ຊ່ວຍກັນປະຢັດນ້ຳ 2 ເດືອນຕໍ່ໜ້ານ້ຳຈະບົກແຫ້ງ

- 78 - ຊ່ວຍກັນປະຢັດນ້ຳ 2 ເດືອນຕໍ່ໜ້ານ້ຳຈະບົກແຫ້ງ
- Untitled design - ຊ່ວຍກັນປະຢັດນ້ຳ 2 ເດືອນຕໍ່ໜ້ານ້ຳຈະບົກແຫ້ງ

       ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນ ແລະ ສິ່ງແວດລ້ອມ ຄາດຄະເນປະລິມານນໍ້າຝົນປະຈໍາເດືອນ ກຸມພາ-ມີນາ-ເມສາ 2020 ນີ້, ໂດຍສະເພາະ ໃນໄລຍະ 2ເດືອນຕໍ່ໜ້ານີ້, ຝົນຈະຕົກໜ້ອຍ, ເຊິ່ງຈະເຮັດໃຫ້ລະດັບນໍ້າຂອງ ແລະ ສາຂາຕ່າງໆສືບຕໍ່ແຫ້ງລົງຫລາຍ, ດັ່ງນັ້ນຈະ ກໍ່ໃຫ້ເກີດມີສະພາບແຫ້ງແລ້ງຢູ່ບາງທ້ອງຖິ່ນແຂວງພາກເໜືອ ແລະ ພາກກາງ. ໂດຍສະເພາະ ໃນໄລຍະທ້າຍເດືອນມີນາ ຫາ ເມສາ ອາກາດຈະຮ້ອນເອົ້າຫຼາຍ ແລະ ອາດຈະເກີດມີພາຍຸລະດູຮ້ອນ ໃນລັກສະນະຝົນຕົກ, ຟ້າຮ້ອງ, ຟ້າເຫຼື້ອມ, ຟ້າຜ່າ, ໝາກເຫັບຕົກ ແລະ ລົມພັດແຮງຢູ່ບາງທ້ອງຖິ່ນ ໃນໄລຍະລະຫວ່າງຕອນບ່າຍຫາ ຄໍ່າ,  ຈົ່ງມີສະຕິຕໍ່ຕົ້ນໄມ້ຫັກ, ເສົາໄຟຟ້າລົ້ມ ແລະ ຫລັງຄາເຮືອນເປ່ເພ.
     

ດັ່ງນັ້ນ ຈຶ່ງເຕືອນມາຍັງປະຊາຊົນໃຫ້ມີສະຕິລະວັງຕົວຕໍ່ສະພາບອາກາດຮ້າຍແຮງດັ່ງກ່າວ ພ້ອມນີ້ ກໍ່ຄວນມີການວາງແຜນນໍາໃຊ້ນໍ້າຢ່າງປະຢັດ ພ້ອມທັງໃຫ້ຕິດຕາມການລາຍງານສະພາບອາກາດ ແລະ ລະດັບນໍ້າ ຈາກກກົມອຸຕຸນິຍົມ ແລະ ອຸທົກກະສາດເປັນປະຈໍາ.

ຂະນະດຽວກັນ, ໃນວັນທີ 10 ກຸມພາ ນີ້, ລັດວິສາຫະກິດ ນ້ຳປະປາ ນະຄອນຫລວງວຽງຈັນ ໄດ້ອອກແຈ້ງການ ເຖິງປະຊາຊົນ ແລະ ຫົວໜ່ວຍທຸລະກິດ ທີ່ຊົມໃຊ້ນ້ຳປະປາໃນຂອບເຂດເມືອງໄຊທານີ, ເມືອງ ຈັນທະບູລີ ແລະ ເມືອງ ໄຊເສດຖາ ວ່າ: ໃນໄລຍະນີ້, ລັດວິສາຫະກິດ ພວມເລັ່ງສ້ອມແປງທໍ່ສົ່ງນ້ຳຂະໜາດ DN 1.200 ທີ່ແຕກຮົ່ວ ຢູ່ພາຍໃນໂຮງງານຜະລິດນ້ຳປະປາ ດົງໝາກຄາຍ 2,  ໃນວັນທີ 13 ກຸມພາ ນີ້,  ຊຶ່ງອາດຈະເຮັດການສະໜອງນ້ຳ ໃນບາງເຂດຂອງເມືອງ ໄຊທານີ, ໄຊເສດຖາ ແລະ ເມືອງ ຈັນທະບູລີ ບໍ່ພຽງພໍ, ດັ່ງນັ້ນ ຈຶ່ງແຈ້ງໃຫ້ຜູ້ຊົມໃຊ້ນ້ຳໃນເຂດເມືອງດັ່ງກ່າວ ຈົ່ງກຽມໂຕ່ງນ້ຳ ໄວ້ໃຊ້ໃຫ້ພຽງພໍໃນຊ່ວງເວລາດັ່ງກ່າວ.

- Wave100S AD to Website 2020 0 - ຊ່ວຍກັນປະຢັດນ້ຳ 2 ເດືອນຕໍ່ໜ້ານ້ຳຈະບົກແຫ້ງ
- WhatsApp Image 2020 05 27 at 5 - ຊ່ວຍກັນປະຢັດນ້ຳ 2 ເດືອນຕໍ່ໜ້ານ້ຳຈະບົກແຫ້ງ
- WhatsApp Image 2020 05 27 at 5 - ຊ່ວຍກັນປະຢັດນ້ຳ 2 ເດືອນຕໍ່ໜ້ານ້ຳຈະບົກແຫ້ງ
error: Alert: ເນື້ອຫາຂ່າວມີລິຂະສິດ !!