ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ

- 82 1 - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ
- Untitled design - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ

      ​ເມື່ອ​ມໍ່ໆ​ມາ​ນີ້ ​ໄດ້​ມີກະ​ແສ​ຂ່າວທາງສື່ສັງຄົມອອນລາຍອອກ​ມາວ່າ: ຢູ່ແຂວງຜົ້ງສາລີ ມີຜູ້ຕ້ອງສົງໄສວ່າຕິດເຊື້ອພະຍາດອັກເສບປອດສາຍພັນໃຫມ່ ຫລື ໂຄໂຣນາໄວຣັສຈໍານວນ 27 ຄົນ ແລະ ມີຜູ້ເສຍຊີວິດແລ້ວ 3 ຄົນນັ້ນບໍ່ມີມູນຄວາມຈິງ ມັນ​ເປັນ​ພຽງ​ຂ່າວ​ລື​ຂອງ​ພວກ​ບໍ່​ດີ​ເທົ່າ​ນັ້ນ.

- 42 - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ

ດັ່ງນັ້ນ ຈຶ່ງຮຽກຮ້ອງໃຫ້ສັງຄົມຢ່າຫລົງເຊື່ອ ແລະ ຂໍ​ເຕືອນ​ໃຫ້​ມີ​ສະຕິ​ໃນ​ການບໍລິໂພກຂໍ້ມູນຂ່າວສານຢ່າງ​ຖືກຕ້ອງ ເພາະທຸກໆຂໍ້ມູນການລາຍງານຜູ້ຕິດເຊື້ອຂອງທາງ ການລາວແມ່ນສາມາດກວດສອບໄດ້ໂດຍຜ່ານອົງການອະນາໄມໂລກປະຈໍາລາວ ເຊິ່ງບໍ່ມີການປົກປິດຂໍ້ມູນຄວາມຈິງແຕ່ຢ່າງໃດ.

- 4 1024x576 - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ

ດັ່ງ​ທ່ານ ດຣ. ສີສະຫວາດ ສຸດທາລີລະໄຊ ຮອງຫົວຫນ້າກົມຄວບຄຸມພະຍາດຕິດຕໍ່ ກະຊວງສາທາ ລະນະສຸກ ໃຫ້ສໍາພາດຕໍ່ສື່ມວນຊົນໃນວັນທີ 8 ກຸມພານີ້ວ່າ: ພາຍຫລັງໄດ້ຮັບແຈ້ງວ່າມີສື່ອອນລາຍອອກຂ່າວວ່າຢູ່ແຂວງຜົ້ງສາລີພົບຜູ້ຕິດເຊື້ອພະຍາດດັ່ງກ່າວ​ຫລາຍ​ເຖິງ 27 ຄົນ ​ແລະ ມີ​ຜູ້ເສຍຊີວິດແລ້ວ 3 ຄົນ, ກະຊວງສາທາລະນະສຸກກໍ​ໄດ້​ຮີບ​ຮ້ອນຈັດກອງປະຊຸມຮ່ວມກັບຫນ່ວຍງານແພດຫມໍແຂວງຜົ້ງສາລີຜ່ານໂທລະສັບ ເພື່ອສອບສວນກ່ຽວກັບເລື່ອງນີ້ ພ້ອມທັງແຕ່ງຕັ້ງຫນ່ວຍງານແພດລົງກວດກາ​ຢູ່​ບ່ອນສົງ​ໄສຢ່າງລະອຽດ ແລະ ບໍ່​ພົບຜູ້ຕິດເຊື້ອ ຫລື ເສຍຊີວິດ ຍ້ອນພະຍາດ​ແຕ່​ຢ່າງ​ໃດ ​ແລະ ປັດຈຸບັນຫນ່ວຍງານສະເພາະກິດໃນການສະກັດກັ້ນພະຍາດນີ້ ຍັງສືບ​ຕໍ່ຕິດຕາມເຝົ້າລະວັງຢ່າງຕໍ່ເນື່ອງ. ດັ່ງນັ້ນ ຈຶ່ງຮຽກຮ້ອງໃຫ້ສັງຄົມຈົ່ງ​ໄດ້ເຊື່ອຫມັ້ນຕໍ່ການຈັດຕັ້ງປະຕິບັດວຽກງານຂອງທາງການລາວດ້ວຍ.

- Wave100S AD to Website 2020 0 - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ
- 8 1 - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ

       ທ່ານ ດຣ. ສີສະຫວາດ ສຸດທາລີລະໄຊ ໃຫ້ຮູ້ຕື່ມວ່າ: ປັດຈຸບັນຢູ່ລາວຍັງບໍ່ພົບ​ເຫັນ​ຜູ້ເປັນພະຍາດອັກເສບປອດສາຍພັນໃຫມ່ນີ້ເທື່ອ ມີພຽງກໍລະນີສົງ​ໄສເທົ່ານັ້ນ ເຊິ່ງບຸກຄົນດັ່ງກ່າວແມ່ນໄດ້ຜ່ານການກວດສຸຂະພາບເປັນຢ່າງດີ ແລະ ໄດ້ຮັບການຢັ້ງຢືນຈາກອົງການອະນານາໂລກວ່າບໍ່ເປັນພະຍາດອັກເສບ ປອດສາຍພັນໃຫມ່ດັ່ງກ່າວ. ​ແຕ່​ເຖິງ​ຢ່າງ​ໃດ​ກໍ​ດີ, ​ເພື່ອ​ສາມາດ​ສະກັດ​ກັ້ນ ​ແລະ ປ້ອງກັນບໍ່ໃຫ້ເຊື້ອພະຍາດນີ້​ເຂົ້າມາ​ຮຸກ​ຮານ ຈຶ່ງ​ຂໍ​ໃຫ້ທຸກຄົນໃນສັງຄົມຄວນຫຼີກລ່ຽງການເດີນທາງໄປເຂດທີ່ມີການລະບາດ ຫຼື ຊຸມຊົນແອອັດ, ຖ້າຈຳເປັນຄວນຫຼີກລ່ຽງການສຳຜັດໃກ້ຊິດກັບຄົນທີ່ມີອາການຄ້າຍຄືໄຂ້ຫວັດເຊັ່ນ: ໄຂ້, ໄອ, ເຈັບຄໍ ແລະ ຫາຍໃຈຍາກ ປະຕິບັດມາລະຍາດໃນການໄອຈາມດ້ວຍການອັດປາກ ແລະ ດັງ, ໃຊ້ຜ້າອັດປາກ, ລ້າງມືຂອງທ່ານທຸກຄັ້ງດ້ວຍສະບູ ຫຼື ນ້ຳຢາຂ້າເຊື້ອທີ່​ມີ​ການ​ສຳຜັດ​ກັບ​ສິ່ງ​ສົງ​ໄສ. ຫຼີກລ່ຽງການສຳຜັດສັດເປັນ ຫຼື ຕາຍ ແລະ ເວລາກ່ອນທີ່ຈະໃສ່ຜ້າອັດປາກ-ດັງແມ່ນລ້າງມືໃຫ້ສະອາດດ້ວຍເຫຼົ້າ, ສະບູ ແລະ ນ້ຳສະອາດ. ເວລາໃສ່ຕ້ອງອັດປົກປິດເອົາປາກ ແລະ ດັງ,ຮັບປະກັນວ່າບໍ່ໃຫ້ມີຊ່ອງຫວ່າງ.ຖ້າພົບເຫັນກໍລະນີສົງ​ໄສວ່າຕິດ​ເຊື້ອພະຍາດ​ນີ້ໃຫ້ໂທແຈ້ງສາຍດ່ວນຫມາຍເລກ 166 ​ໄດ້ຕະຫລອດ 24 ຊົ່ວໂມງ.

- WhatsApp Image 2020 05 27 at 5 - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ
- WhatsApp Image 2020 05 27 at 5 - ແຂວງຜົ້ງສາລີ​ຍັງ​ບໍ່​ພົບ​ເຫັນມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ
error: Alert: ເນື້ອຫາຂ່າວມີລິຂະສິດ !!