ອຸຕຸນິຍົມເຕືອນໃຫ້ເອົາໃຈໃສ່ຮັກສາສຸຂະພາບຈາກການປ່ຽນແປງຂອງສະພາບອາກາດ

- 68 2 - ອຸຕຸນິຍົມເຕືອນໃຫ້ເອົາໃຈໃສ່ຮັກສາສຸຂະພາບຈາກການປ່ຽນແປງຂອງສະພາບອາກາດ
- AGL banner - ອຸຕຸນິຍົມເຕືອນໃຫ້ເອົາໃຈໃສ່ຮັກສາສຸຂະພາບຈາກການປ່ຽນແປງຂອງສະພາບອາກາດ

ກົມອຸຕຸນິຍົມແລະອຸທົກກະສາດໄດ້ເຕືອນໃຫ້ປະຊາຊົນບັນດາເຜົ່າເອົາໃຈໃສ່ຮັກສາສຸຂະພາບໃຫ້ດີ, ພ້ອມທັງກວດກາເບິ່ງຄວາມແໜ້ນໜາຂອງເຮືອນຊານແລະອາຄານຕ່າງໆເພື່ອໃຫ້ສາມາດປ້ອງກັນແລະຮັບມືກັບຄວາມອັນຕະລາຍຕ່າງໆທີ່ຈະເກີດຈາກການປ່ຽນແປງຂອງສະພາບອາກາດໃນຕໍ່ໜ້າ, ຊຶ່ງຜ່ານການຄາດຄະເນສະພາບອາກາດຂອງກົມດັ່ງກ່າວໃນໄລຍະທ້າຍເດືອນກຸມພາໄປຈົນຮອດເດືອນເມສານີ້ສະພາບອາກາດຈະມີການປ່ຽນແປງໄວວາໃນລັກສະນະໜາວຫາໜາວເຢັນແລະກາຍເປັນອາກາດຮ້ອນຫາຮ້ອນເອົ້າ, ພ້ອມທັງມີລົມພັດແຮງສະລັບຊັບປ່ຽນຢູ່ຕະຫລອດ, ເຊິ່ງລັກສະນະເຊັ່ນນີ້ຈະສົ່ງຜົນກະທົບບໍ່ດີຕໍ່ສຸຂະພາບຂອງປະຊາຊົນ, ໂດຍສະເພາະຜູ້ເຖົ້າແລະເດັກນ້ອຍແລະໃນໄລຍະທ້າຍເດືອນມີນາຫາເດືອນເມາສາແມ່ນຈະມີອາກາດຮ້ອນເອົ້າຫລາຍ, ພ້ອມທັງຈະມີລົມພະຍຸລະດູຮ້ອນອາດພາໃຫ້ເກີດຝົນຕົກ, ຟ້າຜ່າ, ໝາກເຫັບຕົກຢູ່ບາງທ້ອງຖິ່ນ,ເຊິ່ງຈະເຮັດໃຫ້ຕົ້ນໄມ້, ເສົາໄຟຟ້າຫັກລົ້ມແລະເຮືອນຊານບ້ານຊ່ອງເປ່ເພເສຍຫາຍ. ນອກນີ້, ໃນໄລຍະ 2 ເດືອນຕໍ່ໜ້າຝົນຈະຕົກໜ້ອຍ,​ ເຮັດໃຫ້ລະດັບນໍ້າຂອງແລະແມ່ນໍ້າສາຂາບົກແຫ້ງລົງແລະອາດເກີດສະພາບໄພແຫ້ງແລ້ງຢູ່ຫລາຍທ້ອງຖິ່ນ, ໂດຍສະເພາະເຂດພາກເໜືອແລະພາກກາງ, ດັ່ງນັ້ນຄວນມີການວາງແຜນຄຸ້ມຄອງແລະນໍາໃຊ້ນໍ້າໃຫ້ມີປະສິດທິຜົນແລະປະຢັດໃນຊ່ວງໄລຍະດັ່ງກ່າວ, ພ້ອມທັງເອົາໃຈໃສ່ຕິດຕາມສະພາບອາກາດເປັນປະຈໍາຈາກອຸຕຸນິຍົມ.

ສໍາລັບສະພາບອາກາດນັບແຕ່ໄລຍະກາງຫາທ້າຍເດືອນກຸມພານີ້, ເຫັນວ່າມວນອາກາດເຢັນຈະມີກໍາລັງແຮງເພີ່ມຂຶ້ນ, ຊຶ່ງຈະເຮັດໃຫ້ອຸນຫະພູມຫລຸດລົງຕື່ມ 1-3 ອົງສາໃນແຕ່ລະພາກ, ພ້ອມຈະມີອາກາດແປປວນເກີດຂຶ້ນເຮັດໃຫ້ມີຝົນຕົກ, ຟ້າຮ້ອງ. ຈາກນັ້ນໄລຍະທ້າຍເດືອນມວນອາກາດເຢັນຈະອ່ອນກໍາລັງລົງ, ຊຶ່ງເຮັດໃຫ້ອາກາດຮ້ອນຂຶ້ນ, ໂດຍສະເພາະເຂດພາກຕາເວັນຕົກລົງຫາພາກກາງແລະພາກໃຕ້.

- Wave100S AD to Website 2020 0 - ອຸຕຸນິຍົມເຕືອນໃຫ້ເອົາໃຈໃສ່ຮັກສາສຸຂະພາບຈາກການປ່ຽນແປງຂອງສະພາບອາກາດ
- lattana 1 - ອຸຕຸນິຍົມເຕືອນໃຫ້ເອົາໃຈໃສ່ຮັກສາສຸຂະພາບຈາກການປ່ຽນແປງຂອງສະພາບອາກາດ
error: Alert: Content is protected !!