ສະພາແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019

- 82 2 - ສະພາແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019
- AGL banner - ສະພາແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019

ກອງປະຊຸມສະຫລຸບການເຄື່ອນໄຫວວຽກງານພາຍໃນ ຂອງສະພາແຫ່ງຊາດ ແລະ ຂະບວນການແຂ່ງຂັນ “ຮັກຊາດ ແລະ ພັດທະນາ”, ​ໄດ້​ຈັດ​ຂຶ້ນ​ໃນ​ວັນ​ທີ 11 ກຸມພາ ນີ້, ຢູ່ນະຄອນຫຼວງວຽງຈັນ, ໂດຍ​ການ​ເປັນ​ປະທານ​ຂອງ​ທ່ານນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ.

ທ່ານນາງ ສວນ​ສະຫວັນ ວິ​ຍະ​ເກດ ​ເລຂາທິການ​ສະພາ​ແຫ່ງ​ຊາດ ​ໃຫ້​ຮູ້​ວ່າ:​​ ໃນໄລຍະໜຶ່ງປີຜ່ານມາ, ທຸກ​ອົງການ​ຈັດ​ຕັ້ງ​ສະພາ​ແຫ່ງ​ຊາດ ​ໄດ້​ຖື​​ສຳຄັນວຽກງານ​ການ​ສ້າງ​ຄວາມ​ເຂັ້ມ​ແຂງ ໃຫ້​ແກ່​ກົງຈັກ ​ແລະ ບຸກຄະລາ​ກອນ​ຂອງ​ສະພາ​ແຫ່ງ​ຊາດ ຄື: ໄດ້​ເອົາ​ໃຈ​ໃສ່​ບຳລຸງ​ກໍ່ສ້າງ​ພະນັກງານ​ນຳພາ-​ຄຸ້ມ​ຄອງຂຶ້ນ​ກັບ​ສິດ​ຄຸ້ມ​ຄອງ​ຂອງ​ຕົນ, ​ເອົາ​ໃຈ​ໃສ່​ວຽກງານ​ການ​ປະ​ເມີນຜົນ ກາ​ນປະຕິບັດໜ້າທີ່ຂອງ​ພະນັກງານ-​ລັດຖະກອນ​ປະຈຳ​ປີ, ຝຶກ​ອົບຮົມ​ເພື່ອ​ຍົກ​ສູງ​ຂີດ​ຄວາມ​ສາມາດ​ໃຫ້​ແກ່​ສະມາຊິກ​ສະພາ​ແຫ່ງ​ຊາດ ​ແລະ ສະມາຊິກ​ສະພາ​ປະຊາຊົນ​ຂັ້ນ​ແຂວງ, ພ້ອມ​ນີ້,​ ຄະນະ​ປະຈຳ​ສະພາ​ແຫ່ງ​ຊາດ ​ຍັງໄດ້​ພິຈາລະນາ​ບັນຫາ​ສຳຄັນ​ຕ່າງໆ ທັງໝົດ 114 ​ເລື່ອງ ​ແລະ ຮັບຮອງ​ເປັນ​ມະຕິ​ຂອງ​ຄະນະ​ປະຈຳ​ສະພາ​ແຫ່ງ​ຊາດ  50 ສະບັບ, ​ໃນ​ນີ້ມີ ​ວຽກງານ​ລັດຖະບານ 6 ສະບັບ, ​ອົງການ​ໄອ​ຍະ​ການປະຊາຊົນ​ສຸງສຸດ ​ແລະ ສານ​ປະຊາຊົນ​ສູ​ງສຸດ 33 ສະບັບ, ອົງການ​ກວດ​ສອບ​ແຫ່ງ​ລັດ 4 ສະບັບ ​ແລະ ມະຕິ​ວຽກງານ​ສະພາ​ແຫ່ງ​ຊາດ 7 ສະບັບ,​ ພ້ອມທັງ​ໄດ້​ຕິດຕາມ​ກວດ​ກາ ການປະຕິບັດ​ກົດໝາຍ ​ແລະ ນິຕິ​ກຳ​ໃຕ້​ກົດໝາຍ ທີ່​ຕິດ​ພັນ​ກັບ​ການຈັດ​ເກັບ​ລາຍ​ຮັບ, ການ​ປະຕິບັດ​ກົດໝາຍ ​ແລະ ນິຕິ​ກຳ​ໃຕ້​ກົດໝາຍ ທີ່​ຕິດ​ພັນ​ກັບ​ການ​ສ້າງ​ວິຊາ​ຊີບ, ການ​ພັດທະນາ​ສີມື​ແຮງ​ງານທີ່​ມີ​ຄຸນ​ນະພາ​ບ, ການ​ສ້າງ​ວຽກ​ເຮັດ​ງານ​ທຳ​ຂອງ​ປະຊາຊົນ ​ແລະ ການ​ຕິດຕາມ​ກວດກາ​ການ​ຕົກລົງ ຂອງ​ຄະນະ​ປະຈຳ​ສະພາ​ແຫ່ງ​ຊາດ ກ່ຽວກັບ​​ການ​ປະຕິບັດ​ນິຕິ​ກຳ ທີ່​ພົວພັນ​ກັບ​ການ​ເຊົ່າ, ສຳ​ປະທານ​ທີ່​ດິນ. ຜ່ານ​ການ​ຕິດຕາມ​ກວດກາ​ເຫັນ​ວ່າ ​ລັດຖະບານ ກໍ​ຄື​ຂະ​ແໜງການ​ທີ່​ກ່ຽວຂ້ອງ​ໃດ້ເອົາ​ໃຈ​ໃສ່​ສ້າງ, ປັບປຸງ ​ແລະ ຈັດ​ຕັ້ງ​ປະຕິບັດ​ກົດໝາຍ, ນິຕິ​ກຳ​ໃຕ້​ກົດໝາຍ ​ເຂົ້າ​ໃນ​ການ​ປະຕິບັດໜ້າທີ່​ວຽກງານ​ດັ່ງກ່າວ ນັບ​ມື້​​ດີ​ຂຶ້ນ, ປະກອບສ່ວນ​ເຂົ້າໃນ​ການ​ປະຕິບັດແຜນ​ພັດທະນາ​ເສດຖະກິດ-​ສັງຄົມ, ​ແຜນ​ງົບປະມານ​ແຫ່ງ​ລັດ ລວມທັງ​ການ​ພັດທະນາສີມື​ແຮງ​ງານ, ການ​ສ້າງ​ອາຊີບທີ່​ສາມາດ​ສ້າງ​ລາຍ​ຮັບໃຫ້​ແກ່​ປະຊາຊົນຫລຸດ​ພົ້ນ​ອອກ​ຈາກ​ຄວາມທຸກ​ຍາກ, ພ້ອມທັງ​ໄດ້​ກວດກາ, ຄົ້ນຄວ້າ ​ແລະ ພິຈາລະນາ​ຄຳ​ຮ້ອງ​ຂໍ​ຄວາມ​ເປັນ​ທຳ ຂອງ​ປະຊາຊົນ 824 ​ເລື່ອງ ​ແລະ ​ແກ້​ໄຂ​ສຳ​ເລັດ 329 ​ເລື່ອງ ​ເທົ່າ​ກັບ 47,57% ຂອງ​ຈໍານວນຄຳ​ຮ້ອງ​ທັງໝົດ; ຕ້ອນຮັບ ​ແລະ ​ໃຫ້​ຄຳ​ປຶກສາ​ແກ່​ປະຊາຊົນ ກ່ຽວກັບ​ຄຳ​ຮ້ອງ​ຂໍ​ຄວາມ​ເປັນ​ທຳ 220 ​ເທື່ອ.

- Wave100S AD to Website 2020 0 - ສະພາແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019

ໃນປີ 2020 ນີ້, ຈະສືບ​ຕໍ່​ປັບປຸງ​ກົງຈັການຈັດ​ຕັ້ງ​ພາຍ​ໃນ​ສະພາ​ແຫ່ງ​ຊາດ ​ໃຫ້​ມີ​ຄວາມ​ເຂັ້ມ​ແຂງ, ໜັກ​ແໜ້ນ, ສາມາດ​ປະຕິບັດໜ້າທີ່​ເປັນ​ເສນາ​ທິການ​ທີ່​ດີ ​ໃຫ້​ກົງຈັກ​ສະພາ​ແຫ່ງ​ຊາດ ​ແລະ ​ເອົາ​ໃຈ​ໃສ່​ປັບປຸງ​ລະ​ບອບ​ການ​ເຮັດ​ວຽກພາຍ​ໃນ​ສະ​ພາ, ສືບ​ຕໍ່​ຍົກ​ສູງ​ຂີດ​ຄວາມ​ສາມາດ ໃຫ້​ແກ່​ພະນັກງານ-​ລັດຖະກ​​ອນ ​ເປັນ​ປົກກະຕິ, ​ເອົາ​ໃຈ​ໃສ່​ປະຕິບັດການ​ປະ​ເມີນ​ຜົນ​ການ​ປະຕິ​ບັດໜ້າທີ່​ວຽກງານ ຂອງ​ພະນັກງານ-​ລັດຖະກອນ​ປະຈຳ​ປີ 2020  ​ເຊິ່ງ​ເປັນ​ປີ​​ມ້ວນທ້າຍ ຂອງ​ສະພາ​ແຫ່ງ​ຊາດຊຸດ​ນີ້ໃຫ້​ສຳ​ເລັດ​ທັນຕາ​ມ​​ແຜນການ ​ແລະ ຮັບປະກັນ​ຄຸນ​ນະພາ​ບດີຂຶ້ນ.

- lattana banner - ສະພາແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019
- lattana banner 1 - ສະພາແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019
-    AD conten website - ສະພາແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019
error: Alert: ເນື້ອຫາຂ່າວມີລິຂະສິດ !!