ນາຍົກລັດຖະມົນຕີ ເນັ້ນການພັດທະນາກະສິກຳສະອາດ ແລະ ສີຂຽວ ຢູ່ເມືອງສັງທອງ

- 776 - ນາຍົກລັດຖະມົນຕີ ເນັ້ນການພັດທະນາກະສິກຳສະອາດ ແລະ ສີຂຽວ ຢູ່ເມືອງສັງທອງ
- Untitled design - ນາຍົກລັດຖະມົນຕີ ເນັ້ນການພັດທະນາກະສິກຳສະອາດ ແລະ ສີຂຽວ ຢູ່ເມືອງສັງທອງ

​ໃນ​ວັນ​ທີ 7 ກຸມພາ​ນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ​ໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ຂະບວນການຜະລິດຂອງປະຊາຊົນ​ເມືອງ​ສັງ​ທອງ ນະຄອນຫລວງ​ວຽງ​ຈັນ ໃຫ້ຕິດພັນກັບກະສິກໍາສະອາດ ແລະ ສີຂຽວ.

ໃນໂອກາດຢ້ຽມຢາມ, ທ່ານນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍບັນດາການນຳຂອງເມືອງສັງທອງ ທີ່​ໄດ້​ເອົາ​ໃຈ​ໃສ່ພັດທະນາ​ເມືອງ​ຂອງ​ຕົນຢ່າງຕໍ່ເນື່ອງ ແລະ ມີໃບໜ້າໃໝ່ຕະຫລອດໄລຍະຜ່ານມາ ເປັນຕົ້ນແມ່ນ ການພັດທະນາພື້ນຖານໂຄງລ່າງ ແລະ ການຊອກຫາທ່າແຮງບົ່ມຊ້ອນ ​ເຊິ່ງໄດ້ຊຸກຍູ້ສົ່ງເສີມໃຫ້ປະຊາຊົນຂຸດຄົ້ນ ແລະ ນຳໃຊ້ຊັບພະຍາກອນທຳມະຊາດ ທີ່ມີເພື່ອມາປຸງແຕ່ງເປັນຜະລິດຕະພັນທີ່ມີມູນຄ່າ ແລະ ສ້າງລາຍຮັບເຂົ້າສູ່ຄອບຄົວ, ເຮັດໃຫ້ປະຊາຊົນມີວຽກເຮັດງານທຳ ແລະ ມີລາຍຮັບສາມາດກ້າວໄປສູ່ການຫລຸດພົ້ນອອກຈາກຄວາມທຸກຍາກເທື່ອລະກ້າວ. ພ້ອມດຽວກັນ, ກໍສາມາດດຶງດູດເອົາການລົງທຶນ, ການຮ່ວມມື ແລະ ການຊ່ວຍເຫລືອ ຈາກໂຄງການຕ່າງໆທັງພາຍໃນ ແລະ ຕ່າງປະເທດ ເຂົ້າມາພັດທະນາເມືອງສັງທອງ ເພື່ອເຮັດໃຫ້ເສດຖະກິດ-ສັງຄົມມີການພັດທະນາ ແລະ ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນເທື່ອລະກ້າວ. ຂະນະ​ດຽວກັນ, ທ່ານນາຍົກລັດຖະມົນຕີ ກໍໄດ້ເນັ້ນໃຫ້ອຳນາດການປົກຄອງເມືອງ ກໍຄືປະຊາຊົນບັນດາ​ເຜົ່າ​ຈົ່ງສືບຕໍ່ເອົາໃຈໃສ່ຂະຫຍາຍທ່າແຮງຂອງຕົນ ເປັນຕົ້ນແມ່ນ ການພັດທະນາຂະແໜງກະສິກຳ ແລະ ການທ່ອງທ່ຽວ ໄປຄຽງຄູ່ກັບການພັດທະ ນາອຸດສາຫະກຳ ໂດຍໃຫ້ມີການວາງແຜນລະອຽດຊັດເຈນ ແລະ ແທດເໝາະກັບສະພາບເງື່ອນໄຂຂອງແຕ່ລະ​ດ້ານ.

​ໃນໂອກາດນີ້, ທ່ານເຈົ້າເມືອງສັງທອງ ກໍໄດ້ລາຍງານກ່ຽວກັບສະພາບການພັດທະນາເສດຖະກິດ-ສັງຄົມຂອງເມືອງໂດຍຫຍໍ້ວ່າ: ປັດຈຸບັນພື້ນຖານການຜະລິດ ແລະ ການບໍລິການຕ່າງໆ ໄດ້ມີການພັດທະນາຢ່າງຕໍ່ເນື່ອງ ຄືທົ່ວເມືອງມີເນື້ອທີ່ກະສິກຳທັງໝົດ 29 ພັນກວ່າເຮັກຕາ ເຊິ່ງປີ 2019 ຜ່ານ​ມາ​ນີ້ ສາມາດຜະລິດເຂົ້ານາປີໄດ້ 8.500 ເຮັກຕາ, ນາແຊງ​ 53 ເຮັກຕາ, ພືດອຸດສາຫະກຳ 1.155 ເຮັກຕາ, ໄມ້ໃຫ້ໝາກ 216 ເຮັກຕາ ແລະ ການລ້ຽງສັດປະ​ເພດ​ຕ່າງໆ​ກໍ​ມີ​ການ​ຂະຫຍາຍຕົວ​ເຊັ່ນ: ງົວ,​ ແບ້,​ ໝູ, ໄກ່ ແລະ ອື່ນໆ.

- Wave100S AD to Website 2020 0 - ນາຍົກລັດຖະມົນຕີ ເນັ້ນການພັດທະນາກະສິກຳສະອາດ ແລະ ສີຂຽວ ຢູ່ເມືອງສັງທອງ

ພ້ອມນັ້ນ, ທ່ານ​ນາຍົກ ກໍໄດ້ລົງຢ້ຽມຢາມພື້ນຖານການຜະລິດຂອງປະຊົນ  ເປັນຕົ້ນແມ່ນກຸ່ມການຜະລິດຕະພັນໄມ່ປ່ອງ ຢູ່ບ້ານນາປໍ, ຟາມລ້ຽງງົວ ຢູ່ບ້ານເພຍລາດ, ຟາມເຕົ່າ, ຟາມປູກໝາກແຕງ ລວມທັງພົບປະໂອ້ລົມ ແລະ ຊຸກປະຊາຊົນບ້ານຊໍ້ ເຊິ່ງແມ່ນໜຶ່ງໃນສາມບ້ານຂອງໂຄງການທົດລອງຮ່ວມມືແກ້ໄຂຄວາມທຸກຍາກ ລາວ-ຈີນ ທີ່ເປັນໂຄງກາຮ່ວມມືລະຫວ່າງສອງລັດຖະບານ ມູນຄ່າ 40 ຕື້ກວ່າກີບ ແນໃສ່ພັດທະນາໂຄງລ່າງພື້ນຖານ ແລະ ປັບປຸງຊີວິດການເປັນຢູ່ຂອງປະຊາຊົນ​ໃຫ້​ດີ​ຂຶ້ນ.

- WhatsApp Image 2020 05 27 at 5 - ນາຍົກລັດຖະມົນຕີ ເນັ້ນການພັດທະນາກະສິກຳສະອາດ ແລະ ສີຂຽວ ຢູ່ເມືອງສັງທອງ
- WhatsApp Image 2020 05 27 at 5 - ນາຍົກລັດຖະມົນຕີ ເນັ້ນການພັດທະນາກະສິກຳສະອາດ ແລະ ສີຂຽວ ຢູ່ເມືອງສັງທອງ
error: Alert: ເນື້ອຫາຂ່າວມີລິຂະສິດ !!