​ຫລາຍແຂວງປະກາດ​ແຕ່ງຕັ້ງ​ຫົວໜ້າ​ກອງ​ບັນຊາ​ການ ປກສ

- pks - ​ຫລາຍແຂວງປະກາດ​ແຕ່ງຕັ້ງ​ຫົວໜ້າ​ກອງ​ບັນຊາ​ການ ປກສ
- Untitled design - ​ຫລາຍແຂວງປະກາດ​ແຕ່ງຕັ້ງ​ຫົວໜ້າ​ກອງ​ບັນຊາ​ການ ປກສ

  ແຫລ່ງຂ່າວກະຊວງປ້ອງກັນຄວາມສະຫງົບ ໃຫ້ຮູ້ວ່າ: ເມື່ອບໍ່ດົນມານີ້, ຫລາຍແຂວງ ໄດ້ປະກາດການແຕ່ງຕັ້ງຫົວໜ້າກອງບັນຊາການ ປກສ ແຂວງ ຂອງຕົນຕາມດໍາລັດຂອງນາຍົກລັດຖະມົນຕີແຫ່ງ ສປປ ລາວ ແລະ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ຄື: ໄດ້ແຕ່ງຕັ້ງສະຫາຍພັນເອກ ສົມ​ໝາຍ ພົມມະຈັນ ​ເປັນ​ຫົວໜ້າ​ກອງ​ບັນຊາ​ການ ປກສ ​ແຂວງສະຫວັນນະເຂດ, ແຕ່ງຕັ້ງສະຫາຍພັນເອກ ສີເວີນ ແກ້ວສີວົງສາ ເປັນຫົວໜ້າ​ກອງ​ບັນຊາ​ການ ປກສ ​ແຂວງອັດຕະປື ແລະ ແຕ່ງຕັ້ງສະຫາຍພັນເອກ ບົວ​ພັນ ອິນທະ​ປັນຍາ ​ຂຶ້ນ​ຮັກສາ​ການ​ຫົວໜ້າ​ກອງ​ບັນຊາ​ການ ປກສ ​ແຂວງ​ໄຊ​ສົມບູນ, ໂດຍມີລັດຖະມົນຕີ, ບັນດາເຈົ້າແຂວງ ແລະ ພະນັກງານຫລັກແຫລ່ງອ້ອມຂ້າງບັນດາແຂວງ

  ​ສະຫາຍພົນໂທ ວິ​ໄລ ຫລ້າ​ຄຳ​ຟອງ ລັດຖະມົນຕີກະຊວງກະຊວງປ້ອງກັນຄວາມ ​ໄດ້ມີຄໍາເຫັນ​ເນັ້ນ​ໃຫ້​ຜູ້​ໄດ້​ຮັບ​ຕຳ​ແໜ່​ງ​ໃໝ່, ​ຈົ່ງ​ສືບ​ຕໍ່​ເພີ່ມ​ທະວີ​ການ​ນຳພາບົນຫລັກການຮອບດ້ານ​ຂອງ​ພັກ ກໍ​ຄື​ກຳລັງ​ປະກອບ​ອາວຸດ, ​ເພີ່ມ​ທະວີ​ການ​ສຶກສາ​ອົບຮົມ​ການ​ເມືອງ​-​ແນວ​ຄິດ​ໃຫ້​ກຳລັງ​ ປກສ ​ແຂວງ​ຂອງຕົນ ໃຫ້ເຂັ້ມແຂງໜັກ​ແໜ້ນ​, ຫັນເອົາກໍາລັງນັກຮົບ​ລົງກໍ່ສ້າງ​ຮາກ​ຖານ ເພື່ອ​ສ້າງ​ທ່າ​ສະໜາ​ມປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ​ໃຫ້​ໜັກ​ແໜ້ນ​ຕິດ​ພັນ​ກັບ​ການ​ພັດທະນາ​ຊົນນະບົດ​ຮອບດ້ານ, ​ເພີ່ມ​ທະວີ​ຄວາມ​ສາມັກຄີ​ພາຍ​ໃນ​ໃຫ້​ແໜ້ນ​ແຟ້ນ, ປັບປຸງ​ແບບ​ແຜນການ​ນຳພາ ​ແລະ ​ແບບ​ແຜນ​ວິທີ​ການ​ເຮັດ​ວຽກ​ໃຫ້​ຖືກຕ້ອງ​ສອດຄ່ອງ, ​ໂດຍ​ຍຶດໝັ້ນຫລັກການ​ລວມສູນ​ປະຊາທິປະ​ໄຕ, ​ແບ່ງ​ຄວາມ​ຮັບຜິດຊອບ​ໃຫ້ການ​ຈັດຕັ້ງທຸກຂັ້ນ ​ແລະ ມີ​ການ​ກວດກາ-ຊີ້​ນຳ​ຢ່າງ​ແທດ​ເຖິງ ​ເພື່ອ​ເຮັດ​ສຳ​ເລັດ​ໜ້າ​ທີ່​ຕາມ​ການ​ມອບ​ໝາຍ​.

- Wave100S AD to Website 2020 0 - ​ຫລາຍແຂວງປະກາດ​ແຕ່ງຕັ້ງ​ຫົວໜ້າ​ກອງ​ບັນຊາ​ການ ປກສ
- WhatsApp Image 2020 05 27 at 5 - ​ຫລາຍແຂວງປະກາດ​ແຕ່ງຕັ້ງ​ຫົວໜ້າ​ກອງ​ບັນຊາ​ການ ປກສ
- WhatsApp Image 2020 05 27 at 5 - ​ຫລາຍແຂວງປະກາດ​ແຕ່ງຕັ້ງ​ຫົວໜ້າ​ກອງ​ບັນຊາ​ການ ປກສ
error: Alert: ເນື້ອຫາຂ່າວມີລິຂະສິດ !!