ທ່ານ ທຣຳ ລອດ​ຖືກ​ຖອດ​ຖອນ ​ເດີນ​ໜ້າ​ຫາ​ສຽງ​ເລືອກ​ຕັ້ງປະທານາທິບໍດີ​ສະ​ໄໝ​ທີ 2

- advert banner 728 90 728x90 - ທ່ານ ທຣຳ ລອດ​ຖືກ​ຖອດ​ຖອນ ​ເດີນ​ໜ້າ​ຫາ​ສຽງ​ເລືອກ​ຕັ້ງປະທານາທິບໍດີ​ສະ​ໄໝ​ທີ 2

      ​ໃນ​ທີ່​ສຸດ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ກໍ​ຫລຸດ​ພົ້ນຈາກ​ຄວາມ​ພະຍາຍາມ​ຖອດ​ຖອນ​ອອກ​ຈາກ​ຕຳ​ແໜ່​ງຂອງ​ພັກ​ເດ​ໂມ​ແຄຣດ ຫລັງ​ການ​ລົງມະຕິ​ໃນ​ວຸດ​ທິສະພາ ​ເຊິ່ງພັກ​ລີ​ພັບ​ບລີ​ກັນ​ຂອງ​ທ່ານ​ຄອງ​ສຽງ​ສ່ວນ​ຫລາຍ.

- Wave100S AD to Website 2020 0 - ທ່ານ ທຣຳ ລອດ​ຖືກ​ຖອດ​ຖອນ ​ເດີນ​ໜ້າ​ຫາ​ສຽງ​ເລືອກ​ຕັ້ງປະທານາທິບໍດີ​ສະ​ໄໝ​ທີ 2
- lattana 1 - ທ່ານ ທຣຳ ລອດ​ຖືກ​ຖອດ​ຖອນ ​ເດີນ​ໜ້າ​ຫາ​ສຽງ​ເລືອກ​ຕັ້ງປະທານາທິບໍດີ​ສະ​ໄໝ​ທີ 2

      ວຸດ​ທິສະພາ​ອາ​ເມ​ລິ​ກາ​ລົງມະຕິ​ວ່າ​ປະທານາທິບໍດີ ທຣຳ ບໍ່​ມີ​ຄວາມ​ຜິດ​ໃນ​ຂໍ້​ຫາ​ໃຊ້​ອຳນາດ​ໃນ​ທາງ​ບໍ່​ຖືກຕ້ອງ ຈາກ​ການ​ກົດ​ດັນ​ອູ​ແກຣນ​ໃຫ້​ຊ່ວຍ​ທ່ານ​ໄດ້​ຮັບ​ການ​ເລືອກ​ຕັ້ງສະ​ໄໝ​ທີ 2 ​ໂດຍ​ກວດ​ສອບ​ຄູ່​ແຂ່ງ​ທາງ​ການ​ເມື​ອງ ຄື​ທ່ານ ​ໂຈ ​ໄບ​ເດນ ອະດີດ​ຮອງ​ປະທານາທິບໍດີ ​ແລະ ລູກ​ຊາຍ ​ເຊິ່ງ​ເຄີຍ​ເປັນ​ຜູ້​ບໍລິຫານ​ບໍລິສັດພະລັງງານ​ໃນ​ອູ​ແກຣນ ​ເພື່ອ​ແລກ​ກັບ​ການ​ຊ່ວຍ​ເຫລືອ​ທາງ​ທະຫານ​ຈາກ​ອາ​ເມ​ລິ​ກາ ​ແລະ ຂໍ້​ຫາ​ຂັດຂວາງ​ຂະ​ບວນການກວດ​ສອບ​ຂອງ​ລັດຖະສະພາ ​ເຊິ່ງຂໍ້​ຫາ​ທຳ​ອິດ​ນີ້ ທ່ານ ມິດ ຣອມນີ ວຸດ​ທິສະມາຊິກ​ຈາກ​ພັກ​ລີ​ພັບ​ບລີ​ກັນ ລົງມະຕິ​ສວນ​ທາງ​ໄປ​ສະໜັບສະໜູນ​ພັກ​ເດ​ໂມ​ແຄຣດວ່າ​ທ່ານ ທຣຳ ມີ​ຄວາມ​ຜິດ ຫລັງ​ຮູ້​ຜົນ​ການ​ລົງມະຕິ​ປະທານາທິບໍດີ ທຣຳ ປະກາດ​ວ່າ​ທ່ານ​ໄດ້​ຮັບ​ໄຊຊະນະ, ສ່ວນ​ທາງ​ທຳນຽບຂາວ​ກໍ​ປະກາດ​ວ່າການ​ລົງມະຕິ​ຄັ້ງນີ້​ຖື​ວ່າ​ທ່ານ ທຣຳ ພົ້ນຈາກ​ຄວາມ​ຜິດ​ໂດຍສິ້ນ​ເຊີງ.

      ​ເຖິງ​ຢ່າງ​ໃດ​ກໍ​ຕາມ, ທ່ານ ທຣຳ ​ໄດ້​ຊື່ວ່າ​ເປັນ​ປະທານາທິບໍດີ​ອາ​ເມ​ລິ​ກາ​ຄົນທີ 3 ທີ່​ເຂົ້າສູ່​ຂະ​ບວນການ​ຖອດ​ຖອນ​ອອກ​ຈາກ​ຕຳ​ແໜ່​ງຕໍ່​ຈາກ​ອະດີດ​ປະທານາທິບໍດີ ​ແອນ​ດຣູ ຈອນ​ສັນ ​ໃນ​ປີ 1868 ​ແລະ ອະດີດ​ປະທານາທິບໍດີ ບິ​ລ ຄລິນ​ຕັນ ​ໃນ​ປີ 1999 ​ເຖິງ​ວ່າ​ຜ່ານ​ມາ​ຈະ​ບໍ່​ມີ​ໃຜ​ຖືກ​ຖອດ​ຖອນ​ອອກ​ຈາກ​ຕຳ​ແໜ່​ງ​ແທ້ໆ ຫລັງ​ການ​ລົງມະຕິ​ທ່ານ ທຣຳ ມີ​ທ່າ​ທີ​ໝັ້ນ​ໃຈ ​ແລະ ພ້ອມ​ຈະ​ເດີນ​ໜ້າ​ຫາ​ສຽງ​ເລືອກ​ຕັ້ງປະທານາທິບໍດີ​ສະ​ໄໝ​ທີ 2.

      ຂະນະ​ທີ່​ຮອງ​ປະທານາທິບໍດີ ​ໄມ ​ເພັນ ກ່າວ​ວ່າ: ພັກ​ເດ​ໂມ​ແຄຣດ​ໄດ້​ພະຍາຍ​າມ​ແຕ່ລົ້ມ​ເຫ​ລວ​ໃນ​ການ​ຖອດ​ຖອນ​ທ່ານ ທຣຳ ​ເນື່ອງ​ຈາກ​ບໍ່​ຕ້ອງການ​ໃຫ້​ທ່ານ ທຣຳ ລົງ​ແຂ່ງຂັນ​ເລືອກ​ຕັ້ງ​ເປັນ​ປະທານາທິບໍດີ​ອາ​ເມ​ລິ​ກາສະ​ໄໝ​ທີ 2.

error: Alert: Content is protected !!