກກະຕິໄດ້.

– ໝາກກ້ຽງ : ນອກຈາກຈະມີວິຕາມິນເຊຫລາຍຊ່ວຍບຳລຸງຮ່າງກາຍ ແລະ ຜິວໜັງແລ້ວ ກາກໄຍຈາກໝາກກ້ຽງເປັນສ່ວນສຳຄັນທີ່ຊ່ວຍເຮັດໃຫ້ກະເພາະອາຫານ ແລະ ລຳໄສ້ເຄື່ອນໂຕໄດ້ດີ, ລະບົບຍ່ອຍສາມາດເຮັດວຽກໄດ້ຢ່າງມີປະສິດທິພາບ, ຫລຸດອາການຍື່ງທ້ອງຈາກອາຫານບໍ່ຍ່ອຍ ແລະ ກາກໄຍເຫລົ່ານີ້ຍັງຊ່ວຍເລື່ອງລະບົບຂັບຖ່າຍໃຫ້ສະດວກຂຶ້ນຕື່ມ.

– ໝາກມ່ວງສຸກ : ມີສານຕ້ານອະນຸມູນອິດສະລະ ແລະ ຍັງມີວິຕາມິນອາທີ່ຊ່ວຍບຳລຸງສາຍຕາ, ມີເບຕ້າແຄໂຣທີນ ເປັນຕົ້ນ. ໝາກມ່ວງສຸກຊ່ວຍໃຫ້ອາຈົມແຫລວ ຫລື ອ່ອນຍິ່ງຂຶ້ນ ຫລຸດອາການເຈັບຈາກການຂັບຖ່າຍຂອງຜູ້ທີ່ມີອາການຖ່າຍຍາກ ເຮັດໃຫ້ຖ່າຍສະດວກຂຶ້ນ ແຕ່ໝາກມ່ວງສຸກມີນຳ້ຕານອ່າວຫລາຍຈຶ່ງຄວນກິນພໍດີພໍງາມ ເພື່ອປ້ອງກັນບັນຫານຳ້ໜັກທີ່ອາດຈະເພີ່ມຂຶ້ນໄດ້.

- WhatsApp Image 2020 05 27 at 5 - ຂັບຖ່າຍບໍ່ສະດວກສາມາດແກ້ໄຂໄດ້
- WhatsApp Image 2020 05 27 at 5 - ຂັບຖ່າຍບໍ່ສະດວກສາມາດແກ້ໄຂໄດ້
error: Alert: ເນື້ອຫາຂ່າວມີລິຂະສິດ !!