ການພັດທະນາບຸກຄະລາກອນມີຄວາມສຳຄັນແນວໃດ?

- 4444 - ການພັດທະນາບຸກຄະລາກອນມີຄວາມສຳຄັນແນວໃດ?
- Untitled design - ການພັດທະນາບຸກຄະລາກອນມີຄວາມສຳຄັນແນວໃດ?

ລູກເມືອງພວນ

ການພັດທະນາບຸກຄະລາກອນແມ່ນຫຍັງ?

ການພັດທະນາບຸກຄະລາກອນ ຄືການເພີ່ມປະສິດທິພາບດ້ານທັກສະຄວາມຊຳນິຊຳນານໃນການເຮັດວຽກຕະຫຼອດຈົນຮອດການປັບປ່ຽນທັດສະນະຄະຕິຂອງບຸກຄະລາກອນທຸກລະດັບໃຫ້ເປັນໄປໃນທິດທາງດຽວກັນ. ການເພີ່ມປະສິດທິພາບຂອງບຸກຄະລາກອນ ຈະເຮັດໄດ້ໂດຍວິທີການຝຶກອົບຮົມ ໃນລະດັບປະຖົມນິເທດ ຫຼື ສົ່ງໄປຝຶກງານຢູ່ຕ່າງປະເທດ, ເຂົ້າຮ່ວມສຳມະນາຢູ່ທັງພາຍໃນ ແລະ ພາຍນອກສະຖານທີ່ ເພື່ອໃຫ້ບຸກຄະລາກອນນັ້ນໆສາມາມາດປະຕິບັດໜ້າທີ່ວຽກງານໄດ້ຢ່າງເຕັມທີ່ ແລະ ມຸ່ງໄປສູ່ຜົນສຳເລັດຕາມເປົ້າໝາຍຂອງອົງກອນ.

ເປັນຫຍັງຈຶ່ງຕ້ອງພັດທະນາບຸກຄະລາກອນ?

– ເພື່ອໃຫ້ ອົງກອນເກີດການປ່ຽນແປງ ແລະ ຂະຫຍາຍຕົວ ຈຶ່ງຈຳເປັນຕ້ອງຝຶກອົບຮົມເພື່ອພັດທະນາບຸກຄະລາກອນໃຫ້ມີປະສິດທິພາບການເຮັດວຽກໃຫ້ສູງຂຶ້ນ ຫຼື ຫາກຕ້ອງການຫຼຸດຜ່ອນຂະໜາດຂອງອົງກອນລົງ ການພັດທະນາບຸກຄະລາກອນຍິ່ງມີຄວາມຈຳເປັນ ແລະ ສຳຄັນທີຈະຊ່ວຍກະຕຸ້ນໃຫ້ພະນັກງານເກີດຄວາມຄ່ອງຕົວໃນການເຮັດວຽກສູງຍິ່ງຂຶ້ນ.

– ເມື່ອມີການປ່ຽນແປງທາງດ້ານສະພາບສັງຄົມ ການເມືອງ ເສດຖະກິດ…ອົງກອນຈຳເປັນຕ້ອງໄດ້ພັດທະນາບຸກຄະລາກອນເພື່ອໃຫ້ພະນັກງານຈະໄດ້ມີຄວາມພ້ອມຮັບມືຕໍ່ການປ່ຽນແປງດັ່ງກ່າວຢູ່ຕະຫຼອດເວລາ.

– ຊ່ວຍກຳຈັດປັດເປົ່າພຶດຕິກຳທີ່ບໍ່ຖືກຕ້ອງຂອງພະນັກງານເພາະໂດຍປົກກະຕິແລ້ວ ພະນັກງານແຕ່ລະຄົນຈະມີທັດສະນະຄະຕິແຕກຕ່າງກັນໄປ ການພັດທະນາບຸກຄະລາກອນສາມາດໃຊ້ເປັນເຄື່ອງມືບັງຄັບພຶດຕິກຳຂອງພະນັກງານທີ່ມາເຮັດວຽກຮ່ວມກັນໃຫ້ເປັນໄປໃນທິດທາງດຽວກັນ

- Wave100S AD to Website 2020 0 - ການພັດທະນາບຸກຄະລາກອນມີຄວາມສຳຄັນແນວໃດ?

– ຄວາມຈະເລີນກ້າວໜ້າທາງເທັກໂນໂລຢີ ຢ່າງເຊັ່ນ ເຄື່ອງຈັກທີ່ທັນສະໄໝ ຄອມພິວເຕີ ການອົບຮົມໃຫ້ພະນັກງານມີຄວາມຮູ້ຄວາມສຳນານໃນການນຳໃຊ້ເທັກໂນໂລຢີເຫຼົ່ານັ້ນ ຈະຊ່ວຍເພີ່ມປະສິດທິພາບ ແລະ ຄວາມວ່ອງໄວໃນການເຮັດວຽກຂອງພະນັກງານຂຶ້ນ.

ເຮັດແນວໃດເພື່ອໃຫ້ການພັດທະນາຄົນມີປະສິດທິພາບ?

ຄວນໃຫ້ຄວາມສຳຄັນຕໍ່ການພັດທະນາບຸກຄະລາກອນຢ່າງຈິງຈັງ ອົງກອນບໍ່ຄວນຄິດວ່າ ການພັດທະນາຈະເປັນການເສຍເວລາໄປຊື່ໆ ໂດຍບໍ່ມີປະໂຫຍດຫຍັງ ເພາະການຝຶກອົບຮົມແຕ່ລະຄັ້ງ ພະນັກງານຈະເກີດຄວາມຊຳນານໃນວຽກງານທີ່ຕົນເຮັດຫຼາຍຂຶ້ນ ການພັດທະນາພະນັກງານຈຶ່ງເປັນປະໂຫຍດ ຕໍ່ອົງກອນທັງໄລຍະສັ້ນ ແລະ ໄລຍະຍາວ.

—————————–

- WhatsApp Image 2020 05 27 at 5 - ການພັດທະນາບຸກຄະລາກອນມີຄວາມສຳຄັນແນວໃດ?
- WhatsApp Image 2020 05 27 at 5 - ການພັດທະນາບຸກຄະລາກອນມີຄວາມສຳຄັນແນວໃດ?
error: Alert: ເນື້ອຫາຂ່າວມີລິຂະສິດ !!