ແຂວງໄຊຍະບູລີສຳເລັດການ​ປູກ​ພືດ​ລະດູ​ແລ້ງແລ້ວເກືອບ 100%

- 83 - ແຂວງໄຊຍະບູລີສຳເລັດການ​ປູກ​ພືດ​ລະດູ​ແລ້ງແລ້ວເກືອບ 100%
- Untitled design - ແຂວງໄຊຍະບູລີສຳເລັດການ​ປູກ​ພືດ​ລະດູ​ແລ້ງແລ້ວເກືອບ 100%

       ການປູກພືດລະດູແລ້ງຂອງຊາວກະສິກອນແຂວງໄຊຍະບູລີໃນປີ 2019-2020 ເກືອບສຳເລັດແລ້ວ 100% ພາຍຫຼັງ​ໄດ້ຂຸ້ນຂ້ຽວລົງມືມາແຕ່ເດືອນທັນວາປີຜ່ານມານີ້ ເພື່ອເຮັດໃຫ້ການປູກພືດຕ່າງໆໃນລະດູ ແລ້ງໄປຕາມລະດູການ ແລະ ຮັບປະກັນຜົນຜະລິດ ​ໂດຍ​ຄາດ​ວ່າຈະໃຫ້ສຳເລັດ 100% ໃນກາງເດືອນກຸມພານີ້.

       ຂະແໜງປູກຝັງແຂວງ ໃຫ້ຮູ້ວ່າ: ການປູກພືດລະດູແລ້ງຂອງຊາວກະສິກອນທົ່ວແຂວງໄຊຍະບູລີ ມີເນື້ອທີ່ແຜນການທັງໝົດ 16.891 ເຮັກຕາ; ໃນນີ້ມີເນື້ອທີ່ປູກເຂົ້ານາແຊງ 2.300 ເຮັກຕາ, ພືດຜັກຕ່າງໆມີ 14.591 ເຮັກຕາ, ຄາດຄະເນຜົນຜະລິດຈະ​ບັນລຸ​ໄດ້ 97.217 ໂຕນ. ປັດຈຸບັນການຜະລິດເຂົ້ານາແຊງ ມາຮອດປັດຈຸບັນປັກດໍາສໍາເລັດແລ້ວ 90,30%, ສ່ວນການປູກພືດ​ຕ່າງໆ ມາຮອດປັດຈຸບັນສາມາດປະຕິບັດໄດ້​ແລ້ວ 21 ພັນ​ກວ່າເຮັກຕາ ລື່ນແຜນການທີ່ຕັ້ງໄວ້​ເກືອບ 50%. ພ້ອມດຽວກັນນີ້ ທາງແຂວງຍັງໄດ້ຊຸກຍູ້ຜູ້ປະກອບການພາຍໃນ ແລະ ຕ່າງປະເທດລົງທຶນເຂົ້າໃນການປູກພືດເປັນສິນຄ້າມີ 11 ບໍລິສັດ, ມີເນື້ອທີ່ທັງໝົດ 1.672 ກວ່າເຮັກຕາ ໃນນີ້ລົງທຶນປູກໝາກຖົ່ວເຫຼືອງມີເນື້ອທີ່ 442 ເຮັກຕາ ແລະ ປູກໝາກໂມມີ 1.230 ກວ່າເຮັກຕາ. ສ່ວນການສົ່ງອອກຜົນຜະລິດກະສິກໍາໃນປີຜ່ານມາບັນລຸ​ໄດ້​ຄື: ສົ່ງອອກສາລີມີ 117 ໂຕນກວ່າ, ໝາກເດືອຍ 145 ໂຕນກວ່າ, ແຂມ 15 ໂຕນ, ໝາກແຕງດອງ 46 ໂຕນກວ່າ, ຂີງ 145 ໂຕນ, ມັນຕົ້ນແຫ້ງຫລາຍ​ກວ່າ 10 ໂຕນ, ໝາກນໍ້າມັນ 1 ໂຕນ, ຖົ່ວແດງ 117 ໂຕນ, ໝາກໂມ 2.425 ໂຕນ. ຂະນະທີ່ນໍາເຂົ້າໝາກໄມ້ມີ 9 ໂຕນ, ພືດຜັກຕ່າງໆປະມານ 1 ໂຕນກວ່າ.

- Wave100S AD to Website 2020 0 - ແຂວງໄຊຍະບູລີສຳເລັດການ​ປູກ​ພືດ​ລະດູ​ແລ້ງແລ້ວເກືອບ 100%
- WhatsApp Image 2020 05 27 at 5 - ແຂວງໄຊຍະບູລີສຳເລັດການ​ປູກ​ພືດ​ລະດູ​ແລ້ງແລ້ວເກືອບ 100%
- WhatsApp Image 2020 05 27 at 5 - ແຂວງໄຊຍະບູລີສຳເລັດການ​ປູກ​ພືດ​ລະດູ​ແລ້ງແລ້ວເກືອບ 100%
error: Alert: ເນື້ອຫາຂ່າວມີລິຂະສິດ !!