ຄວາມສາມາດຕອບໂຕ້ ຄືຍຸດໂທຍຸກໄພພິບັດ

- 8989 - ຄວາມສາມາດຕອບໂຕ້ ຄືຍຸດໂທຍຸກໄພພິບັດ
- Untitled design - ຄວາມສາມາດຕອບໂຕ້ ຄືຍຸດໂທຍຸກໄພພິບັດ

ໂດຍ: ມຶກບໍ່ແຫ້ງ

ໃນຍຸກທີ່ໂລກພວກເຮົາກຳລັງປະສົບກັບໄພພິບັດຫຼາຍຮູບແບບນີ້, ຊາດໃດຄົນໃດຈະຢູ່ໄດ້ຕະຫຼອດປອດໄພແມ່ນວັດແທກກັນທີ່ຄວາມສາມາດ ໃນການຕອບໂຕ້ ແລະມີຄວາມທົນທານ.

ໂລກພວກເຮົາກຳລັງປະສົບກັບໄພພິບັດຫຼາຍຮູບແບບເຊິ່ງແຕ່ລະແບບແມ່ນມີຄວາມຮ້າຍແຮງທີ່ແຕກຕ່າງກັນໄປ, ມັນເປັນການທົດສອບວ່າ ແມ່ນໃຜມີຄວາມສາມາດຫຼາຍກວ່າໃນການຕອບໂຕ້, ມີຄວາມທົນທານ ຕໍ່ການປ່ຽນແປງທີ່ກະທັນຫັນທີ່ບໍ່ມີໃຜສາມາດຄາດເດົາໄດ້.

ພໍແຕ່ໂປໂລເຂົ້າມາປີ 2020 ຂ່າວຮ້າຍທີ່ໄຟເຜົາໄໝ້ ປະເທດອົດ ສະຕຣາລີຮ້ອນຮົນໄປທົ່ວໂລກ, ສ້າງຄວາມເສຍຫາຍຢ່າງມະຫາສານ, ສັດປ່ານັບເປັນເຄິ່ງຕື້ ຊີວິດຖືກດັບສູນໃນເວລາບໍ່ພໍເທົ່າໃດເຮັດໃຫ້ ນັກວິທະຍາສາດອອກມາຄາດການວ່າມັນອາດເປັນສັນຍານທີ່ຈະນຳໄປສູ່ ການສູນເສຍຄັ້ງໃຫຍ່ຂອງມວນມະນຸດຊາດໄປແລ້ວ.

ທ່າມກາງຄວາມຮ້າຍແຮງຂອງໄຟປ່ານັ້ນ, ຄວາມສາມາດຂອງ ອົດສະຕຣາລີໃນຖານະທີ່ເປັນປະເທດຈະເລີນທາງດ້ານເສດຖະກິດ, ມີທຶນຮອນແລະພາຫະນະອຸປະກອນຮວມທັງບຸກຄະລາກອນພຽງພໍກໍຍັງບໍ່ ສາມາດຕ້ານທານຄວາມຮ້າຍແຮງຂອງໄຟປ່ານັ້ນໄດ້, ກວ່າໄຟປ່າຈະດັບ ມອດລົງຄວາມສູນເສຍນັ້ນເກີນກວ່າຈະສາມາດປະເມີນຄ່າໄດ້, ຖ້າເກີດຢູ່ ປະເທດທີ່ມີຄວາມອາດສາມາດຕອບໂຕ້ນ້ອຍກວ່າກໍຍິ່ງຮ້າຍແຮງ.

ຫຼັງຈາກໄຟປ່າຢູ່ ອົດສະຕາລີເລີ່ມດັບມອດລົງຂ່າວຮ້າຍກໍຮອດຫູຄົນ ທົ່ວໂລກນັ້ນກໍຄືການລະບາດຂອງພະຍາດປອດບວມຫຼືເຊື້ອຈຸລະໂລກເຊິ່ງຄົນສ່ວນຫຼາຍນິຍົມເວົ້າຕາມພາສາຕ່າງປະເທດຄືໂນແວນໂຄໂຣນ່າໄວຣັສ (Novel Corona virus) ເຊິ່ງສາມາດແຜ່ເຊື້ອຈາກຄົນສູ່ຄົນໄດ້. ເຊື່ອກັນວ່າເຊື້ອພະຍາດແຜ່ລະບາດນີ້ ເກີດຈາກການກິນແກງໂຕເຈຍທີ່ເປັນ ອາຫານຍອດນິຍົມຂອງຜູ້ຄົນຢູ່ເມືອງອູຮານວ່າຊັ້ນ.

- Wave100S AD to Website 2020 0 - ຄວາມສາມາດຕອບໂຕ້ ຄືຍຸດໂທຍຸກໄພພິບັດ

ເຊື້ອພະຍາດນີ້ຮ້າຍແຮງທີ່ສຸດ, ໃນຂະນະທີ່ຜູ້ຂຽນກຳລັງຂຽນບົດ ຄວາມນີ້ ມີຄົນເສຍຊີວິດແລ້ວຫຼາຍກວ່າ 400 ຄົນແລະມີຜູ້ຕິດເຊື້ອ ພະຍາດນີ້ແລ້ວຫຼາຍກວ່າ 20,000 ຄົນອີງຕາມແຫຼ່ງຂ່າວຂອງສປຈີນ ແລະຄາດວ່າຍັງມີທ່າອ່ຽງ ເພີ່ມຂຶ້ນຕື່ມອີກ.

ເບິ່ງຄືວ່າການເສຍຊີວິດຂອງຄົນນັບຮ້ອຍຍ້ອນເຊື້ອຍພະຍາດຈຸລະ ໂລກຢູ່ ສປ ຈີນ ມັນເປັນທີ່ໜ້າຕົກໃຈ ແລະ ກັງວົນຫຼາຍກວ່າການເສຍຊີວິດ ຂອງສັດປ່ານັບລ້ານຢູ່ອົດສະຕາລີ.

ຈາກເຫດການດັ່ງກ່າວ, ສປ ຈີນ ໄດ້ສະແດງໃຫ້ຄົນທັງໂລກຮູ້ວ່າ ຄວາມສາມາດຕອບໂຕ້ກັບໄພພິບັດອັນນີ້ ແມ່ນທັນການຢ່າງແທ້ຈິງໂດຍ ສ້າງໂຮງໝໍປິ່ນປົວຄົນເຈັບຈາກການຕິດເຊື້ອດັ່ງກ່າວສຳເລັດພາຍໃນ 10 ມື້ ເຊິ່ງນັບວ່າເປັນການສ້າງໂຮງໝໍສຳເລັດໄວທີ່ສຸດໃນປະຫວັດສາດໂລກ. ທ່ານສີຈິນຜິງຜູ້ນຳສູງສຸດຂອງ ສປ ຈີນ ໄດ້ປະກາດຢ່າງຊັດເຈນວ່າ“ສປ ຈີນ ຈະຕ້ອງປາບຜີສາດ (ໃຊ້ແທນຊື່ ຂອງເຊື້ອພະຍາດຈຸລະໂລກດັ່ງກ່າວ) ນີ້ໃຫ້ໄດ້”.

ການຕັດສິນໃຈຂອງຜູ້ນຳຈີນ, ການກຽມພ້ອມຮັບມືແລະຄວາມສາ ມາດຕອບໂຕ້ ຕໍ່ໄພພິບັດຫຼືເຫດການຮ້າຍແຮງກະທັນຫັນເຊັ່ນນີ້ ໄດ້ສະແດງ ໃຫ້ທຸກປະເທດເຫັນວ່າການກອບກູ້ເອົາຊີວິດຂອງຜູ້ຄົນຈາກໄພອັນຕະລາຍນັ້ນສຳຄັນສໍ່າໃດ, ແລະເປັນຫຍັງຈຶ່ງຕ້ອງລົງທຶນຢ່າງມະຫາສານ, ໃນນັ້ນທະ ຫານກໍຄືເຫຼົ່າຮົບແພດໝໍກາຍເປັນກຳລັງສຳຄັນໃນຍາມຂັບຂັນ.

ແທນທີ່ພວກເຮົາຈະສະສົມຍຸດໂທອຸປະກອນເພື່ອເຮັດສົງຄາມຂ້າກັນຈົ່ງຫັນສ້າງຍຸດໂທໄວ້ຕອບໂຕ້ໄພພິບັດນັ້ນຈະດີກວ່າ.

- WhatsApp Image 2020 05 27 at 5 - ຄວາມສາມາດຕອບໂຕ້ ຄືຍຸດໂທຍຸກໄພພິບັດ
- WhatsApp Image 2020 05 27 at 5 - ຄວາມສາມາດຕອບໂຕ້ ຄືຍຸດໂທຍຸກໄພພິບັດ
error: Alert: ເນື້ອຫາຂ່າວມີລິຂະສິດ !!