ຮອງນາຍົກສອນໄຊສີພັນດອນແນະນໍາໄອຍະການຕ້ອງຍົກສູງການປະຕິບັດກົດໝາຍໃຫ້ເຂັ້ມງວດ

- 580 - ຮອງນາຍົກສອນໄຊສີພັນດອນແນະນໍາໄອຍະການຕ້ອງຍົກສູງການປະຕິບັດກົດໝາຍໃຫ້ເຂັ້ມງວດ
- Untitled design - ຮອງນາຍົກສອນໄຊສີພັນດອນແນະນໍາໄອຍະການຕ້ອງຍົກສູງການປະຕິບັດກົດໝາຍໃຫ້ເຂັ້ມງວດ

ໃນໂອກາດໂອ້ລົມກອງ​ປະຊຸມ​ວຽກ​ງານ​ໄອ​ຍະ​ການ​ປະຊາຊົນ​ທົ່ວ​ປະ​ເທດ ​ແລະວຽກ​ງານ​ອະ​ໄພ​ຍະ​ໂທດ​ປະຈຳ​ປີ 2019 ເມື່ອບໍ່ດົນມານີ້,​ ທ່ານສອນໄຊສີພັນດອນຮອງນາຍົກລັດຖະມົນຕີ, ທັງເປັນປະທານ​ຄະນະ​ກຳມະການ​ອະໄພ​ຍະ​ໂທດ​ລະດັບ​ຊາດ, ໄດ້ແນະນໍາໃຫ້ພະນັກງານອົງການໄອຍະການທຸກຂັ້ນແຕ່ສູນກາງລົງຮອດທ້ອງຖິ່ນເອົາໃຈໃສ່ຍົກສູງຄວາມເປັນແບບຢ່າງໃນການປະຕິບັດລະບຽບກົດໝາຍໃຫ້ດີຂຶ້ນ, ເພື່ອເປັນພື້ນຖານໃຫ້ແກ່ອົງການສານປະຊາຊົນຕັດສີນຄະດີຖືກຕ້ອງແລະເປັນທໍາ, ​ເພີ່ມ​ທະວີ​ກາ​ນສຶກສາ​ອົບຮົມ​ການ​ເມືອງ-​​ແນວ​ຄິດ, ຈັດຕັ້ງ​ເຊື່ອມ​ຊຶມ​ລັດຖະບັນຍັດ, ​ແນວທາງ​ນະ​ໂຍບາຍ ​ແລະບັນດາ​ເອກະສານ​ຕ່າງໆ​ທີ່​ກ່ຽວຂ້ອງ​ກັບ​ການ​ອະ​ໄພ​ຍະ​ໂທດ ​ເພື່ອ​ໃຫ້​ເຫັນ​ໄດ້​ຄວາມ​ສຳຄັນ ​ແລະ ​ເພີ່ມ​ທະວີ​ຄວາມ​ຮັບຜິດຊອບ​ຕໍ່ໜ້າ​ທີ່​ວຽກ​ງານ​ຂອງ​ຄະນະ​ກຳມະການ​ອະ​ໄພ​ຍະ​ໂທດ​ແຕ່​ລະ​ລະດັບ ​ແລະ ວຽກງານ​ອື່ນໆ​ທີ່​ກ່ຽວຂ້ອງ​ໃຫ້​ສູງ​ຂຶ້ນ ແລະ ເອົາໃຈໃສ່​ເຜີຍ​ແຜ່​ລັດຖະບັນຍັດ, ​ເອກະສານ​ຕ່າງໆ​ໃຫ້​ແກ່​ບັນດາ​ເປົ້າໝາຍ​ໃນ​ທົ່ວ​ສັງຄົມ​ດ້ວຍ​ຫລາ​ຍຮູບ​ການນັບ​ທັງ​ນັກ​ໂທດຕະຫລອດ​ຮອດ​ຄອບຄົວ-ຍາດ​ພີ່ນ້ອງ​ຂອງ​ເຂົາ​ເຈົ້າ​ໄດ້​ຮັບ​ຮູ້​ເຂົ້າ​ໃຈ​ເລິກ​ເຊິ່ງ ​ແລະທົ່ວ​ເຖິງ, ສືບຕໍ່​ສຸມ​ໃສ່​ປັບປຸງ​​ກົງຈັກ​ການຈັດຕັ້ງ ແລະກໍ່ສ້າງ​ພັກ​-​ພະນັກງານ, ເອົາໃຈ​ໃສຍົກສູງຄຸນ​ທາດ​ການເມືອງ​​ໃຫ້​ມີຄວາມຮັບ​ຮູ້​ເຂົ້າໃຈຕໍ່​ແນວທາງ​ນະໂຍບາຍ​ຂອງ​ພັກ, ລະບຽບກົດ​ໝາຍ​ຂອງ​ລັດ ເພື່ອ​ເຮັດໃຫ້ວຽກ​ງານ​ໄອຍະ​ການມີ​ການ​ຫັນປ່ຽນ ແລະ ພັດທະນາສູ່​ຄຸນ​ນະ​ພາບ​ໃໝ່, ເພີ່ມ​ທະວີ​ການ​ຕິດຕາມ​ກວດກາການ​ປະຕິບັດ​ກົດໝາຍຢູ່​ໃນ​ກົງຈັກ​ລັດແຕ່​ລະ​ຂັ້ນໃຫ້​ແຂງແຮງ​ຂຶ້ນ​ກວ່າ​ເກົ່າ,ເປັນຕົ້ນ​ແມ່ນ ຕິດຕາມ​ກວດກາ​ການ​ປະຕິບັດ ກົດໝາຍຂອງ​ເຈົ້າ​ໜ້າທີ່​ສືບ​ສວນ​-​ສອບ​ສວນ ໃນ​ການ​ນໍາ​ໃຊ້ 7 ມາດ​ຕະການ​ສະກັດ​ກັ້ນໃຫ້​ຖືກຕ້ອງ ແລະ ຊອກ​ຫາ​ວິທີ​ປັບປຸງ ແລະ ຍົກ​ສູງ​ຄຸນ​ນະ​ພາບຂອງ​ການ​ດໍາ​ເນີນຄະດີ ແລະ ການ​ສັ່ງ​ຟ້ອງໃຫ້​ກ້າວ​ສູ່​ຄຸນ​ນະ​ພາບ​ໃ​ໝ່ເປັນ​ຮູບ​ປະ​ທໍາ ແລະ ເພີ່ມ​ທະວີ​ການ​ຕິດຕາມ​ກວດກາການ​ປະຕິບັດ​​ໜ້າທີ່​ຂອງ​ພະນັກງານ​ຕາມ​ກົດໝາຍ​ໄດ້​ກໍາ​ນົດ​ໄວ້,ຊຶ່ງ​ຜ່ານມາ​ເຫັນ​ວ່າ​ຍັງ​ບໍ່​ທັນ​ເຂັ້ມ​ງວດ​ເທົ່າ​ທີ່​ຄວນ, ໂດຍ​ສະເພາະແມ່ນການ​ກັກ​ຕົວທີ່​ບໍ່​ຖືກຕ້ອງ, ການ​ກັກ​ຕົວເກີນ​ກໍາ​ນົດ ແລະອື່ນໆ.

- Wave100S AD to Website 2020 0 - ຮອງນາຍົກສອນໄຊສີພັນດອນແນະນໍາໄອຍະການຕ້ອງຍົກສູງການປະຕິບັດກົດໝາຍໃຫ້ເຂັ້ມງວດ
- WhatsApp Image 2020 05 27 at 5 - ຮອງນາຍົກສອນໄຊສີພັນດອນແນະນໍາໄອຍະການຕ້ອງຍົກສູງການປະຕິບັດກົດໝາຍໃຫ້ເຂັ້ມງວດ
- WhatsApp Image 2020 05 27 at 5 - ຮອງນາຍົກສອນໄຊສີພັນດອນແນະນໍາໄອຍະການຕ້ອງຍົກສູງການປະຕິບັດກົດໝາຍໃຫ້ເຂັ້ມງວດ
error: Alert: ເນື້ອຫາຂ່າວມີລິຂະສິດ !!