ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ

ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ - 57 - ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ
ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ - Untitled design - ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ

    ໃນໄລຍະທີ່ຫຼາຍປະເທດກຳລັງເຝົ້າລະວັງການລະບາດຂອງເຊື້ອພະຍາດອັກ​ເສບ​ປອດ​ຈາກໄວຣັສສາຍພັນໃໝ່ ​ແລະ ຢູ່​ລາວ​ເຮົາ​ກໍມີນັກທ່ອງທ່ຽວຈາກປະເທດຈີນກຸ່ມໜຶ່ງທີ່ເດີນທາງມາ ໂດຍຜ່ານສາຍການບິນຕົງມາເຖິງນະຄອນຫຼວງວຽງຈັນ ແລະ ໄດ້ໄປທ່ອງທ່ຽວຫຼາຍແຫ່ງໃນນະຄອນຫຼວງວຽງຈັນ, ເມືອງວັງວຽງ ແຂວງວຽງຈັນ ແລະ ນະຄອນຫຼວງພະບາງ ເມື່ອກັບປະເທດ ໄດ້ມີການກວດພົບການຕິດເຊື້ອໄວຣັສຮ້າ​ຍດັ່ງກ່າວ. ຈາກນັ້ນ ສະຖານກົງສູນໃຫຍ່ ສປ ຈີນ ປະຈຳພາກເໜືອ ແຂວງຫຼວງພະບາງ ໄດ້ອອກແຈ້ງການໃຫ້ທຸກພາກສ່ວນເຝົ້າລະວັງຄວາມສ່ຽງທີ່ຈະເກີດການແຜ່ເຊື້ອພະຍາດສາຍພັນໃໝ່ນີ້. ດັ່ງທ່ານ ຄຳສອນ ພົງສະຫວັດດີ ຫົວໜ້າພະແນກສາທາລະນະສຸກແຂວງ ໄດ້ໃຫ້ສຳພາດໃນຕອນແລງຂອງວັນທີ 3 ກຸມພານີ້ີ້ວ່າ: ນັກທ່ອງທ່ຽວທີ່ຕິດເຊື້ອພະຍາດດັ່ງກ່າວ​ທີ່ໄດ້ເດີນທາງມາຮອດລາວໃນວັນທີ 26 ມັງກອນ ແລະເດີນທາງກັບປະເທດວັນທີ 31 ມັງກອນ 2020 ພາຍຫຼັງກັບປະເທດ ຜູ້ກ່ຽວໄດ້ເຂົ້າຮັບການກວດສຸຂະພາບ ແລະ ຜົນກວດພົບວ່າຕິດເຊື້ອພະຍາດຈາກ​ໄວຣັສໂຄໂຣນາ, ສ່ວນໄລຍະທີ່ນັກທ່ອງທ່ຽວຕິດເຊື້ອດັ່ງກ່າວ​ໃນ​ໄລຍະຢູ່ລາວແມ່ນຢູ່ໃນໄລຍະພະຍາດບົ່ມເຊື້ອ ຍັງບໍ່ທັນເປັນໄລຍະແຜ່ເຊື້ອ ແລະ ປັດຈຸບັນທຸກໂຮງໝໍພາຍໃນແຂວງຫຼວງພະບາງຍັງບໍ່ມີການລາຍງານຕົວເລກຜູ້ຕິດເຊື້ອ ແຕ່ຍັງມີການເຝົ້າລະວັງຢ່າງໃກ້ຊິດຕໍ່​ໄປ.

       ຫົວໜ້າພະແນກສາທາລະນະສຸກແຂວງ ໃຫ້ຮູ້ຕື່ມວ່າ: ເພື່ອເປັນການເຝົ້າລະວັງການລະບາດຂອງເຊື້ອພະຍາດສາຍພັນໃໝ່ນີ້ ສະຖານກົງສູນໃຫຍ່ ສປ ຈີນ ປະຈຳພາກເໜືອ ແຂວງຫຼວງພະບາງ ໄດ້ອອກແຈ້ງການໃຫ້ພາກສ່ວນກ່ຽວຂ້ອງໃຫ້ເກັບກຳຂໍ້ມູນ ແລະ ກວດກາສະຖານທີ່ທ່ອງທ່ຽວທີ່​ຜູ້ຕິດເຊື້ອດັ່ງກ່າວໄດ້ໄປທ່ອງທ່ຽວ, ອາໄສຢູ່ ແລະ ໃຊ້ບໍລິການ ເພື່ອວາງມາດຕະການປ້ອງກັນ ແລະ ຄວບຄຸມໃຫ້ທັນເວລາ, ພ້ອມນີ້ ພະແນກສາທາລະນະສຸກແຂວງ ໄດ້ອອກແຈ້ງການໃຫ້ປະຊາຊົນ ຕະຫຼອດເຖິງນັກທ່ອງທ່ຽວທັງພາຍໃນ ແລະ ຕ່າງປະເທດທີ່ອາໄສຢູ່ແຂວງຫຼວງພະບາງ ພ້ອມກັນປະຕິບັດຫຼັກການອະນາໄມຕາມຫຼັກການຂອງຂະແໜງສາທາລະນະສຸກໃຫ້ເຂັ້ມງວດ ເພື່ອປ້ອງກັນການຕິດເຊື້ອພະຍາດອັກ​ເສບ​ປອດ​ຮ້າຍ​ແຮງ​ນີ້ທີ່ອາດຈະເກີດຂຶ້ນ.

ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ - Wave100S AD to Website 2020 0 - ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ
ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ - WhatsApp Image 2020 05 27 at 5 - ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ
ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ - WhatsApp Image 2020 05 27 at 5 - ແຂວງຫຼວງພະບາງຍັງບໍ່ພົບຜູ້ຕິດເຊື້ອ​ໄວຣັສໂຄໂຣນາ
error: Alert: ເນື້ອຫາຂ່າວມີລິຂະສິດ !!