4 ພຶດຕິກຳທີ່ເຮັດໃຫ້ຊີວິດຫລັງແຕ່ງດອງບໍ່ໝັ້ນຄົງ.

- 59 - 4 ພຶດຕິກຳທີ່ເຮັດໃຫ້ຊີວິດຫລັງແຕ່ງດອງບໍ່ໝັ້ນຄົງ.
- Untitled design - 4 ພຶດຕິກຳທີ່ເຮັດໃຫ້ຊີວິດຫລັງແຕ່ງດອງບໍ່ໝັ້ນຄົງ.

     ຈາກຜົນການສຶກສາວິໄຈລະບຸວ່າ : ລະຫ່ວາງໄລຍະເວລາທີ່ຄູ່ສົມລົດເກີດບັນຫາມີຢູ່ 4 ພຶດຕິກຳທີ່ສາມາດທວາຍການຢ່າຮ້າງຂອງທັງສອງໄດ້ແນ່ນອນ 90% ດັ່ງນີ້ :

     1. ການວິພາກວິຈານ (Criticism) :ການເວົ້າຈາທີ່ເໝົາລວມ ແລະ ກ່າວຫາອີກຝ່າຍ ເຊັ່ນ: ແມ່ຍິງກໍມັກເຮັດໂຕແບບນີ້ຄືກັນໝົດ ໜ້າລຳຄານແມ່ນການໂຈມຕີບຸກຄະລິກລັກສະນະຂອງອີກຝ່າຍ ແທນທີ່ະລົມກັນດີໆເຖິງພຶດຕິກຳ ແຕ່ລະຢ່າງທີ່ເຮົາບໍ່ມັກໃນໂຕເຂົາ, ການເມົາແຕ່ເວົ້າໃຫ້, ຕຳໜິ, ວິຈານ ບໍ່ຊ່ວຍໃຫ້ມີຫຍັງດີຂຶ້ນໄດ້ ແທນທີ່ຈະເວົ້າດີໆໃຫ້ອີກຝ່າຍເຂົ້າໃຈວ່າ ຂ້ອຍຮູ້ສຶກແນວໃດ”, “ຂ້ອຍຕ້ອງການຫຍັງ”.

     2. ຄວາມຮ້ອນໂຕ (Defensiveness) :ຮູ້ສຶກຈຳເປັນທີ່ຕ້ອງປ້ອງກັນໂຕ ເພາະຖືກກ່າວຫາ ຫລື ໃຊ້ຄວາມໃຈຮ້າຍ, ຄວາມໜ້າສົງສານ ເຮັດຄືໂຕເອງເປັນເຫຍື່ອໃນຄວາມສຳພັນນີ້. ມັນແກ້ບັນຫາການສື່ສານທີ່ບໍ່ກົງໃຈນີ້ບໍ່ໄດ້ດອກ ມັນປຽບດັ່ງການໂຍນຄວາມຜິດໃຫ້ອີກຝ່າຍເປັນຄົນຮັບແທນ ປຽບດັ່ງເຮົາພຽງຕ້ອງການໃຫ້ເຂົາໄປໄກໆກ່ອນ ຢຸດເວົ້າເລື່ອງບັນຫານີ້ໄດ້ແລ້ວນັ້ນເອງ.

     3. ການເມີນເສີຍ ຫລື ຖືເບົາ (Stonewalling) :ຟັງແບບຫູຊ້າຍອອກຫູຂວາ ໂດຍບໍ່ເກັບເອົາມາໃສ່ໃຈຄິດຕໍ່ໃດໆ, ບໍ່ໄດ້ມີການແກ້ໄຂບັນຫາໃດໆ ບາງເທື່ອມັນກໍເຮັດໃຫ້ອີກຝ່າຍດີຂຶ້ນໄດ້ ຍ້ອນມັກທີ່ບໍ່ໄດ້ມີການຕອບໂຕ້, ກະທົບກະທັ້ງໃດໆ ແຕ່ຖ້າມີໃຜເມີນເສີຍຖືເບົາເວລາເກີດບັນຫາແບບນີ້ຕໍ່ໄປເລື້ອຍໆ ບັນຫາທີ່ມີຢູ່ມັນກໍຈະບໍ່ໄດ້ແກ້ ມັນຊຳ້ພັດກາຍເປັນເຮັດເປັນລືມໆ ຊ່າງມັນ ຂີ້ ຄ້ານລົມ ກໍຈະເປັນຄວາມສຳພັນທີ່ຄືກັບມີໜຶ່ງຄົນທີ່ຕ້ອງລົມກັບກຳແພງຕະຫລອດເວລາໂດຍບໍ່ໄດ້ຮັບການຕອບກັບ ແລ້ວມັນຈະໄປລອດໄດ້ແນວໃດ.

- Wave100S AD to Website 2020 0 - 4 ພຶດຕິກຳທີ່ເຮັດໃຫ້ຊີວິດຫລັງແຕ່ງດອງບໍ່ໝັ້ນຄົງ.

     4.  ການດູຖູກ (Contempt):ເພິ່ນບອກວ່າຂໍ້ນີ້ເປັນຂໍ້ທີ່ຈະແຈ້ງທີ່ສຸດທີ່ຈະບອກໄດ້ເລີຍວ່າ ສອງຄົນນີ້ຕໍ່ໄປແມ່ນຢ່າຮ້າງກັນແນ່ນອນ ເຊິ່ງເປັນການຄິດວ່າໂຕເອງດີກ່ວາ ແລະ ຢູ່ເໜືອກ່ວາອີກຝ່າຍ ເຊັ່ນ : ເມຍເວົ້າໃຫ້ຜົວວ່າ ເຈົ້າໂງ່ເວົ້າຈາປະຊົດປະຊັນ, ການດູໝິ່ນຖາກຖາງ, ເວົ້າໃສ່, ເວົ້າທັບຖົມ ຫລື ການຢອກແບບສຽດສີ.

     ນອກນີ້ມີການສຶກສາບອກຕື່ມວ່າ : ຄູ່ຮັກທີ່ມັກມີການດູຖູກກັນ ແລະ ກັນໄປມາ ມັກເປັນພະຍາດຕິດຕໍ່ກັນທາງຮ່າງກາຍ ເຊັ່ນ : ໄຂ້ຫວັດ ເປັນໄຂ້ ຍ້ອນຄວາມເຄັ່ງຄຽດຈາກການກະທຳແບບນີ້ ມັນຄ່ອຍໆທຳລາຍລະບົບພູມຕ້ານທານຮ່າງກາຍເຮົາ ແລະ ຮ່າງກາຍມັນມະຫັດສະຈັນບ່ອນວ່າ ບໍ່ວ່າຈະເປັນທາງຮ່າງກາຍ – ຄວາມຄິດ – ຈິດໃຈ ມັນເຊື່ອມຕໍ່ກັນໄປໝົດເລີຍ.

     ເພິ່ນບອກວ່າຄູ່ຮັກທີ່ມີຄວາມສຸກນັ້ນ  ຈະບໍ່ມີການດູຖູກແລ່ນເຂົ້າມາໃນຄວາມສຳພັນຂອງພວກເຂົາເລີຍ.

- WhatsApp Image 2020 05 27 at 5 - 4 ພຶດຕິກຳທີ່ເຮັດໃຫ້ຊີວິດຫລັງແຕ່ງດອງບໍ່ໝັ້ນຄົງ.
- WhatsApp Image 2020 05 27 at 5 - 4 ພຶດຕິກຳທີ່ເຮັດໃຫ້ຊີວິດຫລັງແຕ່ງດອງບໍ່ໝັ້ນຄົງ.
error: Alert: ເນື້ອຫາຂ່າວມີລິຂະສິດ !!