7 ວິທີຫລຸດຄວາມເຄັ່ງຄຽດ ຕື່ມພະລັງບວກໃຫ້ຊີວິດ

- 55 - 7 ວິທີຫລຸດຄວາມເຄັ່ງຄຽດ ຕື່ມພະລັງບວກໃຫ້ຊີວິດ
- Untitled design - 7 ວິທີຫລຸດຄວາມເຄັ່ງຄຽດ ຕື່ມພະລັງບວກໃຫ້ຊີວິດ

     1. ເລືອກກິນອາຫານໃຫ້ຄົບ 5 ໝວດ : ການກິນອາຫານທີ່ມີປະໂຫຍດໃຫ້ຫລາກຫລາຍຈະຊ່ວຍໃຫ້ຮ່າງກາຍໄດ້ຮັບສານອາຫານຢ່າງພຽງພໍ, ສະໝອງ ແລະ ລະບົບອະໄວຍະວະຕ່າງໆໃນຮ່າງກາຍຈຶ່ງສາມາດເຮັດວຽກໄດ້ຢ່າງເຕັມປະສິດທິພາບ ຖ້າເປັນໄປໄດ້ ຄວນກິນອາຫານໃຫ້ຄົບ 5 ໝວດທຸກມື້ ຫລື ຢ່າງໜ້ອຍທີ່ສຸດແມ່ນຫລີກເວັ້ນອາຫານທີ່ມີແຕ່ແປ້ງ, ໄຂມັນ ແລະ ນຳ້ ຕານ.

     2. ພັກຜ່ອນໃຫ້ພຽງພໍ : ການອົດຫລັບອົດນອນ, ນອນໜ້ອຍ, ພັກຜ່ອນບໍ່ພຽງພໍ ສົ່ງຜົນກະທົບດ້ານລົບຕໍ່ທັງສຸຂະພາບຮ່າງກາຍ ແລະ ສຸຂະພາບຈິດໃຈ ເຮັດໃຫ້ສະຕິປັນຍາຖົດຖອຍ, ຄວາມສາມາດໃນການໃຊ້ເຫດຜົນຫລຸດລົງ, ຕັດສິນໃຈບໍ່ໄດ້, ສ່ຽງເປັນພະຍາດຊຶມເສົ້າ ທັງຍັງນຳໄປສູ່ບັນຫາສຸຂະພາບອີກຫລາຍປະການ, ພະຍາຍາມຝຶກເຂົ້ານອນໃຫ້ເປັນເວລາ, ງົດຫລິ້ນຄອມພິວເຕີ, ໂທລະສັບມືຖື ແລະ ແທັບເລັດກ່ອນເຂົ້ານອນ ຈະເຮັດໃຫ້ຫລັບງ່າຍຍິ່ງຂຶ້ນ.

     3. ອອກກຳລັງກາຍສະໝໍ່າສະເໝີ : ການອອກກຳລັງກາຍຢ່າງສະໝໍ່າສະເໝີນັ້ນ ນອກຈາກຈະຊ່ວຍໃຫ້ສຸຂະພາບຮ່າງກາຍແຂງແຮງແລ້ວ ຍັງຊ່ວຍເສີມເກາະປ້ອງກັນໃຫ້ສຸຂະພາບຈິດດີໄປນຳ ເນື່ອງຈາກຮ່າງກາຍຈະຫລັ່ງສານເອັນດໍຟິນ (Endorphine) ອອກມາຫລັງຊ່ວງອອກກຳລັງກາຍ ເຮັດໃຫ້ຮູ້ສຶກມີຄວາມສຸກ, ອາລົມດີ ຈຶ່ງຊ່ວຍຜ່ອນຄາຍຄວາມເຄັ່ງຄຽດໄດ້.

     4. ເຮັດກິດຈະກຳຍາມວ່າງ : ການເຮັດກິດຈະກຳຍາມວ່າງ ຫລື  ກິດຈະວັດຕ່າງໆໃນຍາມວ່າງໆຈະຊ່ວຍໃຫ້ເຮົາຜ່ອນຄາຍຄວາມເຄັ່ງຄຽດ, ກຳຈັດອາລົມໝົ່່ນໝອງ, ເຮັດໃຫ້ຫົວໃຈເປັນສຸກ ທັງຍັງຊ່ວຍເພີ່ມພູນທັກສະຄວາມຮູ້, ຄວາມຊຳນານຂອງຕົນເອງ ລວມເຖິງປະສົບການໃນຊີວິດ ສິ່ງສຳຄັນ ການເຮັດກິດຈະກຳຍາມວ່າງຍັງຖືເປັນການໃຊ້ເວລາວ່າງໃຫ້ເກີດປະໂຫຍດນຳ ອີກ.

- Wave100S AD to Website 2020 0 - 7 ວິທີຫລຸດຄວາມເຄັ່ງຄຽດ ຕື່ມພະລັງບວກໃຫ້ຊີວິດ

     5. ຮັບແສງແດດອ່ອນໆຍາມມື້ເຊົ້າ : ການຮັບແສງແດດອ່ອນໆເປັນປະຈຳ ຊ່ວຍໃຫ້ຮ່າງກາຍສັງເຄາະສານເຊໂຣໂທນິນໄດ້ດີຍິ່ງຂຶ້ນ ເຊິ່ງສານເຊໂຣໂທນິນນີ້ເປັນຮໍໂມນທີ່ມີບົດບາດສຳຄັນຕໍ່ການເຮັດວຽກຂອງຮ່າງກາຍ ທັງການຄວບຄຸມອາລົມ, ລະບົບຍ່ອຍອາຫານ, ການຮັບແສງແດດຈຶ່ງຖືເປັນການບຳບັດຮ່າງກາຍ ແລະ ຈິດໃຈໄປພ້ອມໆກັນ.

     6. ຝຶກໃຈໃຫ້ປ່ອຍວາງ : ການຍຶດຕິດ ແລະ ການຄາດຫວັງ ເຮັດໃຫ້ຮູ້ສຶກຜິດຫວັງໄດ້ງ່າຍໆ ຫາກສິ່ງຕ່າງໆບໍ່ເປັນໄປດັ່ງທີ່ໃຈເຮົາຕັ້ງຂອບໃຫ້ກັບສິ່ງໆນັ້ນ ກາຍເປັນຈຸດເລີ່ມຕົ້ນຂອງຄວາມເຄັ່ງຄຽດ, ຄວາມວິຕົກກັງວົນ ແລະ ພະຍາດຊຶມເສົ້າ. ພະຍາຍາມຝຶກຈິດໃຈໃຫ້ປ່ອຍວາງກັບເລື່ອງຕ່າງໆ ໂດຍໃຊ້ຊີວິດຈົດຈໍ່ຢູ່ກັບສິ່ງທີ່ເຮັດຢູ່ຂະນະນັ້ນແທນ ເປັນຕົ້ນວ່າ ຖ້າເຮັດອາ ຫານຢູ່ກໍຈົດຈໍ່ຢູ່ກັບຂັ້ນຕອນຊອຍຜັກ ຫລື ຕົ້ມນຳ້ແກງໄປ ຢ່າປ່ອຍໃຈໃຫ້ລອຍໄປບ່ອນອື່ນ ຫາກເຮັດແບບນີ້ຈົນເປັນກິດຈະວັດ ຈະຊ່ວຍໃຫ້ປ່ອຍວາງອະດີດ ແລະ ບໍ່ຄາດຫວັງກັບອະນາຄົດໄດ້ງ່າຍຂຶ້ນ.

     7. ລະບາຍຄວາມຮູ້ສຶກ : ການມີສຸຂະພາບຈິດທີ່ດີນັ້ນ ບໍ່ໄດ້ໝາຍຄວາມວ່າເຮົາຫ້າມຮູ້ສຶກບໍ່ພໍໃຈສິ່ງໃດທັງໝົດ ເພາະໃນໂລກແຫ່ງຄວາມເປັນຈິງ ສະພາບອາລົມຕ່າງໆ ບໍ່ວ່າຈະແມ່ນຄວາມໃຈຮ້າຍ ຫງຸດຫງິດ, ຈິດຕົກ ລ້ວນເກີດເປັນປົກກະຕິ ແລະ ການເກີດຄວາມຮູ້ສຶກໃນແງ່ລົບ ບາງເທື່ອກໍສອນໃຫ້ເຮົາໄຈ້ແຍກບັນຫາຕ່າງໆ ແລະ ຫາວິທີຮັບມືກັບບັນຫາເຫລົ່ານັ້ນໄດ້ຄືກັນ, ແຕ່ເມື່ອຫາທາງຈັດການກັບຄວາມຮູ້ສຶກດ້ານລົບໄດ້ແລ້ວ ກໍຄວນປັດເປົ່າຄວາມຮູ້ສຶກລົບໆນີ້ໄປເລີຍ ຢ່າຈົມຢູ່ກັບອະດີດ ເພາະຈະ ເຮັດໃຫ້ບໍ່ມີຄວາມສຸກກັບປະຈຸບັນ ຈະລອງໃຊ້ວິທີລະບາຍຄວາມຮູ້ສຶກເບິ່ງກໍໄດ້ ໂດຍອາດຈະຂຽນບັນທຶກປະຈຳວັນລະບາຍກັບໂຕເອງ ຫລື  ເລົ່າໃຫ້ຄົນອື່ນຟັງ (ຄົນທີ່ໄວ້ໃຈໄດ້ ທັງໝູ່ສະໜິດ ຫລື ຄົນໃນຄອບຄົວ) ນອກຈາກຈະໄດ້ທົບທວນການກະທຳຂອງເຮົາຕໍ່ເລື່ອງເຫລົ່ານັ້ນແລ້ວ ຍັງຊ່ວຍໃຫ້ເຮົາໄດ້ປົດປ່ອຍຄວາມເຄັ່ງຄຽດອອກໄປໄດ້ນຳ.

- WhatsApp Image 2020 05 27 at 5 - 7 ວິທີຫລຸດຄວາມເຄັ່ງຄຽດ ຕື່ມພະລັງບວກໃຫ້ຊີວິດ
- WhatsApp Image 2020 05 27 at 5 - 7 ວິທີຫລຸດຄວາມເຄັ່ງຄຽດ ຕື່ມພະລັງບວກໃຫ້ຊີວິດ
error: Alert: ເນື້ອຫາຂ່າວມີລິຂະສິດ !!