ຄົນລາວຈົ່ງສາມັກຄີ ຍາມມີວິກິດ

- 53 - ຄົນລາວຈົ່ງສາມັກຄີ ຍາມມີວິກິດ
- Untitled design - ຄົນລາວຈົ່ງສາມັກຄີ ຍາມມີວິກິດ

ລູກເມືອງພວນ

ປັດຈຸບັນທົ່ວໂລກກຳລັງແຕກຕື່ນ, ຫວັ່ນໄຫວ, ຢ້ານກົວ ການແຜ່ເຊື້ອໂລກໄວຣັສ ໂຄໂຣນາ. ໄວຣັສຊະນິດນີ້ມີຄຸນລັກສະນະ ແຜ່ເຊື້ອໄດ້ງ່າຍ ຕິດໄວ ແລະ ແຜ່ລາມເປັນບໍລິເວນກ້ວາງໃນທົ່ວໂລກຢ່າງໄວວາ ແລະ ຮຸນແຮງກ່ວາໂລກ ຊາ. ມາເຖິງວັນທີ 7 ກຸມພານີ້, ສະຖິຕິຂອງອົງການອານາໄມໂລກໃຫ້ຮູ້ວ່າມີຜູ້ຕິດເຊື້ອທັງໝົດ 31,377 ກ່ວາຄົນແລ້ວ, ເສຍຊີວິດ 638 ຄົນ ແລະ ແຜ່ລະບາດໄປເຖິງ 27 ປະເທດ ແລະ ຂົງເຂດໃນທົ່ວໂລກ. ແຕ່ສຳລັບຢູ່ລາວເຮົາມາເຖິງປັດຈຸບັນ ອີງຕາມການຢືນຢັນໃນວົງການແພດລາວໃຫ້ຮູ້ວ່າຍັງບໍ່ທັນພົບເຫັນຜູ້ຕິດເຊື້ອ ມີພຽງແຕ່ກໍລະນີສົງໄສ 11 ຄົນ ໃນນັ້ນໄດ້ກວດລະອຽດແລ້ວ 9 ຄົນ ແຕ່ບໍ່ພົບການຕິດເຊື້ອແຕ່ຢ່າງໃດ.

ຕໍ່ໜ້າສະພາບການທີ່ໃນທົ່ວໂລກກຳລັງມີຄວາມກັງວົນ ແລະ ແຕກຕື່ນ ຢ້ານກົວ ຢູ່ໃນຂະນະນີ້ ທາງການລັດຖະບານລາວກໍໄດ້ວາງຫຼາຍມາດຕະການ ເພື່ອປ້ອງກັນ ແລະ ສະກັດກັ້ນພະຍາດດັ່ງກ່າວຢ່າງຕັ້ງໜ້າ ຈິງຈັງ ແລະ ຈິງໃຈ ດ້ວຍມາດຕະການທີ່ເຂັ້ມງວດ. ພວກເຮົາຈົ່ງເຊື່ອໝັ້ນຕໍ່ວົງດານແພດລາວ. ພ້ອມກັນນີ້, ພວກເຮົາຄົນລາວທຸກຖ້ວນໜ້າຈົ່ງພ້ອມກັນມີສະຕິ, ເປັນເຈົ້າການ, ເປັນຫູເປັນຕາຊ່ວຍລັດຖະບານໃນການຕ້ານ ແລະ ສະກັດກັ້ນພະຍາດດັ່ງກ່າວບໍ່ໃຫ້ເກີດຂຶ້ນຢູ່ປະເທດເຮົາ, ຢ່າໄດ້ເປີຍແຜ່ ຂ່າວຄາວທີ່ບໍ່ມີຄວາມຈິງ ອັນຈະພາໃຫ້ປະຊາຊົນແຕກຕື່ນຢ້ານກົວ, ສັງຄົມເກີດຄວາມວຸ້ນວາຍບໍ່ມີຄວາມສິຫງົບ, ເປັນເຈົ້າການຮັກສາຕົນເອງຕາມຄຳແນະນຳຂອງແພດໝໍຢ່າງເຂັ້ມງວດ, ຢ່າກະວົນກະວາຍ ແຕກຕື່ນ ຢ້ານກົວເກີນກວ່າເຫດ. ຈົ່ງລະມັດວະວັງການປ່າວຂ່າວທີ່ບໍ່ມີຄວາມຈິງພາໃຫ້ສັງຄົມແຕກຕື່ນ, ມີສະຕິຕິດຕາມສອດສ່ອງສິ່ງທີ່ຜິດປົກກະຕິ ໂດຍສະເພາະແມ່ນດ່ານ ຕມ ແຕ່ລະດ່ານຕ້ອງເຂັ້ມງວດໃນການກວດກາຄົນເຂົ້າ-ອອກ, ທຳການຂ້າເຊື້ອໂລກລົດ ແຕ່ລະຄັນ ຄົນແຕ່ລະຄົນທີ່ຜ່ານດ່ານຊາຍແດນ…

ອັນທີ່ສຳຄັນ ກວ່ານັ້ນ ຄົນລາວເຮົາຈົ່ງສາມັກຄີກັນ ເປັນຈິດໜຶ່ງໃຈດຽວໃນການຊ່ວຍລັດຖະບານ ໃນການສະກັດກັ້ນ ບໍ່ໃຫ້ພະຍາດລະບາດ ແລະ ຕິດເຊື້ອມາໃສ່ປະເທດເຮົາ, ມີການຕັກເຕືອນແນະນຳກັນ ເຜີຍແຜ່ຂໍ້ມູນຂ່າວສານທີ່ເປັນປະໂຫຍດໃຫ້ກັນຊາບ ເພື່ອໃຫ້ທຸກຄົນໄດ້ພ້ອມກັນເປັນເຈົ້າການຮັກສາຕົວເອງຢ່າງຖືກວິທີ, ມີການຕິດຕາມຂ່າວສານຢູ່ຕະຫຼອດເວລາ, ເມື່ອມີປາກົດການ ຫຼື ສົງໄສວ່າຕິດເຊື້ອໃຫ້ຮີບຮ້ອນໄປຫາແພດໝໍ ແລະ ບໍ່ຕ້ອງເຊື່ອງອຳ…

- Wave100S AD to Website 2020 0 - ຄົນລາວຈົ່ງສາມັກຄີ ຍາມມີວິກິດ

ຖ້າປະຊາຊົນລາວຫາກສາມັກຄີກັນເປັນຈິດໜຶ່ງໃນດຽວຊ່ວຍລັດຖະບານ ພວກເຮົາຈະເອົາຊະນະສັດຕູລະບາດຄັ້ງນີ້ໄດ້ຢ່າງແນ່ນອນ. ປະກອບສ່ວນອັນສຳຄັນເຂົ້າໃນຂະບວນການຕ້ານໂລກ ໂຄໂຣນາ ຂອງໂລກ ເພື່ອມະນຸດຊາດ ແລະ ຄວາມຢູ່ເຢັນເປັນສຸກ ຂອງຊາວລາວ ແລະ ຊາວໂລກທຸກຖ້ວນໜ້າ.

- WhatsApp Image 2020 05 27 at 5 - ຄົນລາວຈົ່ງສາມັກຄີ ຍາມມີວິກິດ
- WhatsApp Image 2020 05 27 at 5 - ຄົນລາວຈົ່ງສາມັກຄີ ຍາມມີວິກິດ
error: Alert: ເນື້ອຫາຂ່າວມີລິຂະສິດ !!