ນະຄອນຫລວງເລັ່ງປັບປຸງການບໍລິການຂົນສົ່ງສາທາລະນະ

- 56 3 - ນະຄອນຫລວງເລັ່ງປັບປຸງການບໍລິການຂົນສົ່ງສາທາລະນະ
- Untitled design - ນະຄອນຫລວງເລັ່ງປັບປຸງການບໍລິການຂົນສົ່ງສາທາລະນະ

ປັດຈຸບັນ, ສະຖານນີລົດເມນະຄອນຫລວງວຽງຈັນ ວາງແຜນປັບປຸງລະບົບຂົນສົ່ງສາທາລະນະຂອງ​ຕົນໃຫ້ດີຂຶ້ນ ໂດຍມີການກຳນົດໃໝ່ກ່ຽວກັບລະບົບການຂົນສົ່ງ, ລາຄາ ແລະ ຈຳນວນສາຍທາງ ເພື່ອໃຫ້ແທດເຫມາະກັບຜູ້ຊົມໃຊ້ຕົວຈິງຄື: ເມື່ອທ້າຍອາທິດຜ່ານມານີ້, ກະຊວງໂຍທາທິການ ແລະ ຂົນສົ່ງ ແລະ ລັດວິສາຫະກິດ ລົດເມ ນະຄອນຫຼວງວຽງຈັນ ຮ່ວມກັບ ອົງການຮ່ວມມືສາກົນຍີ່ປຸ່ນ (ໄຈກ້າ) ໄດ້ຈັດກອງປະຊຸມປຶກສາຫາລືກ່ຽວກັບໂຄງການປັບປຸງປະສິດທິພາບຂອງລັດວິສາຫະກິດລົດເມນະຄອນຫຼວງວຽງຈັນ ໄລຍະ II ໂດຍການເປັນປະທານຂອງທ່ານ ບຸນຕາ ອ່ອນວົງສີ ຫົວໜ້າກົມຂົນສົ່ງ ກະຊວງໂຍທາທິການ ແລະ ຂົນສົ່ງ.

      

ໃນກອງປະຊຸມຕ່າງ​ກໍໄດ້ປຶກສາຫາລືປະກອບຄໍາຄິດເຫັນກ່ຽວກັບການຈັດຕັ້ງປະຕິບັດໜ້າວຽກຕ່າງໆຂອງລັດວິສາຫະກິດລົດເມນະຄອນຫຼວງວຽງຈັນວ່າ: ໃນຕໍ່ໜ້າຈະສຸມໃສ່ການກໍານົດນະໂຍບາຍແບບຮັດກຸມຕໍ່ການຂົນສົ່ງສາທາລະນະ ​ແລະ ຄວນກໍານົດໄວ້ໃນແຜນແມ່ບົດວ່າດ້ວຍການຂົນສົ່ງໃນຕົວເມືອງ, ປັບປຸງລະບົບ City2 ເຂົ້າກັບລະບົບສາຍທາງຂອງ City 1 (ຕາຕະລາງເວລາ, ການສະໜອງຂໍ້ມູນລົດເມຜ່ານ Google Map, ການໃຫ້ບໍລິການທີ່ໜ້າເຊື່ອຖື), ຈັດກິດຈະກໍາເພື່ອສ້າງຄວາມເຂັ້ມແຂງໃນການບໍລິຫານຄຸ້ມຄອງກ່ຽວກັບການເດີນທາງ, ຊຸກຍູ້ສົ່ງເສີມໃຫ້ມວນຊົນຫັນມານໍາໃຊ້ລະບົບການຂົນສົ່ງສາທາລະນະໃຫ້ຫຼາຍຂຶ້ນ ແລະ ກໍານົດມາດຕະການການຈອດຍານພາຫະນະທີ່ບໍ່ເປັນລະບຽບຢ່າງເຂັ້ມງວດ. ປັດຈຸບັນ ສະຖານນີລົດເມ ນະຄອນຫລວງງວຽງຈັນ ມີສາຍທາງບໍລິການກວ່າ 30 ສາຍທາງ ແລະ ມີລົດເມຫລາຍກວ່າ 30 ຄັນ. ພ້ອມນັ້ນ ຍັງມີລົດເມບໍລິການລະຫວ່າງປະເທດຕື່ມອີກ.
    

- Wave100S AD to Website 2020 0 - ນະຄອນຫລວງເລັ່ງປັບປຸງການບໍລິການຂົນສົ່ງສາທາລະນະ

ໃນໂອກາດດຽວກັນນີ້, ພັນໂທ ສັງຄົມ ພົມມະລາດ ຮອງຫົວໜ້າພະແນກຈະລາຈອນ ນະຄອນຫຼວງວຽງຈັນ ໄດ້ປະກອບຄໍາຄິດເຫັນກ່ຽວກັບໂຄງການປັບປຸງປະສິດທິພາບ ລັດວິສາຫະກິດລົດເມນະຄອນຫຼວງວຽງຈັນວ່າ: ປັດຈຸບັນອັດຕາການນໍາໃຊ້ການຂົນສົ່ງສາທາລະນະໃນຕົວເມືອງຢູ່ນະຄອນຫຼວງວຽງຈັນແມ່ນຍັງຕໍ່າ ຄົນສ່ວນຫຼາຍແມ່ນນໍາໃຊ້ລົດສ່ວນຕົວໃນການເດີນທາງ ເຊິ່ງເປັນສາເຫດໜຶ່ງທີ່ເຮັດໃຫ້ການສັນຈອນແອອັດໃນຕົວເມືອງນັບມື້ເພີ່ມຂຶ້ນ. ສະນັ້ນ, ການສົ່ງເສີມໃຫ້ປະຊາຊົນຫັນມານໍາໃຊ້ລົດເມສາທາລະນະ ແລະ ການປັບປຸງການຂົນສົ່ງສາທາລະນະ ໃຫ້ສະດວກສະບາຍຂຶ້ນເປັນປັດໃຈໜຶ່ງທີ່ສໍາຄັນໃນການແກ້ໄຂບັນຫາການສັນຈອນແອອັດໃນຕົວເມືອງ.

- WhatsApp Image 2020 05 27 at 5 - ນະຄອນຫລວງເລັ່ງປັບປຸງການບໍລິການຂົນສົ່ງສາທາລະນະ
- WhatsApp Image 2020 05 27 at 5 - ນະຄອນຫລວງເລັ່ງປັບປຸງການບໍລິການຂົນສົ່ງສາທາລະນະ
error: Alert: ເນື້ອຫາຂ່າວມີລິຂະສິດ !!