​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%

​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11% - 54 1 - ​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%
​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11% - Untitled design - ​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%

ໃນ​ໄລຍະ 5 ປີ ຜ່ານ​ມາ (2016-2020) ຂະ​ແໜງ​ພະລັງງານ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ 11% ​ເຊິ່ງມີ​ມູນ​ຄ່າ​ການ​ຜະລິດປະມານ 130 ພັນກວ່າຕື້​ກີບ, ທຽບ​ໃສ່ 5 ປີ (2011-2015) ​ເພື່ອ​ຂຶ້ນ 35%, ​ໃນ​ນັ້ນ, ຂະ​ແໜງພະລັງງານ​ເພີ່ມ​ຂຶ້ນ 154% ​ແລະ ຂະ​ແໜງບໍ່​ແຮ່ ຫຼຸດ​ລົງ 18,69% ຄື: ປະກອບສ່ວນ​ຢູ່​ໃນ​ໂຄງ​ປະກອບ​ລວມຍອດຜະລິດ​ຕະພັນ​ພາຍ​ໃນ​ແຫ່ງ​ຊາດ (ມີ​ສັດສ່ວນ​ເພີ່ມ​ຂຶ້ນ ​ໃນ​ປີ 2016 ກວມ 15,2% ຂອງ GDP ປີ 2017 ກວມ17,1% ຂອງ GDP ປີ 2018 ກວມ 16,9% ຂອງ GDP ປີ 2019 ກວມ 16,3% ແລະ ຄາດ​ວ່າ​ໃນ​ປີ 2020 ຈະ​ກວມ 16,4% ຂອງ GDP.

​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11% - 51f4a94a 45ef 4a38 91f1 d0b567e9c331 1024x678 - ​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%

ທ່ານ ຄຳ​ມະນີອິນ​ທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່ ໃຫ້ຮູ້ໃນກອງປະຊຸມເປີດກວ້າງ ສະຫລຸບ​ຕີ​ລາຄາ ການຈັດ​ຕັ້ງ​ປະຕິບັດ ​ແຜນ​ພັດທະນາພະລັງງານ ​ແລະ ບໍ່​ແຮ່ ​ໃນ​ໄລຍະ 5 ປີຄັ້ງ​ທີ VIII (2016-2020) ​ແລະ ວາງທິດ​ທາງ​ແຜນການ​ພັດທະນາ 5 ປີຄັ້ງ​ທີ IX, ທີ່ໄດ້ຈັດຂຶ້ນ​ໃນ​​ວັນ​ທີ 4-5 ກຸມພາ ນີ້, ຢູ່ຫໍປະຊຸມແຫ່ງຊາດ ນະຄອນຫລວງ​ວຽງຈັນ​ວ່າ: ​ປັດຈຸຸບັນທົ່ວປະເທດ ມີແຫລ່ງຜະລິດ​ໄຟຟ້າ​ແລ້ວ​ 78 ​ແຫ່ງ, ມີ​ກຳລັງ​ຕິດ​ຕັ້ງ​ທັງ​ໝົດ 9.972 ​ເມັກ​ກາ​ວັດ, ສາມາດ​ຜະລິດ​ພະລັງງານ​ໄຟຟ້າ​ໄດ້​ເຖິງ  52.211 ລ້ານກິໂລ​ວັດ​ໂມງ​ຕໍ່​ປີ, ໃນນັ້ນມີໂຄງການໄຟຟ້າຖ່ານຫີນ 1 ແຫ່ງ, ໂຄງການພະລັງງານໄຟຟ້າຊີວະມວນ 4 ແຫ່ງ, ໂຄງການໄຟຟ້າແສງຕາເວັນ 5 ແຫ່ງ ​ແລະ ​ໂຄງການ​ພະລັງງານ​ລົມ 4 ​ແຫ່ງ. ຄຽງຄູ່ກັນນີ້, ການພັດທະນາລະບົບສາຍສົ່ງ ກໍໄດ້ດໍາເນີນໄປຢ່າງແຂງແຮງ, ມາຮອດປັດຈຸບັນນີ້, ທົ່ວປະເທດມີລະບົບສາຍສົ່ງແຮງສູງ, ​ແຮງ​ກາງ ​ແລະ ​ແຮງ​ຕໍ່າຍາວທັງໝົດ 65.563 ກວ່າກິໂລແມັດ, ມີສະຖານີຈ່າຍໄຟຟ້າ 71 ແຫ່ງ, ສໍາລັບ​ການສົ່ງອອກໄປຈໍາໜ່າຍຕ່າງປະເທດສາມາດບັນລຸໄດ້ແລ້ວ 6.457 ​ເມັກ​ກາ​ວັດ, ໃນນັ້ນມີ ໄທ, ຫວຽດນາມ, ມຽນມ້າ ແລະ ໃນ​ກຸ່ມ​ປະ​ເທດ​ອາ​ຊຽນ ​ເຊິ່ງລາວ​ແມ່ນ​ປະ​ເທດທຳ​ອິດ​ທີ່​ໄດ້​ລິ​ເລີ່ມ ສົ່ງ​ຂາຍ​ໄຟຟ້າ​ແບບ​ເຊື່ອມ​ໂຍງ​ໃນ​ກຸ່ມ​ປະ​ເທດ ອາ​ຊຽນ ຫຼື ການເຊື່ອມໂຍງກັບພາກພື້ນ. ພ້ອມ​ຍັງໄດ້ສືບ​ຕໍ່​ເຈລະຈາ​ຊື້-​ຂາຍ ແລະ ເຊື່ອມໂຍງໄປສິງກະ​ໂປ ແລະ ໄດ້ອະ​ນຸ​ຍາດ​ ໃຫ້​ບໍລິ​ສັດ​ລົງ​ທຶນໃນກິດຈະການທໍລະນີສາດ ແລະ ບໍ່ແຮ່ ແລ້ວ​ທັງ​ໝົດ 193 ບໍລິສັດ.ໃນນັ້ນ, ປະຕິບັດວຽກງານຊອກຄົ້ນ ແລະ ສໍາຫລວດແຮ່ທາດ 69 ບໍລິສັດ, ສຶກສາຄວາມເປັນໄປໄດ້ ທາງດ້ານເສດຖະກິດ-ເຕັກນິກ 43 ບໍລິສັດ ແລະ ດໍາເນີນການຂຸດຄົ້ນແຮ່ທາດແລ້ວ 81 ບໍລິສັດ. ພ້ອມນີ້, ວຽກງານພະລັງງານ ແລະ ບໍ່ແຮ່ ໄດ້ເປັນ​ຜູ້​ເຮັດບົດບາດທີ່​ສຳຄັນ ​ແລະ​ ມີ​ລັກສະນະ​ເປັນ​ພື້ນຖານ​ໃນ​ການ​ພັດທະນາ​ ເສດຖະກິດ-ສັງຄົມ​ຂອງຊາດ​​, ຜົນສຳເລັດ​ດັ່ງກ່າວ ​​ໄດ້​ສ້າງ​ພື້ນຖານ​ທີ່​ສຳຄັນ​ໃຫ້​ແກ່​ ການ​​ຫັນ​ຈາກ​ເສດຖະກິດ​ທຳ​ມະ​ຊາດ​ໄປ​ສູ່ເປັນ​ເສດຖະກິດ​ຜະລິດ​ເປັນສິນຄ້າ, ການ​ຫັນປ່ຽນ​ແບບ​ວິທີ​ການ​ຜະລິດ, ການ​ດຳລົງ​ຊີວິດ ​ແລະ ການ​ແກ້​ໄຂ​ຄວາມທຸກ​ຍາກ​​ ຂອງ​ປະຊາຊົນບັນດາ​ເຜົ່າ​ຢ່າງ​ຕັ້ງໜ້າ.

​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11% - Wave100S AD to Website 2020 0 - ​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%
​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11% - 722250fc 76d4 41fc b3c0 3ac993aa7337 1024x678 - ​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%

ທ່ານ ຄຳ​ມະນີ ອິນ​ທິລາດ ໃຫ້ຮູ້ອີກວ່າ: ແຜນພັດທະນາວຽກງານພະລັງງານ ແລະ ບໍ່ແຮ່ ​ໃນໄລຍະ 5 ປີຄັ້ງທີ VIII (2016-2020) ໄດ້ກຳນົດທິດທາງ ແລະ ເປົ້າໝາຍ ໃນການພັດທະນາຕາມທິດຫັນເປັນອຸດສາຫະກຳ ແລະ ທັນສະໄໝ, ຂຸດຄົ້ນທຸກກຳລັງແຮງບົ່ມຊ້ອນ ຂອງປະເທດຊາດ, ສຸມໃສ່ພັດທະນາອຸດສາຫະກຳ ພະລັງງານໄຟຟ້າ ແລະ ບໍ່ແຮ່ ໃຫ້ເຂົ້າສູ່ລວງເລິກ, ສົ່ງເສີມຫົວໜ່ວຍເສດຖະກິດແຫ່ງຊາດ ໃຫ້ເຂັ້ມແຂງຕາມທິດຜະລິດພະລັງງານ ແລະ ຂຸດຄົ້ນແຮ່ທາດທີ່ສະອາດ, ມີປະສິດທິຜົນ, ເປັນມິດກັບສິ່ງແວດລ້ອມ, ຂະຫຍາຍຕົວແບບໜັກແໜ້ນ, ຕໍ່ເນື່ອງ ແລະ ຍືນຍົງ ສຸມໃສ່ພັດທະນາແຫລ່ງໄຟຟ້ານໍ້າຕົກ ແລະ ຂຸດຄົ້ນແຮ່ທາດທີ່ເປັນທ່າແຮງເປັນຫລັກ, ພາຍໃຕ້ເງື່ອນໄຂຂອງຄວາມສາມາດແຂ່ງຂັນ ແລະ ຄວາມຕ້ອງການ ຂອງຕະຫລາດພະລັງງານໄຟຟ້າ ແລະ ແຮ່ທາດ; ສ້າງເງື່ອນໄຂຂະຫຍາຍການເຊື່ອມໂຍງກັບພາກພື້ນໃຫ້ຫຼາຍຂຶ້ນ.

​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11% - WhatsApp Image 2020 05 27 at 5 - ​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%
​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11% - WhatsApp Image 2020 05 27 at 5 - ​ຂະ​ແໜງ​ພະລັງງານ​ ​ແລະ ບໍ່​ແຮ່ ມີ​ອັດຕາ​ການ​ເຕີບ​ໂຕ​ເພີ່ມ​ຂຶ້ນ 11%
error: Alert: ເນື້ອຫາຂ່າວມີລິຂະສິດ !!