ການຄ້າປະເວນີມີລັກສະນະເປີດແປນຂຶ້ນ

ການຄ້າປະເວນີມີລັກສະນະເປີດແປນຂຶ້ນ - 58 1 - ການຄ້າປະເວນີມີລັກສະນະເປີດແປນຂຶ້ນ
ການຄ້າປະເວນີມີລັກສະນະເປີດແປນຂຶ້ນ - Untitled design - ການຄ້າປະເວນີມີລັກສະນະເປີດແປນຂຶ້ນ

ທ່ານ ພັນໂທ ສຸສິວັນ ລາດຊະວົງ ຫົວໜ້າຫ້ອງຕຳຫຼວດ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໃຫ້ຮູ້ວ່າ: ປັດຈຸບັນ ການຄ້າປະເວນີ ຢູ່ນະຄອນຫລວງວຽງຈັນ ມີລັກສະນະເປີດແປນຫລາຍຂຶ້ນຄື: ໃນປີຜ່ານມາ, ເຈົ້າໜ້າທີ່ໄດ້ລົງເກັບກຳສະຖິຕິບັນດາໂຮງແຮມຕ່າງໆ. ຈຳນວນ 250 ແຫ່ງ ໃນນີ້ພົບເຫັນ 18 ແຫ່ງ ແມ່ນມີການຄ້າ-ຂາຍປະເວນີ, ຮ້ານເສີມສວຍ-ກາເຟ ຈໍານວນ 888 ຮ້ານ ພົບເຫັນ 2 ຮ້ານ ແມ່ນມີການຄ້າຂາຍປະເວນີ, ເຮືອນພັກ 262 ຫຼັງ ພົບເຫັນ 2 ຫລັງ ແມ່ນມີການຄ້າ-ຂາຍປະເວນີ,ຮ້ານອາຫານ-ຮ້ານກິນດື່ມ ຈຳນວນ 918 ຮ້ານ ພົບເຫັນ 84 ຮ້ານ ແມ່ນມີການຄ້າ-ຂາຍປະເວນີ, ຮ້ານຄາລາໂອເກະ ຈໍານວນ 107 ຮ້ານ ພົບເຫັນ 3 ຮ້ານແມ່ນມີການຄ້າ-ຂາຍປະເວນີ ແລະ ມີພື້ນທີ່ສັບສົນຫຼໍ່ແຫລມອີກ 11 ຈຸດ,ພ້ອມໄດ້ນຳຕົວຜູ້ຄ້າປະເວນີ ມາສຶກສາອົບຮົມ ແລະ ເຮັດບົດບັນທຶກ ຈຳນວນ 84 ຄົນ ແລະ ຜູ້ຂາຍປະເວນີ 554 ຄົນ; ໃນນີ້ມີຄົນຕ່າງປະເທດ 12 ຄົນ.

ຫົວໜ້າຫ້ອງຕຳຫຼວດດັ່ງກ່າວ ໃຫ້ຮູ້ອີກວ່າ: ຕໍ່ການປະຕິບັດໜ້າທີ່ຜ່ານມາ ແມ່ນພົບຄວາມຫຍຸ້ງຍາກບາງດ້ານຄື: ພະນັກງານວິຊາການບໍ່ພຽງພໍກັບຄວາມຮຽກຮ້ອງຕ້ອງການ ຂອງໜ້າທີ່ວຽກງານຈຳນວນໜື່ງ ຍັງຂາດປະສົບການ ອຸປະກອນ, ທຶນຮອນ ແລະ ເຄື່ອງມືຮັບໃຊ້ວຽກງານວິຊາສະເພາະ ຍັງບໍ່ທັນຕອບສະໜອງ, ເວົ້າລວມແລ້ວ ການແກ້ໄຂບັນຫາການຄ້າປະເວນີ, ປັດຈຸບັນ ແມ່ນມີຄວາມຫຍຸ້ງຍາກ, ເນື່ອງຈາກມີກຸ່ມຄົນບໍ່ດີທີ່ຈະສວຍໂອກາດ, ອຳນວຍຄວາມສະດວກ ເອົາສະຖານທີ່ບໍລິການຕ່າງໆເປັນບ່ອນຄ້າປະເວນີ, ໃນນີ້ສ່ວນໃຫຍ່ແມ່ນແມ່ຍິງທີ່ບໍ່ມີວຽກເຮັດງານທຳ ມາຈາກຊົນນະບົດ ໄດ້ເຂົ້າມາເຮັດວຽກບໍລິການຄ້າປະເວນີຕາມສະຖານບັນເທີງ, ໂຮງແຮມ ແລະ ອື່ນໆ, ຊຶ່ງພວກເຂົາຈະເຮັດເປັນຂະບວນການ ແລະ ມີນາຍໜ້າຕິດຕໍ່ຊື້ຂາຍບໍລິການ, ເຊິ່ງຍາກຕໍ່ການປາບປາມ ທັງຍັງມີປະກົດການຄ້າມະນຸດເກີດຂຶ້ນ.

ແນວໃດກໍຕາມ, ໃນປີນີ້, ໄດ້ເນັ້ນໃຫ້ພະແນກຕ້ານການຄ້າມະນຸດ ກໍຄືຫ້ອງຕຳຫຼວດ ນະຄອນຫຼວງສຸມໃສ່ 8 ວຽກ ເພື່ອສະກັດກັ້ນ ແລະ ຕ້ານປະກົດການດັ່ງກ່າວໃຫ້ ຫຼຸດໜ້ອຍຖອຍລົງຄື: ສຸມໃສ່ວຽກງານເກັບກໍາສະຖິຕິເປົ້າໝາຍຄ້າມະນຸດ ຄ້າ-ຂາຍປະເວນີ ແລະ ອາດຊະຍາກຳອື່ນໆ ຕາມໂຮງແຮມ, ເຮືອນພັກ, ຮ້ານອົບນວດ, ຮ້ານຄາລາໂອເກະ, ຮ້ານເສີມສວຍ, ຈຸດຫຼ່ໍແຫຼມພື້ນທີ່ສັບສົນໃຫ້ລະອຽດຊັດເຈນ ໃນການຕິດຕາມ ແລະ ຄຸ້ມຄອງເປົ້າໝາຍດັ່ງກ່າວ. ໂຄສະນາປູກຈິດສຳນຶກໃຫ້ປະຊາຊົນ, ພະນັກງານລັດຖະກອນ, ນັກຮຽນ, ນັກສຶກສາ ຮັບຮູ້ລະບຽບກົດໝາຍ ແລະ ຜົນຮ້າຍ ຂອງການຄ້າມະນຸດຢ່າງທົ່ວເຖິງ. ສຸມໃສ່ການດໍາເນີນຄະດີທີ່ຍັງຄ້າງຄາໃຫ້ສໍາເລັດ, ປະຕິບັດໜ້າທີ່ຕາມພາລະບົດບາດ ເຮັດຕາມຫຼັກການລວມສູນປະຊາທິປະໄຕ ຮັບປະກັນສາມດ້ານເປັນຕົ້ນ ດ້ານການເມືອງ, ກົດໝາຍ ແລະ ວິຊາສະເພາະ, ຮັບປະກັນໄດ້ຄວາມຍຸຕິທຳ ເພື່ອປົກປ້ອງຜູ້ຖືກເຄາະຮ້າຍ ຕາມສິດ ແລະ ນຳຜູ້ກະທຳຜິດມາລົງໂທດຕາມກົດໝາຍ. ເອົາໃຈໃສ່ຜັນຂະຫຍາຍຄຳສັ່ງເລກທີ 245/ນຍ ລົງສູ່ແຕ່ລະເມືອງ ໃຫ້ທົ່ວເຖິງ ໂດຍສະເພາະແມ່ນການແຕ່ງຕັ້ງຄະນະກຳມະການຕ້ານການຄ້າມະນຸດ.ສຸມໃສ່ເຮັດວຽກງານຕິດຕາມກວດກາຄົນເຂົ້າ-ອອກຜ່ານແດນຕ່າງໆໃນນະຄອນຫຼວງວຽງຈັນ. ປະສານສົມທົບຢ່າງກົມກຽວ ກັບພາກສ່ວນກຽວຂ້ອງ ເຮັດໜ້າທີ່ຊ່ວຍເຫຼືອຜູ້ຖືກເຄາະຮ້າຍ ໃຫ້ທັນເວລາ ແລະ ມີຄວາມປອດໄພ,ເຮັດວຽກງານສຶກສາອົບຮົມ ຜູ້ທີ່ມີຄວາມສ່ຽງທີ່ຈະຕົກເປັນເຫຍື່ອການຄ້າມະນຸດ ໃຫ້ຮັບຮູ້-ເຂົ້າໃຈກ່ຽວກັບຜົນຮ້າຍ ຂອງການຄ້າມະນຸດ ໂດຍສະເພາະແມ່ນກຸ່ມສ່ຽງທີ່ພວມຈະອອກເດີນທາງ ໄປອອກແຮງງານຢູ່ຕ່າງປະເທດໃຫ້ທົ່ວເຖິງ.

ການຄ້າປະເວນີມີລັກສະນະເປີດແປນຂຶ້ນ - Wave100S AD to Website 2020 0 - ການຄ້າປະເວນີມີລັກສະນະເປີດແປນຂຶ້ນ
ການຄ້າປະເວນີມີລັກສະນະເປີດແປນຂຶ້ນ - WhatsApp Image 2020 05 27 at 5 - ການຄ້າປະເວນີມີລັກສະນະເປີດແປນຂຶ້ນ
ການຄ້າປະເວນີມີລັກສະນະເປີດແປນຂຶ້ນ - WhatsApp Image 2020 05 27 at 5 - ການຄ້າປະເວນີມີລັກສະນະເປີດແປນຂຶ້ນ
error: Alert: ເນື້ອຫາຂ່າວມີລິຂະສິດ !!