ຈັບໄດ້ແລ້ວຜູ້ລົງມືກໍ່ເຫດຄາດຕະກຳຢູ່ເຂດເສັ້ນທາງ 450 ປີ

- advert banner 728 90 728x90 - ຈັບໄດ້ແລ້ວຜູ້ລົງມືກໍ່ເຫດຄາດຕະກຳຢູ່ເຂດເສັ້ນທາງ 450 ປີ

    ໃນວັນທີ 6 ກຸມພາ ນີ້, ທ່ານ ພັນໂທ ສຸລິວັນ ລາດຊະວົງ ຫົວໜ້າຫ້ອງຕຳຫລວດ ປກສ ນະຄອນຫລວງວຽງຈັນ ໄດ້ຖະແຫລງຕໍ່ສື່ມວນຊົນ ກ່ຽວກັບຄວາມຄືບໜ້າເຫດຄາດຕະກຳຊາຍສອງຄົນ ຢູ່ເຂດບ້ານ ນາຄວາຍໃຕ້ ເມືອງ ໄຊເສດຖາ ນະຄອນຫລວງວຽງຈັນ ໃຫ້ຮູ້ວ່າ: ມາຮອດປັດຈຸບັນ, ເຈົ້າໜ້າທີ່ ສາມາດຕິດຕາມນຳຈັບຕົວຜູ້ກໍ່ເຫດໄດ້ແລ້ວຄື: ທ້າວ ບຸນຍະເດດ ດວງບຸບຜາ ຫລື ຈອນວິກ ອາຍຸ 24 ປີ, ຢູ່ບ້ານ ດົງໂພສີ ເມືອງ ຫາດຊາຍຟອງ ນະຄອນຫລວງວຽງຈັນ ພາຍຫລັງຜູ້ກ່ຽວໄດ້ຫລົບໜີ ໄປລີ້ຊ້ອນ ຢູ່ ແຂວງ ຈຳປາສັກ.

- Wave100S AD to Website 2020 0 - ຈັບໄດ້ແລ້ວຜູ້ລົງມືກໍ່ເຫດຄາດຕະກຳຢູ່ເຂດເສັ້ນທາງ 450 ປີ
- lattana 1 - ຈັບໄດ້ແລ້ວຜູ້ລົງມືກໍ່ເຫດຄາດຕະກຳຢູ່ເຂດເສັ້ນທາງ 450 ປີ

ຜ່ານການສືບສວນ-ສອບສວນ ຜູ້ຕ້ອງຫາຮັບສາລະພາບວ່າ: ໃນວັນທີ 21 ມັງກອນ ຜ່ານມາ, ຕົນໄດ້ກໍ່ເຫດຍິງທ້າວ ພິດສະກອນ ເພັດວົງສາ ຫລື ຈິ່ມມີ້, ອາຍຸ 25 ປີ ຢູ່ບ້ານ ໜອງໜ່ຽງ ແລະ ທ້າວ ສອນສຸລິຍາ ອາຍຸ 32 ປີ ຢູ່ບ້ານ ໂພນເຄັງ ເມືອງ ໄຊເສດຖາ ນະຄອນຫລວງວຽງຈັນ ຍ້ອນວ່າ: ໃນໄລຍະຜ່ານມາ ຜູ້ກ່ຽວເຄີຍຊື້-ຂາຍອາວຸດຜິດກົດໝາຍ ກັບ ທ້າວ ຈິ່ມມີ້ ຫລາຍຄັ້ງແຕ່ ທ້າວ ຈິ່ມມີ້ ບໍ່ຈ່າຍເງີນໃຫ້ຜູ້ກ່ຽວ, ຊ້ຳບໍ່ໜຳໃນເວລາທີ່ຜູ້ກ່ຽວທວງຖາມກໍຍັງມີການນາບຂູ່ວ່າຈະທຳຮ້າຍ ແລະ ຄາດຕະກຳ, ຍ້ອນສາເຫດດັ່ງກ່າວຈຶ່ງເຮັດໃຫ້ຜູ້ກ່ຽວເກີດຄວາມຄຽດແຄ້ນ ແລະ ຕ້ອງການຂ້າ ທ້າວ ຈິ່ມມີ້ ຫລາຍຄັ້ງ ແຕ່ບໍ່ມີໂອກາດ, ຈົນມາຮອດວັນທີ 21 ມັງກອນ ນີ້, ທ້າວ ຈິ່ມມີ້ ຕ້ອງການຊື້ອາວຸດ ນຳຜູ້ກ່ຽວ, ຈຶ່ງໄດ້ວາງແຜນຄາດຕະກຳ ໂດຍໄດ້ນັດໝາຍກັນຂີ່ລົດເຂົ້າໄປໃນປ່າເຂດບ້ານ ນາຄວາຍໃຕ້ ຊຶ່ງຫ່າງຈາກເສັ້ນທາງ 450 ປີ ປະມານ 600 ແມັດ, ແລ້ວໄດ້ໃຊ້ປືນສັ້ນ ຍີ່ຫໍ້ ວໍເທີ້ ພີ 99 ເອເອັສ ທີ່ກະກຽມໄວ້, ຍິງໃສ່ຫົວ ແລະ ຮ່າງກາຍສອງຄົນດັ່ງກ່າວຈົນເສຍຊີວິດຄາທີ່, ຈາກນັ້ນ ກໍເອົາຕົວຫລົບໜີໄປຢູ່ນຳພໍ່ຢູ່ແຂວງ ຈຳປາສັກ ກ່ອນຈະຖືກເຈົ້າໜ້າທີ່ຕິດຕາມຕົວມາດຳເນີນຄະດີ.

error: Alert: Content is protected !!