ຄວນຊຸກຍູ້ສົ່ງເສີມຄົນເກັ່ງ

- 658 - ຄວນຊຸກຍູ້ສົ່ງເສີມຄົນເກັ່ງ
- Untitled design - ຄວນຊຸກຍູ້ສົ່ງເສີມຄົນເກັ່ງ

ລູກເມືອງພວນ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ເວົ້າເລື່ອງການຊຸກຍູ້ສົ່ງເສີມຄົນເກັ່ງ ເພື່ອເປັນກຳລັງແຮງ, ເປັນໜໍ່ແໜງທີ່ສຳຄັນໃຫ້ແກ່ການພັດທະນາສ້າງສາປະເທດຊາດນັ້ນ, ເບິ່ງລວມແລ້ວ ຢູ່ບ້ານເຮົາແມ່ນຍັງເຮັດບໍ່ທັນໄດ້ດີເທົ່າທີ່ຄວນ. ດັ່ງນັ້ນ, ຄົນຈຶ່ງບໍ່ມີຄວາມກະຕືລືລົ້ນໃນການບືນຕົວ, ສ້າງຕົວ ແລະ ພັດທະນາຕົນເອງໃຫ້ກາຍເປັນຄົນເກັ່ງຂອງປະເທດຊາດ. ຊຶ່ງຕ່າງກັບຢູ່ຕ່າງປະເທດອື່ນເຂົາ, ເມື່ອພົບເຫັນບຸກຄົນໂດດເດັ່ນ, ເກັ່ງຂຶ້ນມາດ້ານໃດດ້ານໜຶ່ງ  ເພີ່ນຈະເອົາໃຈໃສ່ຕິດຕາມ, ກໍ່ສ້າງ ໃຫ້ການຊຸກຍູ້ຊ່ວຍເຫຼືອທັນທີ ເຊັ່ນ: ໃຫ້ຂອງຂວັນລາງວັນ, ຊຸກຍູ້ສົ່ງເສີມລົງທຶນໃຫ້ໄປຮຽນຕໍ່ຢູ່ພາຍໃນ ແລະ ຕ່າງປະເທດ, ບຳລຸງກໍ່ສ້າງຢູ່ຕາມສະຖາບັນ​ເກັ່ງໆດັງໆຂອງໂລກ, ໃຫ້ບູລິມະສິດພິເສດດ້ານເບ້ຍລ້ຽງ, ທຶນການສຶກສາ ເພື່ອຫຼໍ່ລ້ຽງພອນສະຫວັນ ແລະ ພອນສະແຫວງຂອງພວກເຂົາໃຫ້ໂດດເດັ່ນ ແລະ ເກັ່ງຂຶ້ນມາເລື້ອຍໆ ທັງນີ້ກໍເພື່ອເປັນການສ້າງໃຫ້ພວກເຂົາເຫຼົ່ານັ້ນກາຍເປັນໝໍ່ແໜງນັກວິທະຍາສາດ, ນັກຄົ້ນຄ້ວາ, ນັກວິຊາການ ທີ່ມີຄວາມຊຳນິຊຳນານໃຫ້ແກ່ປະເທດຊາດໃນອະນາຄົດ.

ຜ່ານມາ, ຄົນລາວກໍມີຫຼາຍຄົນເກັ່ງໃນດ້ານຕ່າງໆ ເຊັ່ນ: ຄະນິດສາດ, ຟີຊິກສາດ, ເຄມີສາດ, ນັກກີລາ, ນັກສະແດງ, ນັກຮ້ອງ, ນັກປະພັນ, ສິລະປະວັນນະຄະດີ, ນັກປະດິດຄິດແຕ່ງ, ນັກວິສາວະກຳສາດ ​ແລະ ອື່ນໆ ທຸກສາຂາວິຊາຊີບລ້ວນແຕ່ມີຄົນເກັ່ງທັງນັ້ນ ແຕ່ພວກເຂົາເຫຼົ່ານັ້ນສ່ວນ​ໜຶ່ງບໍ່ທັນຮັບ​ໄດ້ການເອົາໃຈໃສ່ ແລະ ທະນຸບຳລຸງຈາກພາກລັດຢ່າງຈິງຈັງ ​ແລະ ເຖິງຖອງ ເພື່ອໃຫ້ພວກເຂົາເຈົ້າໄດ້ກາຍເປັນໜໍ່ແໜງຄົນ​ເກັ່ງ​ຂອງຊາດ ໃນທີ່ສຸດກໍລຸ່ຍຫ້ຽນໄປໃນຕົວ ໂດຍບໍ່ມີປະໂຫຍດຫຍັງໃຫ້ແກ່ປະເທດຊາດຈາກເຂົາເຈົ້າເລີຍ.

- Wave100S AD to Website 2020 0 - ຄວນຊຸກຍູ້ສົ່ງເສີມຄົນເກັ່ງ

ເຖິງເວລາແລ້ວ ທີ່ພວກເຮົາ ໂດຍສະເພາະແມ່ນຂະແໜງການສຶກສາຈະຕ້ອງໄດ້ຕັ້ງບັນຫາ ແລະ ເບິ່ງຄືນໃໝ່ໃນການທະນຸບຳລຸງກໍ່ສ້າງຄົນເກັ່ງໃກ້ແກ່ປະເທດຊາດບ້ານເມືອງ, ຢ່າປະຖິ້ມຄົນເກັ່ງ ຢ່າເລ່ັງໃສ່ແຕ່ຄົນເຈົ້າຄົນຂ້ອຍ ພັກພວກຈຸ້ມເຈື້ອຂອງຕົນເອງ. ຄົນເກັ່ງຄືໜໍ່ແໜງທີ່ສຳຄັນຂອງປະເທດຊາດ ແມ່ນຖັນແຖວນັກປາດ ສາດສະດາຈານແຫ່ງຍຸກສະໄໝ. ເມື່ອມີຄົນເກັ່ງເກີດຂຶ້ນ ຈະແມ່ນດ້ານໃດດີ ຄວນສົ່ງ​ເສີມ​ເຂົາ​ເຈົ້າດ້ວຍ​ຄວາມ​ເໝາະ​ສົມ. ຢ່າປະໃຫ້ເສຍໂອກາດ ຈົ່ງຍາດເອົາຄົນເກັ່ງໄວ້ໃຫ້ປະເທດຊາດມັນ​ຈຶ່ງ​ຈະ​ຮຸ່ງ​ເຮືອງ​ສີວິ​ໄລ.

- WhatsApp Image 2020 05 27 at 5 - ຄວນຊຸກຍູ້ສົ່ງເສີມຄົນເກັ່ງ
- WhatsApp Image 2020 05 27 at 5 - ຄວນຊຸກຍູ້ສົ່ງເສີມຄົນເກັ່ງ
error: Alert: ເນື້ອຫາຂ່າວມີລິຂະສິດ !!