ເລັ່ງປ້ອງກັນໄວຣັດ ໂຄໂຣນາ ການຕອບສະໜອງຜ້າອັດປາກບໍ່ພຽງພໍ ຂະແຫນງການກ່ຽວຂ້ອງຕ້ອງຮີບຮ້ອນແກ້ໄຂ

- 668 - ເລັ່ງປ້ອງກັນໄວຣັດ ໂຄໂຣນາ ການຕອບສະໜອງຜ້າອັດປາກບໍ່ພຽງພໍ ຂະແຫນງການກ່ຽວຂ້ອງຕ້ອງຮີບຮ້ອນແກ້ໄຂ
- Untitled design - ເລັ່ງປ້ອງກັນໄວຣັດ ໂຄໂຣນາ ການຕອບສະໜອງຜ້າອັດປາກບໍ່ພຽງພໍ ຂະແຫນງການກ່ຽວຂ້ອງຕ້ອງຮີບຮ້ອນແກ້ໄຂ

    ໃນວັນທີ 7 ກຸມພາ ນີ້, ນັກຂ່າວໜັງສືພິມລາວພັດທະນາ ໄດ້ລົງສຳພາດບັນດາຮ້ານຂາຍຢາ ແລະ ອຸປະກອນການແພດຕ່າງໆ, ໃນນະຄອນຫລວງວຽງຈັນ, ໃນການຮອງຮັບການຕອບຕ້ານພະຍາດປອດອັກເສບ ໄວຣັສ ໂຄໂຣນາ  ພາຍຫລັງມີການລະບາດຢ່າງຮ້າຍແຮງ ຢູ່ ສປ ຈີນ, ຊຶ່ງໄດ້ສົ່ງຜົນກະທົບເຮັດໃຫ້ການຕອບສະໜອງຜ້າອັດປາກ ຊຶ່ງເປັນສິນຄ້າທີ່ສັງຄົມຕ້ອງການ ເພື່ອຊ່ວຍປ້ອງກັນພະຍາດດັ່ງກ່າວ, ບໍ່ພຽງພໍກັບຄວາມຕ້ອງການ, ເພາະວ່າຢູ່ລາວເຮົາແມ່ນຍັງບໍ່ສາມາດຜະລິດໄດ້, ຊຶ່ງຜ່ານມາສ່ວນໃຫຍ່ແມ່ນນຳເຂົ້າຈາກຕ່າງປະເທດ, ໂດຍສະເພາະແມ່ນບັນດາປະເທດໃກ້ຄຽງເຮົາ, ແຕ່ປັດຈຸບັນປະເທດເພີ່ນກໍມີຄວາມຕ້ອງການຜ້າອະນາໄມອັດປາກນີ້ສູງເຊັ່ນກັນ, ຈຶ່ງເຮັດໃຫ້ຮ້ານຂາຍຢາຕ່າງໆນັ້ນບໍ່ມີຈຳໜ່າຍ, ດັ່ງ ທ່ານ ນາງ ອ່ອນ ເຈົ້າຂອງຮ້ານຂາຍຢາເຂດແຄມຂອງວັດຈັນ ບອກກັບນັກຂ່າວພວກເຮົາວ່າ: ພາຍຫລັງເກີດມີການລະບາດພະຍາດດັ່ງກ່າວນີ້, ໄດ້ເຮັດໃຫ້ມວນຊົນພາກັນມາຊື້ຜ້າອັດປາກເພື່ອປ້ອງກັນເປັນຈຳນວນຫລວງຫລາຍ, ຈົນເຮັດໃຫ້ສິນຂາດຕະຫລາດ ແລະ ບໍ່ມີຈຳໜ່າຍ, ພ້ອມນັ້ນກໍພົບເຫັນວ່າ: ການຈຳໜ່າຍຜ້າອະນາໄມດັ່ງກ່າວມີລາຄາແພງສູງຂຶ້ນຈາກປົກກະຕິຂາຍ 1 ກັບພຽງ 25.000 ກີບ, ແຕ່ປັດຈຸບັນ ມີຜູ້ສວຍໂອກາດຂຶ້ນ ລາຄາ ເປັນ 60-70 ພັນກີບ/ກັບ, ຊຶ່ງກຳລັງເປັນປະກົດການຫຍໍ້ທໍ້ໜຶ່ງໃນສັງຄົມ. ໃນຂະນະທີ່ກົມອາຫານ ແລະ ຢາ (ອຢ) ກະຊວງສາທາລະນະສຸກ ກໍໄດ້ມີແຈ້ງການຫ້າມຂາຍຂຶ້ນລາຄາເກີນເຫດ, ແຕ່ກໍຍັງມີຢູ່, ດັ່ງນັ້ນ ກໍຮຽກຮ້ອງໃຫ້ຂະແຫນງກ່ຽວຂ້ອງລົງກວດກາ ແລະ ມີມາດຕະການເຂັ້ມງວດຕື່ມ, ເພື່ອຄວບຄຸມ ແລະ ຊອກຫາວິທີການເພື່ອຕອບສະໜອງຜ້າອັດປາກນີ້ ໃຫ້ສັງຄົມໄດ້ພຽງພໍໃນການປ້ອງກັນໂຕເອງ ຫ່າງຈາກພະຍາດຮ້າຍດັ່ງກ່າວ.

    ເຈົ້າຂອງຮ້ານຂາຍຢາດັ່ງກ່າວຍັງໃຫ້ຮູ້ວ່າ: ຮ້ານຂາຍຢາຂອງຕົນໄດ້ຈຳໜ່າຍ ຜ້າອັດປາກສອງປະເພດຄື: ປະເພດທຳມະດາ ແລະ ປະເພດປ້ອງກັນຝຸ່ນ PM2,5 ໂດຍໄດ້ສັ່ງຊື້ມາຈາກປະເພດເພື່ອບ້ານເພື່ອມາຈຳໜ່າຍ. ແຕ່ປັດຈຸບັນ ຫລາຍປະເທດກຳລັງຕ້ອງການສິນຄ້າຊະນິດນີ້ເພີ່ມຂຶ້ນ ເຮັດໃຫ້ບໍ່ສາມາດຕອບສະໜອງຄວາມຕ້ອງການຂອງສັງຄົມພຽງພໍ.

    ສ່ວນບໍລິສັດ ຊີບີເອຟ ຟຣາມາ ຈຳກັດ ສາຂາ ນະຄອນຫລວງວຽງຈັນ ທີ່ເປັນບໍລິສັດແຫ່ງດຽວໃນລາວ ທີ່ນຳເຂົ້າຜ້າອັດປາກຈາກເພື່ອນບ້ານ ໄດ້ໃຫ້ຮູ້ວ່າ: ສິນຄ້າດັ່ງກ່າວ, ພວກເຮົາໄດ້ສັ່ງເພີ່ມເຕີມ ເນື່ອງຈາກຄວາມຕ້ອງການຂອງຕະຫລາດມີສູງ, ແຕ່ກໍບໍ່ສາມາດຕອບສະໜອງໄດ້, ເນື່ອງຈາກປະເທດເພື່ອນບ້ານກໍຂາດແຄນ ແລະ ສິນຄ້າທີ່ພວກເຮົາສັ່ງເກັບໄວ້ກ່ອນໜ້າກໍເຫລືອພຽງເລັກນ້ອຍ, ຊຶ່ງສ່ວນໃຫຍ່ພວກເຮົາໄດ້ກຽມໄວ້ໃຫ້ກັບໂຮງໝໍສູນກາງ ເພື່ອຫາກພົບກໍລະນີມີການລະບາດຂອງພະຍາດຮ້າຍນີ້ ແລະ ກໍຈະໄດ້ມີການຮັກສາ ແລະ ປ້ອງກັນ, ສຳລັບ ຮ້ານຂາຍຢາ ແລະ ມວນຊົນທີ່ມາສັ່ງຊື້ພວກເຮົາໄດ້ແຈ້ງວ່າບໍ່ມີ, ນອກຈາກນີ້, ກໍໄດ້ອອກແຈ້ງການວ່າ: ບໍ່ມີສິນຄ້າຕອບສະໜອງໂດຍບໍ່ມີກຳນົດ ແລະ ຂະນະດຽວກັນ ທາງບໍລິສັດ ກໍພະຍາຍາມ ທີ່ຈະສັ່ງຊື້ຜ້າອັດປາກ ມາຈຳໜ່າຍ ແຕ່ກໍມີບັນຫາ ເນື່ອງຈາກມີກຸ່ມຄົນບໍ່ດີທີ່ຜະລິດຜ້າອັດປາກປອມບໍ່ມີຄຸນນະພາບ ມາຈຳໜ່າຍ ສະນັ້ນ ຈຶ່ງຄວນລະວັງຕື່ມ.

- Wave100S AD to Website 2020 0 - ເລັ່ງປ້ອງກັນໄວຣັດ ໂຄໂຣນາ ການຕອບສະໜອງຜ້າອັດປາກບໍ່ພຽງພໍ ຂະແຫນງການກ່ຽວຂ້ອງຕ້ອງຮີບຮ້ອນແກ້ໄຂ
- WhatsApp Image 2020 05 27 at 5 - ເລັ່ງປ້ອງກັນໄວຣັດ ໂຄໂຣນາ ການຕອບສະໜອງຜ້າອັດປາກບໍ່ພຽງພໍ ຂະແຫນງການກ່ຽວຂ້ອງຕ້ອງຮີບຮ້ອນແກ້ໄຂ
- WhatsApp Image 2020 05 27 at 5 - ເລັ່ງປ້ອງກັນໄວຣັດ ໂຄໂຣນາ ການຕອບສະໜອງຜ້າອັດປາກບໍ່ພຽງພໍ ຂະແຫນງການກ່ຽວຂ້ອງຕ້ອງຮີບຮ້ອນແກ້ໄຂ
error: Alert: ເນື້ອຫາຂ່າວມີລິຂະສິດ !!