ໃນປີຜ່ານມາ ເສດຖະກິດຂອງລາວເຕີບໂຕໃນຈັງຫວະທີ່ຊ້າ

- 66 - ໃນປີຜ່ານມາ ເສດຖະກິດຂອງລາວເຕີບໂຕໃນຈັງຫວະທີ່ຊ້າ
- AGL banner - ໃນປີຜ່ານມາ ເສດຖະກິດຂອງລາວເຕີບໂຕໃນຈັງຫວະທີ່ຊ້າ

ກອງປະຊຸມເຜີຍແຜ່ປື້ມບົດປະເມີນສະພາບເສດຖະກິດມະຫາພາກຂອງລາວ ປີ 2019 ແລະ ບາງປະເດັນທີ່ຄວນເອົາໃສ່ໃນຕໍ່ໜ້າ, ໄດ້ຈັດຂຶ້ນໃນວັນທີ 11 ກຸມພາ ນີ້, ຢູ່ສະຖາບັນຄົ້ນຄວ້າເສດຖະກິດແຫ່ງຊາດ ນະຄອນຫຼວງວຽງຈັນ, ໂດຍການເປັນປະທານຂອງທ່ານ ລີເບີ ລີບົວປາວ ຮັກສາການຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດ, ເພື່ອເຜີຍແຜ່ປື້ມບົດປະເມີນສະພາບເສດຖະກິດມະຫາພາກປະຈຳປີ 2019 ຂອງສະຖາບັນດັ່ງກ່າວ ແລະ ທ່າອ່ຽງປີ 2020. ພ້ອມສະເໜີທິດທາງ ແລະ ວິທີການແກ້ໄຂບັນຫາ ທີ່ເຫັນວ່າມີຄວາມຈຳເປັນທີ່ຕ້ອງໄດ້ແກ້ໄຂ ເພື່ອເປັນເສນາທິການໃຫ້ແກ່ພັກ ແລະ ລັດຖະບານ.

ໃນແງ່ຂອງການຄົ້ນຄວ້າທາງດ້ານເສດຖະກິດ ສະຖາບັນຄົ້ນຄວ້າເສດຖະກິດແຫ່ງຊາດ ແມ່ນຈະໄດ້ສຸມໃສ່ບັນຫາທີ່ພົ້ນເດັນໃນປີທີ່ເປັນປັດໄຈກະທົບຕໍ່ເສດຖະກິດຂອງພວກເຮົາ, ຜ່ານການຄົ້ນຄວ້າ ແລະ ໄດ້ຕິດຕາມສະພາບເສດຖະກິດໃນໄລຍະ 1 ປີຜ່ານມາ ແລະ ການພະຍາກອນເສດຖະກິດປີ 2020 ນີ້ ເຫັນວ່າມີຫຼາຍເຫດການ ແລະ ຫຼາຍປັດໄຈທີ່ສົ່ງຜົນຕໍ່ແຜນພັດທະນາທະນາເສດຖະກິດ-ສັງຄົມຂອງປະເທດເຕີບໂຕໃນຈັງຫວະທີ່ຊ້າ.

ຫົວໜ້າສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ປັບໂຄງສ້າງເສດຖະກິດກ່າວວ່າ: ເຫດການທີ່ພົ້ນເດັນໃນປີ 2019  ຜ່ານມາ, ເສດຖະກິດຂອງຈີນເຕີບໂຕຊ້າທີ່ສຸດໃນຮອບ 27 ປີ ຍ້ອນບັນຫາຂໍ້ຂັດແຍ້ງທາງດ້ານການຄ້າ ແລະ ຂະບວນການປະທ້ວງຢູ່ຮົງກົງ ແລະ ທາງອ້ອມຕໍ່ການສົ່ງອອກຂອງລາວທີ່ຢູ່ໃນຕ່ອງໂສ້ການສົ່ງອອກໄປຈີນ ແລະ ສົ່ງຕໍ່ໄປຍັງອາເມລິກາ ແລະ ອາດເຮັດໃຫ້ການລົງທຶນໂດຍກົງຈາກຈີນຢູ່ລາວຫຼຸດລົງ; ການແຂງຄ່າຂອງເງິນບາດ ກະທົບໂດຍກົງຕໍ່ການນຳເຂົ້າຂອງລາວຍ້ອນ ເກືອບ 60% ຂອງສິນຄ້ານຳເຂົ້າຂອງລາວແມ່ນມາຈາກໄທ ເຮັດໃຫ້ລາຄາສິນຄ້າ ແລະ ປັດໄຈການຜະລິດສູງຂຶ້ນ. ສ່ວນສະພາບທີ່ພົ້ນເດັ່ນພາຍໃນ ສະພາບການເຕີບໂຕເສດຖະກິດຂອງລາວປີ 2019 ມີ 2 ປັດໄຈຄື: ປັດໄຈດຶງ ເຊັ່ນ: ຜົນກະທົບຈາກໄພທຳມະຊາດຕໍ່ຂະແໜງກະສິກຳ, ການຜະລິດໄຟຟ້າຈາກເຂື່ອນທີ່ມີບໍ່ເປັນໄປຕາມແຜນ, ການຜະລິດຂອງອຸດສາຫະກຳບໍ່ແຮ່ (ທອງແດງ) ຫຼຸດລົງ, ຂະແໜງກໍ່ສ້າງສະລໍຕົວ ຕາມທ່າອ່ຽງການລົງທຶນ ແລະ ອື່ນໆ. ສ່ວນປັດໄຈຍູ້ເຊັ່ນ: ຂະແໜງການທ່ອງທ່ຽວຂະຫຍາຍຕົວ 14% ຫຼື 4,79 ລ້ານເທື່ອຄົນ, ການລົງທຶນເອກະຊົນພາຍໃນ (ປ່ອຍສິນເຊື່ອ) ຍັງມີບັນຍາກາດຟົດຟື້ນຢູ່ (ຈາກ 5,8% ມາເປັນ 7,1% (ຂໍ້ມູນ 10 ເດືອນ), ຂະແໜງການສົ່ງອອກສິນຄ້າໄປຕ່າງປະເທດ ກໍມີທ່າອ່ຽງຂະຫຍາຍຕົວດີປະມານ 11,08% (ນ້ຳຕານ, ເຈ້ຍ ແລະ ກະສິກຳ). ເພື່ອຮັບປະກັນການຫັນປ່ຽນທີ່ໜັກແໜ້ນ, ຫຼຸດຜ່ອນຄວາມສ່ຽງຈາກພາຍນອກ ແລະ ເພີ່ມໂອກາດ ໃນການພັດທະນາຕາມທິດເຕີບໂຕໄວ, ມີສະຖຽນລະພາບ ແລະ ຍືນຍົງນັ້ນ ຕ້ອງໄດ້ເອົາໃຈໃສ່ ປະຕິ ບັດບາງປະເດັນທີ່ສຳຄັນຄື: ສືບຕໍ່ປະຕິບັດຄວາມພະຍາຍາມຂອງລັດຖະບານໃນການແກ້ໄຂບັນຫາເສດຖະກິດ ແລະ ຂໍ້ຫຍຸ້ງຍາກໃນການພັດທະນາ, ສຸມໃສ່ພິເສດບາງຂະແໜງການທີ່ມີທ່າແຮງ (ກະສິກຳແລະ ທ່ອງທ່ຽວ) ເພື່ອໃຫ້ໄດ້ປະໂຫຍດສູງສຸດຈາກການເຊື່ອມໂຍງ-ເຊື່ອມຈອດກັບພາກພື້ນ ແລະ ສາກົນ, ພ້ອມທັງພັດທະນາຊັບພະຍາກອນມະນຸດໃຫມີທັກສະ, ຄວາມຮູ້, ຄວາມສາມາດສູງສາມາດຮ່ວມຕ່ອງໂສ້ການຜະລິດທີ່ມີມູນຄ່າເພີ່ມສູງ, ທັງເປັນການເກັບກ່ຽວຜົນປະໂຫຍດຈາກການປັນຜົນທາງປະຊາກອນ. ເພີ່ມຄວາມ ເອົາໃຈໃສ່ໃນການຮັບມືກັບການປ່ຽນແປງຂອງດິນຟ້າອາກາດ ແລະ ໄພພິບັດທາງທຳມະຊາດ ທີ່ນັບມື້ເກີດຖີ່ຂຶ້ນ ແລະ ຮຸນແຮງຂຶ້ນ ກະທົບຕໍ່ການເຕີບໂຕຂອງເສດຖະກິດ ແລະ ຕິດຕາມ, ເຝົ້າລະວັງ ແລະ ພ້ອມຮັບມືກັບການລະບາດຂອງພະຍາດຮ້າຍແຮງຕ່າງໆ ໂດຍສະເພາະໄວຣັສໂຄໂຣນາສາຍພັນໃໝ່.

- Wave100S AD to Website 2020 0 - ໃນປີຜ່ານມາ ເສດຖະກິດຂອງລາວເຕີບໂຕໃນຈັງຫວະທີ່ຊ້າ
- lattana 1 - ໃນປີຜ່ານມາ ເສດຖະກິດຂອງລາວເຕີບໂຕໃນຈັງຫວະທີ່ຊ້າ
error: Alert: Content is protected !!